Feykir - 08.06.2016, Blaðsíða 2

2 22/2016
Ekki eru liðin mörg ár síðan Strætó fór sína jómfrúarferð út
fyrir höfuðborgarsvæðið og tók upp áætlunarferðir á lands-
byggðinni. Fyrsta ferðin til Akureyrar, með viðkomu víða um
Norðurland vestra, var farin í september 2012. Fólk virðist
almennt vera ánægt með viðbótina og yfirhöfuð að fá þessa
þjónustu. Frábært! Hins vegar finnst mér að þjónustan mætti
vera meira á pari við það sem íbúum höfuðborgarsvæðisins
stendur til boða, sérstaklega hvað varðar tíða notendur
þjónustunnar.
Ég hef verið að kynna
mér þessi mál
undanfarna daga þar
sem það liggur fyrir að
ég mun þurfa að fara
með reglulegu millibili
til Reykjavíkur næst-
komandi haust. Ég
ákvað því að skoða
þessa umhverfisvænu
leið og ef til vill spara smá aur í bensín. Þá sá ég fyrir mér að ég
gæti nýtt tímann á leiðinni í lestur eða annað uppbyggilegt. Mér
datt í hug að samgöngukort gæti verið góður kostur, það hlyti
að vera ágætis sparnaður en á vef Strætó segir einmitt um
samgöngukortið: „Almenningssamgöngur eru mikilvægur þáttur
í að fækka einkabílum á götunum og létta umferð fólks og
farartækja. Færst hefur í vöxt að fyrirtæki móti sér samgöngu-
stefnu þar sem starfsfólk er hvatt til að tileinka sér vistvænar
samgöngur með það að leiðarljósi að efla lýðheilsu starfsmanna,
draga úr losun gróðurhúsalofttegunda, draga úr kostnaði við
eignarhald og viðhald bílastæða og stuðla að bættri landnýtingu.
Strætó bs. vill sýna sína ábyrgð í verki með því að styðja við bakið
á þeim fyrirtækjum sem tileinka sér slíka samgöngustefnu með
útgáfu sérstakra Samgöngukorta til notkunar í leiðakerfi Strætó
bs. á vistvænum kjörum.“
Þetta fannst mér hljóma stórvel þannig að ég fletti því upp á
vefnum. Þar kom fram að Bláa kortið (9 mánaða kort) á Vestur-
og Norðurlandi kostar 997.900 krónur. Þetta er ekki inn-
sláttarvilla, þið lásuð rétt - það kostar semsagt tæpa milljón. Til
samanburðar þá kostar Bláa kortið (með sama gildistíma)
innan höfuðborgarsvæðisins 58.700 krónur og því talsverður
verðmunur á milli kortanna eftir því hvort ferðast á innan
höfuðborgarsvæðisins eða á landsbyggðinni. Til að bæta gráu
ofan á svart þá gilda kortin ekki á milli svæða. Þannig að ef ég
ætla ekki að fara fótgangandi allra minna leiða eftir að ég er
komin suður þá þarf ég líka að kaupa Bláa kortið fyrir
höfuðborgarsvæðið og kostnaðurinn þá kominn vel yfir
milljónina. Ég hringdi í Strætó og spurði hvort þetta gæti
staðist. Viðmælandinn minn hafði tölurnar ekki fyrir framan
sig en sagði að þetta væri flókinn útreikningur á milli svæð-
anna en þótti það ekki ólíklegt. Ég spurði hvort þeir hefði
einhver afsláttarkjör fyrir námsmenn. Nei, því miður - það er
bara fullt fargjald 14.280 kr. fram og tilbaka. Niðurstaðan er
semsagt sú að það er ódýrara að keyra sjálfur.
Með þessum orðum mínum vil ég hvetja forsvarsmenn
Strætó til að skoða með hvaða hætti hægt væri að gera
samgöngukort að fýsilegum kosti fyrir íbúa á landsbyggðinni.
Ef verðið á kortinu væri eitthvað í samanburði það sem íbúum
höfuðborgarsvæðisins býðst þá er ég handviss um að Strætó
yrði fullur af sælu landsbyggðarfólki.
Berglind Þorsteinsdóttir ritstjóri
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Berglind Þorsteinsdóttir – berglind@feykir.is & 455 7176, 694 9199
Blaðamenn:
Kristín Sigurrós Einarsdóttir – kristin@feykir.is & 867 3164
Óli Arnar Brynjarsson – oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Þjónusta Strætó
er alveg milljón!
Vill setlaug við
smábátahöfnina
Siglingaklúbburinn Drangey
Siglingaklúbburinn Drangey
hefur óskað eftir að fá að setja
niður heitan pott við smábáta-
höfnina við Suðurgarð á
Sauðárkróki. Pottinum er
ætlað það hlutverk að þjóna
börnum og unglingum á
siglinganámskeiðum og öðrum
þeim sem heimsækja klúbbinn
og vilja nýta sér aðstöðu hans.
Þetta kemur fram í fundargerð
Skipulags- og byggingarnefnd-
ar Sveitarfélagsins Skagafjarð-
ar frá því á mánudaginn.
Í fundargerð segir að utan
þess tíma sem fyrrgreind
notkun kveður á um verður
potturinn lokaður með palli
sem settur verður yfir hann og
honum tryggilega læst. Fyrir
liggur að Umhverfis- og sam-
göngunefnd hefur samþykkt
erindið.
Þá samþykkti Skipulags- og
byggingarnefnd jafnframt
erindið og leggur áherslu á að
potturinn verði tryggilega
læstur utan notkunartíma,
gengið verði snyrtilega frá um-
hverfinu í kring og Siglinga-
klúbburinn tilgreini ábyrgðar-
aðila fyrir aðstöðunni. Umrætt
svæði er í deiliskipulagsmeð-
ferð og er því aðeins um
tímabundið leyfi að ræða. /BÞ
Góðar gjafir frá Bjarma
Leikskólinn Ásgarður
Fulltrúar frá Lionsklúbbnum
Bjarma, þeir Guðmundur
Haukur Sigurðsson og Eggert
Karlson, komu færandi hendi
og gáfu leikskólanum Ásgarði
barnahjól, fjögur til nota
utandyra og tvö til nota
innandyra.
„Það ríkti mikil eftirvænting
hjá nemendum leikskólans
þegar þau fengu að opna
pakkann. Þessa dagana er mikill
áhugi hjá nemendum að komast
í Útgarð og hjóla enda leikur
veðrið við okkur,“ segir í frétta-
tilkynningu frá leikskólanum.
„Við sendum félagsmönnum
í Lionsklúbbnum Bjarma bestu
þakkir fyrir höfðinglega gjöf til
skólans, það er ómetanlegt að
eiga ykkur að,“ segir ennfremur
í tilkynningunni frá nemendum
og starfsfólki Ásgarðs. /BÞ
Við afhendingu gjafanna. MYND: LEIKSKÓLINN ÁSGARÐUR
Leynigestinum
Ásgeiri Trausta
vel fagnað
Húnaþing vestra
Nýstofnað Menningarfélag
Húnaþings vestra stóð fyrir
sínum fyrsta viðburði, sem
voru Sumartónleikar í
Sjávarborg á Hvamms-
tanga, sl. laugardagskvöld.
Að sögn Vilhelms Vilhelms-
sonar, stjórnarmanns í
félaginu, gengu tónleikarnir
ákaflega vel og fóru í alla
staði vel fram. Rúmlega
120 miðar seldust og
skiluðu félaginu um 250
þúsund krónum í tekjur, en
tilgangur þess er að hlúa
að hvers kyns menningar-
starfsemi í héraðinu og
skapa umgjörð fyrir fólk til
að iðka menningarstarf og
skipuleggja viðburði.
Meðal þeirra sem fram
komu voru þau Sigurbjörg
Friðriksdóttir, Þorbjörg Inga
Ásbjarnardóttir og Einar
Georg Einarsson sem lásu
ljóð. Tónlistaratriði fluttu
Harpa Þorvalds, Hrafnhildur
Ýr, Kings of the Stone Age og
Ásgeir Trausti, en sá síðast
nefndi hafði verið auglýstur
sem leynigestur. Mæltist
leynigesturinn vel fyrir, enda
langt síðan hann hefur
komið fram í sínu heima-
héraði. Að tónleikum
loknum spilaði DJ Heiðar
fyrir dansi fram á rauða nótt.
/KSE
Óskað eftir
tillögum að
nafni
Grunnskóli
Húnaþings vestra
Grunnskóli Húnaþings
vestra óskar eftir tillögum
að nafni á skólann og eru
allir þeir sem áhuga hafa
hvattir til að koma með
tillögur sem eru lýsandi og
þjálar fyrir skólann,
samfélag og umhverfi
skólans.
Tillögum er hægt að
koma á framfæri á vefsíðum
skólans og Húnaþings vestra,
undir tenglinum Nafnatil-
lögur grunnskóla 2016. Opið
er fyrir innsendingar á
tillögum til 12. júní. Að þeim
tíma liðnum verður farið yfir
tillögurnar og 1-4 tillögum
stillt upp til kosninga um
nafn á skólann. /KSE
Rann á kyrrstæðan bíl
Umferðaróhapp á Sauðárkróki
Helgin var róleg hjá
Lögreglunni á Norðurlandi
vestra, og allt með kyrrum
kjörum, þrátt fyrir hátíðarhöld
vegna sjómannadagsins.
Á sunnudagskvöldið fór
ungur bílaáhugamaður á
Sauðárkróki inn í kyrrastæðan
bíl og setti hann í „drive“, með
þeim afleiðingum að hann rann
á kerru og síðan á kyrrstæðan
bíl. Eitthvað tjón varð á bílunum
en engan sakaði. /KSE
Af vettvangi. MYND: SIGRÍÐUR MAGNÚSDÓTTIR