Feykir - 13.08.2015, Qupperneq 9
30/2015 9
Heilir og sælir lesendur góðir.
Það mun vera Skagfirðingurinn Pétur Stefáns-
son sem einhverju sinni orti svo.
Ég á nóg að brenna og bíta
á börn og konu, sem ég ann.
Allir sjá er á mig líta
einstaklega heppinn mann.
Mikil orðgnótt og falleg hugsun til stökunnar
kemur fram í næstu vísum Sigurðar K.
Pálssonar sem mun ef ég man rétt hafa búið í
Reykjavíkurhreppi.
Inn á svæði óðarmáls
andinn þreyttur flúði.
Þar sem Bragaföllin frjáls
falla í tónaskrúði.
Snúðu þræði stefjastáls
stuðluðu kvæðin skýru.
Gullið bræða úr bergi máls.
Bragafræðin dýru.
Gaman að rifja næst upp magnaða hringhendu
eftir þennan snjalla hagyrðing.
Til þín flý ég draumadís.
-Dökkna skýjakögur,-
uns jörð að nýju úr rökkva rís,
röðulhlý og fögur.
Ef ég man rétt mun sá magnaði Kópavogsbúi
Lárus Salómonsson hafa ort þessa laglegu
hringhendu.
Laufið springur, landið grær
lífið yngist hraðan.
Frelsi syngur fjallablær
flýgur hingað – þaðan.
Önnur hringhenda kemur hér eftir Lárus.
Loftið blátt og heiðið hátt
hugans mátt vill draga,
lífs í sátt að ljóssins átt
langa nátta og daga.
Geta lesendur sagt mér hver yrkir svo.
Á viðskiptanna mæðumorgni
mitt í lánaþönkunum,
er gott að eiga hauk í horni
helst í öllum bönkunum.
Minnir að það hafi verið Jónas Jóhannsson frá
Öxney sem orti þessa kunnu vísu.
Hlátur brestur, grátur grær
gæfa sést á reiki.
Sá hlær best sem síðast hlær
svo er um flesta leiki.
Sá ágæti Móskóga Stebbi mun hafa lýst
lífshlaupi samferðamanns á lífsins leið svo.
Labbar fullur lífsins slóð
með litla fyrirhyggju,
út og suður eltir fljóð
og endar á Kvíabryggju.
Til vinkonu yrkir Stefán svo.
Ástin kyndir elda sína
ásamt girndinni.
Ég hef yndi af þér Stína
Vísnaþáttur 646
eins og syndinni.
Bóndi í Skagafirði tók sig til og giftist aldraðri
ekkju. Þorsteinn Magnússon í Gilhaga taldi af
einhverjum ástæðum ekki tíðindin merkileg
og mun hafa komið eftirfarandi vísu á kreik.
Kalt er ástarþelið þitt
þó ei framar vonum.
Það er illt að eiga sitt
undir haustveðronum.
Jörundur Gestsson sem mun hafa búið á
Hellu lýsti samferðamanni eitt sinn svo.
Ofviti af eigin náð
öslar spekiveginn,
undan hverju rifi ráð
renna beggja megin.
Ólafur Benediktsson hugsar einnig til
samferðamanns er hann yrkir svo.
Fátt þér eykur yndi og frið
illa greiðir veginn.
Ágirndin á aðra hlið
öfund hinumegin.
Einhverju sinni er rætt var um bresti
samferðamann orti skáldið snjalla Jón
Árnason á Víðimýri svo.
Margan galla bar og brest
bágt er valla að sanna,
en drottinn alla dæmir best
dómar falla manna.
Þá koma næst tvær hringhendur eftir Þórhildi
Sveinsdóttur frá Hóli hér í Svartárdalnum.
Trúar veikir þrauka þrátt
þeim ei skeika fárin.
Upp sér hreykja ýmsir hátt
aðrir sleikja sárin.
Eru verstu óláns spor
annarra lesti skoða.
Ef að brestur þrek og þor
þá er flest í voða.
Næsta vísa er eins og þeir sem til þekkja
ort um það ágæta samkomuhús, íbúa
Akrahrepps í Blönduhlíð í Skagafirði, sem
kallast Héðins-minni. Stendur fast í mínum
haus að höfundur hennar sé Gísli Stefánsson
áður bóndi í Mikley Bið lesendur að leiðrétta
ef þörf er á.
Kem ég út að kvöldi dags
klæddur í frakkann bláa.
Augun leita uppi strax
Akrahúsið gráa.
Gaman að enda eins og stundum áður
með fallegri hringhendu eftir Sveinbjörn
alsherjargoða.
Anda heitum yndi nóg
unaðsreitir geyma.
Seinna leitar þráin þó
þinna sveita heima.
Verið þar með sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON ) kristin@feykir.is
Leitið upplýsinga á www.gardar.info
Garðar byrjaði að mæla rafbylgjur
úr jörðu og rafbylgjur sem kom úr tenglum,
tölvum, gsm símum og ljósum.
Allar þessar bylgjur hafa áhrif á fólk og skepnur
og geta valdið ýmsum kvillum, svo sem:
- Mígreni
- Höfuðverk
- Svefntruflunum
- Vöðvabólgu
- Exemi
- Þurrk í húð vegna tölvu
- Fótverkjum
- Júgurbólgu
- Myglusvepp
- Skepnudauða
- Fósturskaða í dýrum
Rafbylgjumælingar
og varnir!
Kem á staðinn og framkvæmi
fyrstu mælingu ókeypis.
Upplýsingar gefur
Garðar Bergendal
í síma 892 3341
Verð í Skagafirð
i
næstu daga
Hafðu samband!
Hafðu samband í síma 455 7176
eða sendu Feyki póst á feykir@feykir.is
Pílagrímsganga og prestvígsla
á dagskrá Hólahátíðar
Hólahátíð 14.–16. ágúst 2015
Árleg Hólahátíð verður haldin
á Hólum í Hjaltadal um
næstu helgi. Að vanda verður
mikið um dýrðir og meðal
annars hægt að berja augum
hina nýopnuðu Biblíusýningu í
Auðunarstofu sem haldin er í
tilefni af 200 ára afmæli Hins
íslenska biblíufélags.
Biblíurnar eru úr safni sr.
Ragnars Fjalars Lárussonar og
mun þetta vera eitt stærsta og
merkilegasta biblíusafn landsins.
Meðal þeirra gersema sem
sýndar verða eru Gutenbergs-
biblía, Biblía Gustavs Vasa, Biblía
Kristjáns III, Þorláksbiblía,
Steinsbiblía, Summaria, Biblia
laicorum, Nýja testamenti
Guðbrands biskups og margar
fleiri fágætar biblíur. Þess má
geta að á Hólum var prentuð
fyrsta íslenska biblían, Guð-
brandsbiblía, árið 1584 og er hún
til sýnis í Hóladómkirkju. Sýn-
ingin er opin frá kl. 10-18.
Klukkan 20:00 á föstudaginn
ætlar Sr. Sigurður Ægisson að
flytja erindið „Hólabiblíur – um
þrjár fyrstu biblíuútgáfur Íslend-
inga“ í Auðunarstofu.
Á laugardaginn hefst dag-
skráin svo með pílagrímsgöngu
frá Gröf heim að Hólum með
biblíulestrum. Lagt verður af
stað frá Grafarkirkju kl. 10:00 og
tekur gangan um sex tíma.
Helgistund verður við heim-
komu í Hóladómkirkju og fólki
ekið til baka að Gröf. Kl. 13:00
verður ganga yfir Hrísháls, í
fylgd Önnu Þóru Jónsdóttur frá
Vatnsleysu, og þá verður gengið
inn í söguna. Lagt er af stað frá
Enni kl. 13:00 og tekur gangan
þrjá tíma heim að Hólum. „Á
veginum verða hin ýmsu óvæntu
fyrirbæri og ævintýraverur úr
raunveruleika fyrri tíma,“ segir í
dagskrá hátíðarinnar. Kl. 17:00
verður dagskrá fyrir börn á
öllum aldri og fjölskyldur þeirra
í Hóladómkirkju í umsjá Helga
Zimsen og Rósu Jóhannesdóttur
og kl. 18:00 verður boðið upp á
hlaðborð með gómsætum
Biblíumat í Undir Byrðunni en
uppskriftirnar eru úr bók sr.
Svavars A. Jónssonar.
Á sunnudaginn kl. 11:00
flytur Dr. Gunnlaugur A. Jóns-
son erindið „Áhrifasaga Salt-
arans. Um áhrif Davíðssálma í
sögu og samtíð á bókmenntir,
listir og kvikmyndir.“ Hátíðar-
messa í Hóladómkirkju hefst kl.
14:00 en þá verður Mag. theol
Halla Rut Stefánsdóttir vígð til að
gegna sóknarprestsembætti í
Hofsós- og Hólaprestakalli.
Að veislukaffi í Hólaskóla
loknu verður hátíðarsamkoma í
Hóladómkirkju, sem hefst kl.
16:30. Ólöf Nordal innanríkis-
ráðherra flytur hátíðaræðu og
Ragnhildur Ásgeirsdóttir fram-
kvæmdastjóri Hins íslenska
biblíufélags flytur ávarp. /BÞ