Feykir - 30.09.2010, Qupperneq 9

36/2010 Feykir 9
Gunnar Þór Gestsson formaður UMFT skrifar
Afrek eða allir með
Þegar kemur að íþrótta-
iðkun barnanna okkar þá
eru flestir sammála því að
þátttaka sem flestra er
aðalmálið. Við viljum sjá
sem flest taka þátt og vera
með. Reyndar hefur aðeins
borið á því að foreldrar gera
kröfu um afrek strax á
fyrsta ári barnsins en það er
sem betur fer ekki mjög
algengt. Svo líða árin og ef
vel gengur er hópurinn
ennþá stór. Pressan á
árangur eykst og bilið á
milli þeirra sem vilja vera
með og þeirra sem stefna á
afrek í sinni íþrótt breikkar.
Vandamálið sem við
stöndum frammi fyrir er að
við viljum bæði afreksfólk
og líka að hafa alla með.
Kræklingarækt þykir í senn
umhverfisvæn atvinnugrein
sem og er hún líkleg til þess að
hafa jákvæð byggðaleg áhrif.
Ég heyrði um daginn sögu af
ungum manni sem er í
atvinnumennsku í knattspyrnu
og í landsliði Íslands. Hann
elst upp hjá íþróttafélagi þar
sem félagið reynir að hafa alla
með. Hann hins vegar tók
sjálfur aukaæfingar með
aðstoð bróður síns og náði
þannig að skara frammúr.
Ef við yfirfærum þetta dæmi á
barna- og unglingastarf UMF
Tindastóls þá viljum við halda
úti æfingum þar sem
markmiðið er að sem flestir
mæti og njóti þess að stunda
skemmtilega íþrótt. En
hvernig eigum við að gera
íþróttafólkinu okkar kleift að
stunda aukaæfingar, höfum
við aðstöðu til þess og viljum
við leggja okkar að mörkum
til að sinna þessum
einstaklingum sérstaklega
vel?
Forráðamenn UMF Tindastóls
og íþróttamála sveitarfélagsins
eru búnir að marka sér þá
stefnu að öll börn og unglingar
hafi aðgang að öllum deildum
félagsins fyrir eitt hóflegt gjald.
Með því móti viljum við ýta á
sem flesta að taka þátt og prófa
sem flestar íþróttir á fyrstu
árunum. Skráningarkerfið
TÍM er skref í þessa átt þar
sem íþróttafélagið og
sveitarfélagið munu nýta sér
þær upplýsingar sem þar
safnast saman til að koma
þessu nýja skipulagi í
framkvæmd.
Afreksþjálfun er svo annað
mál sem ég tel að íþróttafélagið,
Árskóli og FNV ættu að eiga
góða samvinnu um.
Afreksþjálfun þarf ekki að
vera aldursskipt eins og
almennar æfingar en þar verða
mun meiri kröfur lagðar á
börn- og unglinga.
Ég skora á föðursystur mína,
Rósu Þorsteinsdóttur að koma
með pistil í Feyki.
Skátafélagið Eilífsbúar á Sauðárkróki
Þann 22. mars 1929 var
skátafélagið Andvari stofnað
á Sauðárkróki. Nafnið
Eilífsbúar kom svo upp þegar
félagið var endurvakið af
nokkrum piltum árið 1971.
Hildur Haraldsdóttir hefur
verið í skátunum frá 10 ára
aldri en Hildur hefur í dag
umsjón með skátastarfi á
Sauðárkróki.
Hildur, hvað kom til að þú
upphaflega 10 ára gömul
ákvaðst að ganga til liðs við
skátana?
-Eldri systir mín var í skátunum
og það hefur örugglega ýtt
mikið undir að ég fór að mæta
á fundi. Ég hafði líka engan
áhuga á íþróttum og því var
þetta alveg tilvalið.
Hvað var það við skátastarfið
sem heillaði þig það mikið að
þú hefur ílengst öll þessi ár ?
-Það er svo ótalmargt sem fær
mann til að vilja halda áfram.
Alls konar skemmtileg
námskeið, verkefni og skátamót
bæði hér á landi og erlendis.
Svo kynnist maður líka svo
mörgu skemmtilegu fólki.
Hversu gömul geta börn gengið
til liðs við skátana og hvert eiga
þau að snúa sér?
-Þau geta byrjað í 2. bekk í
skátunum en hjá okkur eru
yngstu krakkarnir í
4. bekk. Við höfum bara ekki
mannskap til að halda út starfi
fyrir yngri krakka en í 4 bekk.
Ef einhver hefur áhuga á að
koma í skátana er minnsta
málið að hringja í mig eða
einhvern annan í félaginu og fá
upplýsingar um fundartíma.
Í hverju er skátastarfið fólgið?
-Markmið skátahreyfingar-
innar er að þroska börn og
ungt fólk til að verða sjálfstæðir,
virkir, hjálpsamir og ábyrgir
einstaklingar í samfélaginu.
Hver hópur hittist einu sinni í
viku, klukkutíma í senn og þar
eru leyst ýmis konar verkefni
inni eða úti, syngjum og höfum
gaman. Að auki eru ýmiskonar
námskeið og skátamót í boði
fyrir skáta á öllum aldri.
Er mikill kostnaður fyrir
foreldra sem ákveða að senda
börn sín í skátana?
-Ekki svo rosalegur myndi ég
halda, miða við margt annað.
Árgjaldið hjá okkur er núna
15.000 krónur og innifalið í því
er skátahettupeysa og
skátaklútar. Krakkarnir hafa
svo þurft að kaupa sér
skátaskyrtu, ef þau þekkja
engan sem á skyrtu og er
hættur að nota, fyrir
skátavígsluna sem er alltaf á
sumardaginn fyrsta hjá okkur.
Svo er auka kostnaður ef
krakkar eru að fara á skátamót
eða í aðrar skátaferðir.
Hvenær munið þið hefja
vetrarstarfið?
-Við erum að byrja aftur eftir
sumarfrí. Ekki alveg komið á
hreint með fundartímana
ennþá. En það gerist í vikunni.
Vorum með innritun um
daginn og það kom alveg
hellingur af krökkum að skrá
sig. Sem er bara frábært.
Nú hafði þið flutt í nýtt húsnæði
hvað verður um gömlu Gúttó?
-Nú er ég bara ekki viss, Gúttó
er eign sveitarfélagsins. Það
verður vonandi gert eitthvað
gott fyrir húsið, það er orðið
ansi lélegt.
Hvað með önnur skátafélög á
Norðurlandi vestra eru þau
virk?
-Það er bara eitt annað á
Norðurlandi vestra og það er
skátafélagið Bjarmi á
Blönduósi, þar er eitthvað starf
ennþá.
Er eitthvað samstarf á milli
félaga?
-Já já, það er alltaf eitthvað
samstarf á milli félagana.
Mættum samt vera duglegri að
hittast og gera eitthvað
skemmtilegt saman til dæmis
fara saman í skálaferðir.
Eitthvað að lokum?
-Ég hvet alla til að prufa að fara
í skátana á hvaða aldri sem er,
þetta er alveg ótrúlega
skemmtilegt. Ég er alla vega
ánægð með mín 18 ár í
skátunum.
Ég er alla vega ánægð
með mín 18 ár í
Hildur á landsmóti skáta.
Frá skátastarfinu.