Feykir - 13.08.2015, Síða 7

30/2015 7
a.m.k. sjö formönnum Félags-
og tómstundanefndar sem
málaflokkurinn sem ég stýrði,
frístundamál, heyrðu undir og
einum þremur sveitarstjórum
sem getur bæði verið gefandi
en líka talsvert snúið. Ný
sveitarstjórn vildi líka breyta
áherslum í þessum mála-
flokki. Það varð því úr að ég
var lánuð í ár til SSNV sem
ráðgjafi í málefnum ungs fólks á
svæðinu.“
Vorið 2013 var Maríu Björk
boðið starf hjá N4 Sjónvarpi á
Akureyri og þurfti ekki að hugsa
sig lengi um. „Ég vissi að ég yrði
að taka því, ég lét hjartað ráða
för. Síðustu tvö ár hafa verið
ótrúleg, bæði skemmtileg en
líka erfið. Þyngst var að þurfa
að fylgja stofnanda N4, Þorvaldi
Jónssyni, til grafar fyrir rúmu
ári. Hann var einn af þessum
ótrúlega skemmtilegu og hug-
myndaríku mönnum sem
gaman er að starfa með, allt var
bara verkefni en ekki vandamál.
Eftir fráfall hans átti þessi litli
vinnustaður erfitt á margan hátt.
Við höfum staðið þétt saman og
farið í gegnum hvern skaflinn
á fætur öðrum. Það komu svo
nýir eigendur síðasta haust og
framkvæmdastjóri sem hætti
reyndar nánast fyrirvaralaust
nokkrum mánuðum seinna. Þá
vorum við Hilda Jana beðnar
um að leiða fyrirtækið frá degi
til dags sem við og gerðum
ásamt því að sinna okkar
fyrri störfum. Við vorum svo
beðnar um að taka formlega við
stjórnartaumunum nú í byrjun
sumars.“
Talsvert langt að
sækja vinnu
„N4 er ekki bara sjónvarp,
reksturinn er fjórþættur, N4
Dagskráin kemur út vikulega
líkt og Sjónhornið hér, fram-
leiðsludeild sér um gerð
sjónvarpsþátta, auglýsinga
bæði fyrir útvarp, sjónvarp
og netmiðla, annast beinar
útsendingar, tekur upp fundi og
ráðstefnur svo eitthvað sé nefnt
og síðan er öflug grafíkdeild
sem annast hönnun auglýsinga,
bæklinga, bóka, korta og bara
alls þess sem undirbúa þarf
til útgáfu og prentunar. Hjá
fyrirtækinu vinna nú tæplega
20 manns og framtíðin er
spennandi og ögrandi. Við
vorum til dæmis í stóru verkefni
um helgina en það var upptaka
á Fiskidagstónleikunum á
Dalvík. Ekkert smá verkefni
þar sem tæknimenn okkar fóru
hreinlega á kostum. Við gerðum
þetta líka í fyrra og sýndum um
áramótin. Margir hafa sagt að
þeir tónleikar séu það allra besta
Næst lá leið Maríu Bjarkar
og Ómars til Óslóar þar sem
María Björk fór í Háskólann í
Ökern og Ómar fór að vinna og
þjálfa fótbolta. Rúmu ári seinna
fæddist elsti sonur þeirra, Stefán
Arnar, sem á einmitt afmæli í
dag 13. ágúst, og er búinn að
gera Maríu Björk að tvöfaldri
ömmu. „Við Ómar lukum bæði
námi, ég sem félagsráðgjafi og
hann sem hönnuður verslana
og útstillingaráðgjafi og ég
fór að vinna hjá félagsmála-
stofnun í Ósló. Við fluttum
svo heim til Íslands og sett-
umst að á Seltjarnarnesi.
Hann var útstillingastjóri í
teyminu sem opnaði nýja
IKEA verslun í Reykjavík
og ég varð yfirfélagsráðgjafi
hjá Svæðisstjórn um málefni
fatlaðra á Reykjanesi og síðar
á Greiningar- og ráðgjafarstöð
ríkisins. Þar vann ég þegar yngri
sonur okkar, Ingvi Hrannar,
fæddist en hann er fjórum árum
yngri en Stefán.“
Opnuðu
Kaffi Krók
„Við fluttum heim á erfiðum
tíma í íslensku efnahagslífi,
sem virðist nú reyndar vera
raunin hvenær sem maður
ætlar að reyna að koma undir
sig fótunum hér á landi. Það
hefði verið miklu einfaldara að
taka þessi fyrstu skref frekar
úti í Noregi, því verður ekki
neitað. Það er alveg gríðarlegt
álag á ungar fjölskyldur og þarf
talsvert mikið að vanda sig til að
þessi hlutverk gangi öll upp og
ekki finnst mér nú samfélagið
hugsa nægilega vel út í stöðu
ungs fólks í þessari stöðu. Það
hefur því miður ekki breyst.
Við helltum okkur út í þetta
allt, byggja, ala upp drengina,
vinna og vera fjölskylda en með
stórfjölskylduna norður í landi.
Við fundum að það var bara
eitthvað mjög mikilvægt sem
vantaði. Það var því ekkert erfitt
að taka ákvörðun um að flytja
á Krókinn þegar Ómari bauðst
hér starf sem verslunarstjóri
í Skagfirðingabúð. Ég var
hinsvegar byrjuð að vinna
þá sem þula hjá RÚV og hélt
því áfram eftir að ég flutti
hingað ásamt því að taka að
mér fréttaritarastarf fyrir RÚV
á Norðurlandi vestra. Þessu
gegndi ég í nokkur ár, fór suður
aðra hverja helgi og þulaðist og
vann þess á milli við að segja
fréttir frá svæðinu í útvarpi og
svo síðar einnig sjónvarpi. Fólk
þekkti því andlitið þegar ég flutti
hingað en stundum fannst mér
það telja sig vita meira um mig
en ég vissi sjálf. En það fylgir því
sjálfsagt að vera inn í stofu hjá
fólki.“
María Björk fékk þá hug-
mynd nokkrum árum eftir að
þau fluttu að það væri gaman að
opna lítið og notalegt kaffihús
þar sem hægt væri að blanda
saman skagfirskri menningu í
mat, drykk, tónlist og myndlist.
Það var þá sem hún og Ómar
opnuðu Kaffi Krók í gamla
Sýslumannshúsinu. „Nafnið á
staðinn átti Svanfríður systir
mín sem seinna opnaði og rak
hér Hótel Tindastól. Tilkoma
Kaffi Króks breytti ýmsu og
bætti við menningarflóruna hér.
Við rákum það fram til ársins
2000 að við eignuðumst hana
Ásthildi sem ákvað að eiga sama
afmælisdag og Ingvi Hrannar,
Stefán afi hennar og Kaffi
Krókur. 24. maí er því annar
merkisdagur sem við höldum
mikið uppá.“
Þegar Ásthildur var árs-
gömul og komst inn á leikskóla
fór María Björk að svipast um
eftir annarri vinnu og réð sig til
að annast félagsmiðstöðvarnar
í nýja Sveitarfélaginu Skagafirði
sem hafði orðið til árið 1998
og vann við það í tólf krefjandi
ár. „Það fór fram mikil hug-
myndavinna hjá öflugu teymi
sem setti forvarnir – í víðasta
skilningi þess orðs – á oddinn.
Útkoman var heildarsýn sem
við mynduðum í hugtakinu
Það þarf heilt þorp til að ala upp
barn.
Við vorum ákveðnir braut-
ryðjendur hér í Skagafirði í
þessari heildarsýn sem t.d.
kristallast í Húsi frítímans,
þar sem ólíkar kynslóðir deila
húsi og samverustundum
óháð aldri. Þá er það áhugamál
sem sameina en ekki aldur.
Þá tel ég að Sumar Tím hafi
gjörbreytt aðgangi barna að
íþróttum og tómstundum en
mörg sveitarfélög hafa reynt
að koma því kerfi á en mér
er ekki kunnugt um að neinu
hafi tekist það. Hér stóðu allir
saman að því að gera þetta að
veruleika; íþróttahreyfingin,
ólíkar tómstundagreinar og fólk
í samfélaginu sem vildi leggja
sitt af mörkum.
En tímarnir breytast og
þegar tveir af mínum máttar-
stólpum í þessum málum,
Ivano Tasin og Sævar Pétursson,
voru báðir fluttir í burtu var
kominn tími á að hleypa öðru
fólki að. Það getur líka tekið
talsvert á að vinna í þessu
pólitíska umhverfi. Á þessum
tólf árum hafði ég starfað með
sem gert hafi verið á þessu sviði
fyrir sjónvarp. Við stefnum á
að endurtaka leikinn um næstu
áramót, þá hafa áhorfendur
eitthvað til að hlakka til.“
Hlutverk Maríu hefur breyst
á stuttum tíma, en hún var ráðin
til N4 til að ritstýra þættinum
Að norðan. „Eitt mitt fyrsta
verk var að stækka svæðið með
reglubundinni umfjöllun um allt
Norðurland, líka Norðurland
vestra. Ég mun halda áfram að
fjalla um líf fólks á Norðurlandi
vestra auk þess að grípa inn
í verkefni á Norðurlandi
eystra einnig en sem annar
framkvæmdastjóranna þarf ég
auðvitað að takast á við miklu
fleiri verkefni tengd rekstri,
framtíðarsýn og skipulagningu,
sem mér finnst spennandi.“
N4 er fyrst og fremst lands-
byggðarstöð og það hlutverk
ætlar stöðin að efla enn frekar.
Í dag sinnir hún Norðurlandi,
Austurlandi og Suðurlandi með
vikulegum þáttum en eru auk
þess að vinna að því að koma
Vesturlandi og Vestfjörðum inn
til þeirra einnig. „Þannig lokum
við hringnum og lítum til allra
höfuðáttanna fjögurra sem nafn
stöðvarinnar stendur fyrir. Það
að hún sé staðsett nákvæmlega á
Norðurlandi er hennar styrkur.
Það er nú bara þannig að ver-
öldin er einhvernveginn alltaf
beint undir fótunum á okkur
hverju sinni og það er ekki laust
við að okkur finnist stundum
nóg um hvað mikið af daglegum
fréttum og umfjöllunum snúast
um Stór-Höfuðborgarsvæðið.
N4 gegnir því afar mikilvægu
hlutverki að mínu mati og það
er ómetanlegt að finna allan
þann velvilja og góðhug sem
stöðinni er sýndur, bæði er
fólk duglegt að hringja inn og
segja okkur hvað því finnst, það
skrifar okkur og svo fáum við
dýrmætt hrós út á götu.“
María Björk neitar því ekki
að það er talsvert langt fyrir
hana að sækja vinnu, stundum
daglega 240 kílómetra. „En ég
á góða að á Akureyri, pabba
sem skýtur yfir mig skjólshúsi
þegar ég þarf að gista og systkini
sem eru mér kær. Reyndar var
vinkona mín, Öxnadalsheiðin,
ekki alltaf auðveld í samskiptum
síðasta vetur en ég held að næsti
vetur verði auðveldari. Það er svo
miklu auðveldara að lifa lífinu
ef maður fyllir ferðatöskurnar
sínar af jákvæðni, bjartsýni
og góðum minningum,“ segir
María Björk að lokum.
María Björk við störf hjá N4.
María Björk í faðmi fjölskyldunnar. Frá vinstri: Ingvi Hrannar, Ómar Bragi, María Björk
og Stefán Arnar. Ásthildur fremst. MYNDIR ÚR EINKASAFNI