Feykir - 07.01.2016, Blaðsíða 5
01/2016 5
Daníel Þórarinsson / Frjálsíþróttakarl UMSS 2015
Væri heiður að fá að
taka 100m sprett
við Usain Bolt
( GARPURINN ) berglind@feykir.is
Daníel á sprettinum. MYND: ÚR EINKASAFNI
Daníel Þórarinsson hefur
átt góðu gengi að fagna í
frjálsum íþróttum og var valinn
Frjálsíþróttakarl UMSS 2015.
Daníel er 21 árs og segist alla
tíð hafa búið í „Hólatúninu
góða“ á Sauðárkróki. „Ég er
Rípari í föðurætt, Þórarinn
Þórðarson og úr Hólkotsættinni
í móðurætt Jakobína Helga
Hjálmarsdóttir,“ segir Daníel.
Hann æfir spretthlaup með
Frjálsíþróttadeild UMFT; 60,
100, 200 og 400 metra. Daníel
svaraði nokkrum spurningum
fyrir Feyki.
Helstu íþróttaafrek: -ULM meist-
ari í nokkrum sprettgreinum
einhver ár; Íslandsmeistari utan-
húss í 400m 2013 og 2014
ásamt það ár í 100m og 200m í
mínum aldurshópi.
Skemmtilegasta augnablikið:
-Var einn daginn í fyrrasumar
þegar ég bætti mig persónulega í
100, 200 og sérstaklega í 400m
á litlu móti á heimavellinum.
Neyðarlegasta atvikið: -Það er
eitt atvik sem ég man eftir þegar
síminn minn hringdi í keppni og ég
var í startblokkinni og vinur minn
segir yfir alla: „Er þetta ekki síminn
þinn Daníel?“
Einhver sérviska eða hjátrú?
-Nei, ég er svo heppinn að lifa
í einfaldleikanum en vissulega
gerir maður alltaf sömu rútínu fyrir
keppni eins og taka sömu drillur,
hreyfiteyjur o.s.frv.
Uppáhalds íþróttamaður? -Á
mér engan uppáhalds en vil þá
nýta tækifærið og hrósa öllu því
frábæra íþróttafólki sem býr í
þessu landi.
Ef þú mættir velja þér and-
stæðing, hver myndi það vera og
í hvaða grein mynduð þið spreyta
ykkur? -Það væri ákveðinn heiður
að fá að taka einn 100m sprett
við hraðasta mann veraldar, Usain
Bolt.
Hvernig myndir þú lýsa þeirri
rimmu? -Fyrstu 30 metrana væri
hörð barátta á milli okkar, ég væri
örlítið skarpari en síðan myndi
Bolt baka mig næstu 70 metrana
og hreinlega bursta mig!
Helsta afrek fyrir utan
íþróttirnar? -Ætli það sé ekki
gróðursetningarnar á Helgu-
stöðum sl. 15 ár og hafa lokið
jógakennaranáminu í Tælandi í
mars 2015.
Lífsmottó: -Þau eru nokkur,
ofarlega á lista er að vera trúr
sjálfum sér og svo má ekki
gleyma gömlu góðu gildunum úr
grunnskólanum: Lifa, leika, læra!
Helsta fyrirmynd í lífinu: -Á mér
enga sérstaka nema allt það
heilsteypta og góða fólk sem ég
á og er umlukin. Þetta fólk eru
algjörar fyrirmyndir.
Hvað er verið að gera þessa
dagana? -Mest allur metnaðurinn
fer í að ná mér góðum í fætinum
en ég lenti í því óhappi að slíta
aðra hásina í lok júlí. Mér miðar
einstaklega vel fram að þessu en
samt sem áður mikil vinna eftir
óunninn.
Hvað er framundan? -Spennandi
tímar klárlega, fyrst á dagskrá er
að leysa systur mína af í tvær vikur
en hún rekur jóga- og heilsusetrið
Sólir, þar kennir hún einnig jóga.
Síðan ætla ég að hefja nám við
Landbúnaðarháskóla Íslands og
ekki má gleyma æfingaferðina um
páskanna til Bandaríkjanna með
frjálsíþróttagenginu.
ÍÞRÓTTAFRÉTTIR Fleiri íþróttafréttir á Feykir.isF
Þóranna Ósk valin
Íþróttamaður Skagafjarðar 2015
Kjör íþróttamanns
Skagafjarðar fyrir árið 2015
fór fram í Húsi frítímans
sunnudaginn 27. desember
síðastliðinn. Að kjörinu
standa UMSS og Sveitar-
félagið Skagafjörður. Það var
hin unga og efnilega frjáls-
íþróttakona Þóranna Ósk
Sigurjónsdóttir úr Tindastóli
sem hlaut titilinn að þessu
sinni.
Þóranna er sexfaldur Íslands-
meistari í frjálsíþróttum 2015,
bæði í aldursflokki 15–22 ára og
í fullorðinsflokki. Á innanhúss-
mótum varð hún Íslandsmeistari
í hástökki kvenna, stökk 1,67 m,
sem er skagfirskt héraðsmet og
sigraði einnig í hástökki og 60 m
grindahlaupi á MÍ 15-22 ára. Á
utanhússmótum varð hún
Íslandsmeistari í hástökki og
sigraði í grindahlaupi og
hástökki á MÍ 15-22 ára. Hún
var útnefnd frjálsíþróttakona
UMSS 2015 á uppskeruhátíð
UMSS og íþróttamaður Tinda-
stóls. Þóranna var valin í landslið
Íslands til að keppa í hástökki,
bæði á Smáþjóðaleikunum og í
Evrópukeppni landsliða og stóð
sig með prýði.
Unglingaflokkur Tindastóls í
körfuknattleik karla hlaut nafn-
bótina Lið ársins 2015 en þeir
urðu Íslandsmeistarar tímabilið
2014-2015 og fóru í gegnum
tímabilið ósigraðir.
Þjálfari ársins er Israel
Martin körfuknattleiksþjálfari.
Hann þjálfaði drengjaflokk,
unglingaflokk og meistara-
flokk karla veturinn 2014-2015
með miklum ágætum.
Drengjaflokkurinn endaði
tímabilið í 3. sæti, unglinga-
flokkur sem Íslandsmeistarar
og meistaraflokkur í 2. sæti á
Íslandsmótinu.
Samhliða kjörinu á
Íþróttamanni Skagafjarðar var
ungu og efnilegu íþróttafólki
veittar viðurkenningar með
hvatningu til áframhaldandi
ástundunar í sínum greinum.
/Skagafjordur.is
Þóranna Ósk hlaðin verðlaunabikurum. MYND: UMSS
Öruggur sigur
gegn FSu í
Síkinu
Dominos-deildin:
Tindastóll - FSu 80-76
Stólarnir sýndu sínar bestu
hliðar gegn FSu í síðustu
umferðinni í Dominos-
deildinni fyrir jólin og
skemmtu stuðningsmönn-
um sínum með frábærum
varnarleik sem oft á tíðum
skilaði skemmtilegum
skyndisóknum. Lokatölur
voru 107-80.
Gestirnir gerðu fyrstu
körfu leiksins en síðan tóku
Stólarnir yfir leikinn. Í
öðrum leikhluta var leikur
Tindastóls stórbrotinn og ef
gestirnir hefðu ekki verið að
negla niður nokkra þrista
hefðu þeir allt eins getað
pakkað niður og farið heim í
hálfleik. Staðan þá 56-35 en
gestirnir náðu að fylgja
heimamönnum betur eftir í
síðari hálfleik en voru aldrei
nálægt því að koma sér inn í
leikinn.
Jerome Hill átti sinn besta
leik fyrir Stólana, gerði 32
stig og tók tólf fráköst á 22
mínútum. Hann átti reyndar
nokkuð þægilegt líf í teig
gestanna þar sem þeirra besti
maður, Chris Woods, var
snemma leiks kominn í villu-
vandræði og gat lítið beitt
sér.
Næsti leikur Stólanna er
síðan í kvöld en þá koma ÍR-
ingar í heimsókn í Síkið. /ÓAB
Arnþór Freyr
og Stólar skilja
að skiptum
Körfuknattleiksdeildin
Arnþór Freyr Guðmundsson,
sem gekk til liðs við
Tindastól í sumar, mun ekki
leika með liðinu í seinni
umferð Domino's deildar-
innar. Samkvæmt tilkynn-
ingu frá körfuknattleiks-
deildinni tengist ákvörð-
unin ekki Arnþóri Frey
sjálfum heldur má rekja
hana til fjárhagsaðstæðna
deildarinnar. Stjórnin
þakkar Arnþóri framlag
hans til félagsins.
Talsverðar væntingar
voru gerðar til Arnþórs en
hann náði sér ekki á strik
með liðinu. /ÓAB
Ísólfur Líndal kjörinn
Íþróttamaður USVH 2015
USVH
Kjöri Íþróttamanns ársins hjá
USVH var lýst í íþróttamið-
stöðinni á Hvammstanga sl.
mánudag, þar sem fram fór
Staðarskálamótið í körfubolta
2015. Íþróttamaður USVH
árið 2015 var kjörinn Ísólfur
Líndal Þórisson hestaíþrótta-
maður frá Lækjamóti í Víðidal
en hann hlaut 35 stig í
kjörinu. Norðanátt greinir frá.
„Ísólfur sem keppir fyrir
Hestamannafélagið Þyt hefur á
undanförnum árum skipað sér í
raðir bestu hestamanna landsins.
Árið 2015 var honum farsælt á
keppnisbrautinni og keppti
hann á mörgum mótum með
frábærum árangri,“ segir í frétt
Norðanáttar.
Í öðru sæti var Dagbjört
Dögg Karlsdóttir körfuknatt-
leikskona hjá Umf. Val með 27
stig og í þriðja sæti var Salbjörg
Ragna Sævarsdóttir körfuknatt-
leikskona hjá Umf. Hamar með
18 stig.
Verðlaunahafar hlutu eignar-
bikara og Ísólfur farandbikar
auk styrks frá Landsbankanum á
Hvammstanga. /BÞ
Verðlaunahafar. MYND: Norðanátt.is