Feykir - 13.08.2015, Side 5
30/2015 5
ÍÞRÓTTAFRÉTTIR FEYKIS
Dýsætur sigurleikur gegn KV
2. deild karla í knattspyrnu : Tindastóll - KV 2-1
Tindastóll tók á móti liði KV í 2. deild karla í
knattspyrnu sl. föstudagskvöld á Sauðárkróks-
velli. Bæði liðin hafa verið að dúlla neðarlega í
deildinni og leikurinn því afar mikilvægur
báðum liðum. Úr varð hörkuleikur þar sem
ekkert var gefið eftir en á endanum voru það
Stólarnir sem fögnuðu ynnilega sætum sigri,
2-1, og sitja nú í sjöunda sæti.
Leikur liðanna var jafn og spennandi en það
voru Stólarnir sem sköpuðu sér betri færi. Það
besta kom eftir um 10. mínútna leik þegar Fannar
Gísla skaut yfir þegar auðveldara virtist að skora, en
það er ekki alltaf tekið út með sældinni að komast í
dauðafæri. Eftir þetta komust gestirnir betur inn í
leikinn og fengu ágætt færi sem Hlynur varði vel í
marki Tindastóls. Bjarki Árna komst tvisvar í
skallafæri eftir hornspyrnur en náði ekki að koma
boltanum á markið og Fannar Gísla setti boltann í
stöngina í þröngu færi. 0-0 í hálfleik.
Stólarnir komu sprækir inn í síðari hálfleik,
voru duglegir en héldu skipulaginu vel og gáfu fá
færi á sér. Haukur Eyþórsson, nýr leikmaður sem
skipti úr Hvíta riddaranum nú á dögunum, var
baráttuglaður og ógnaði með hraða sínum og vilja.
Fyrsta mark leiksins gerði Páll Sindri fyrir Tinda-
stól á 59. mínútu eftir góða baráttu Stólanna upp
við teig gestanna. Hann vann boltann á víta-
teigslínunni, komst í gott færi og setti boltann í
hornið fjær. Stólarnir efldust við þetta og uppskáru
annað mark á 73. mínútu þegar Haukur elti hálf
vonlausan bolta upp völlinn. Hann tók á mikinn
sprett og náði að komast í boltann á undan Atla
Jónassyni markmanni KV og setja boltann yfir
hann í háum boga. Boltinn datt niður rétt framan
við marklínuna og skoppaði rétt inn í markið áður
en varnarmenn KV hreinsuðu. 2-0. Stólarnir
reyndu nú að hægja á leiknum en gerðu sig seka
um slæm mistök á 81. mínútu eftir aukaspyrnu KV,
afleit hreinsun varnarmanns endaði hjá Einari Má
Þórissyni sem skilaði boltanum af öryggi í netið.
Fannar Kolbeins og Haukur Eyþórs frændi hans.
Mynd fengin af Facebook-síðu Fannars.
Norðurlandsmeistaramót
í Skeet á Sauðárkróki
Skotfélagið Markviss
Norðurlandsmeistaramótið í
Skeet verður haldið á
skotsvæði Skotfélagsins
Ósmanns á Sauðárkróki en
mótshald er í höndum
Skotfélagsins Markviss frá
Blönduósi.
„Mótið verður öllum opið og
gildir til flokka og meta, og
viljum við hvetja unga sem aldna
til að mæta og gera sér glaðan
dag á einu glæsilegasta skotsvæði
landsins,“ segir á viðburðarsíðu
mótsins á Facebook en þar má
kynna sér nánar hvernig móts-
hald fer fram.
Á mótinu verða afhentir í
fyrsta sinn nýir farandbikarar til
Norðurlandsmeistara. „Það mark-
ar einnig viss tímamót að nú
verður í fyrsta sinn krýndur
Norðurlandsmeistari í kvenna-
flokk og vonumst við til að það
eigi eftir að stuðla að frekari þátt-
töku kvenna í greininni hér
norðan heiða,“ segir á síðunni. /BÞ
Eva Dögg Pálsdóttir býr á
Laugarbakka á Hvammstanga
og er dóttir þeirra Páls
Jóhannessonar og Vigdísar
Lillýjar Sigurjónsdóttur. Hún er
17 ára gömul hestakona sem
hampaði Íslandsmeistaratitli
unglinga í Slaktaumatölti – T2 á
Íslandsmótinu í júlí. Eva Dögg er
Íþróttagarpur Feykis.
Íþróttafélag: -Hestamannafélagið
Þytur.
Helstu íþróttaafrek: -Íslandsmeist-
ari unglinga í T2 2015 til dæmis.
Skemmtilegasta augnablikið:
-Mér fannst augnablikið eftir mitt
verkefni í forkeppninni í Slak-
taumatölti á Íslandsmótinu mjög
skemmtilegt. Það var mjög góð
tilfinning!
Neyðarlegasta atvikið: -Það var
virkilega vandræðalegt þegar ég
var að taka mynd af vinkonu minni
með Aroni Pálmarssyni og ég var
svo stressuð og titraði svo mikið að
myndin var hreyfð og við þurftum
að biðja um nýja mynd.
Einhver sérviska eða hjátrú? -Ég
er yfirleitt með sama hálsmenið
þegar ég keppi.
Uppáhalds íþróttamaður?
-Örugglega bara Guðjón Valur.
Ef þú mættir velja þér and-
stæðing, hver myndi það vera og
í hvaða grein mynduð þið spreyta
ykkur? -Ég myndi vilja keppa við
pabba minn í go-kart.
Hvernig myndir þú lýsa rimm-
unni? -Þetta væri æsispennandi
keppni, en ég er hreinlega ekki viss
um hvort myndi vinna.
Helsta afrek fyrir utan íþrótt-
irnar? -Ég, systir mín og frænka
mín kláruðum tvo lítra af bragarref
úr Vesturbæjarís á 20 mínútum. Ég
myndi segja að það sé frekar mikið
afrek.
Lífsmottó: -Gerðu hlutina almenni-
lega eða slepptu því.
Helsta fyrirmynd í lífinu: (og
af hverju): -Ég á mér enga eina
fyrirmynd en það eru nokkrir sem
ég lít upp til.
Hvað er verið að gera þessa
dagana? -Bara vinna í hesthúsinu
í Grafarkoti og njóta síðustu
daganna í sumarfríinu.
Hvað er framundan? -Skólinn fer
að fara að byrja og það styttist
í göngur og réttir og almenn
hauststörf.
Eva Dögg Pálsdóttir / hestamennska
Keppir með sama
hálsmenið
( GARPURINN ) thora@nyprent.is
Eva Dögg Pálsdóttir. MYND: ÚR EINKASAFNI
Sigur og tap gegn austanstúlkum
1. deild kvenna C-riðill : Tindastóll - Einherji 2-1 og Tindastóll - Fjarðabyggð 1-2
Stelpurnar í meistaraflokk Tindastóls buðu
liði Einherja í heimsókn í síðustu viku og
gerðu sér lítið fyrir og nældu í þrjú stig, en
lokatölur voru 2-1 fyrir Tindastól sem situr nú
í öðru sæti með 17 stig.
Einherji komst yfir á 20. mínútu leiksins, en
það var Karítas Anja Magnadóttir sem skoraði
það. Staðan í hálfleik var því 1-0 fyrir Einherja.
Stelpurnar í Tindastól komu þó mun sterkari til
baka í seinni hálfleik og skoruðu tvö mörk; á 47.
– og 52. mínútu leiksins. Það var Hrafnhildur
Björnsdóttir sem skoraði þau bæði. Lokatölur
leiksins voru 2-1.
Mikilvægur leikur var síðan sl. sunnudag en þá
kom lið Fjarðabyggðar í heimsókn og hafði betur,
1-2. Hrafnhildur gerði markið í uppbótartíma.
Í gærkvöldi sóttu Stólastúlkur lið Völsungs
heim en úrslitin voru ekki ljós þegar blaðið fór í
prentun. Lið Húsvíkinga hefur hins vega unnið
alla tíu leiki sína í deildinni til þessa og er með
markatöluna 63-2 en lið Tindastóls er í hörku
baráttu um annað sætið í riðlinum. /ÞKÞ og ÓAB
Talsverður hasar og hiti færðist í leikinn í kjölfarið
og gestirnir gerðu sig líklega til að jafna leikinn en
allt kom fyrir ekki – eins og Gaupi segir. Lokatölur
2-1.
Allt lið Tindastóls stóð fyrir sínu og sannkallað-
ur liðssigur staðreynd. Páll Sindri átti fínan leik á
miðjunni, spilaði boltanum vel og gat tekið menn á
ef þurfti. Þá var Haukur sprækur frammi og ætti að
færa Stólunum þá grimmd (og vonandi mörk) sem
skort hefur í sumar. Vörnin stóð sína vakt og
gestirnir fengu fá færi úr að moða.
Þrátt fyrir sigurinn og sæti um miðja deild eru
Stólarnir langt frá því að vera öruggir með sæti í
deildinni og ljóst að barist verður fram á
ögurstundu. Stólarnir eru í sjöunda sæti með 16
stig en liðið í ellefta sæti, Ægir Þorlákshöfn, er með
14 stig og því ljóst að menn mega ekki misstíga sig
í næstu umferðum. /ÓAB
Stelpurnar í meistaraflokki fengu liðsstyrk frá ungum iðkendum þegar þær mættu til leiks. MYND: HELGA DÓRA LÚÐVÍKSDÓTTIR