Feykir - 19.01.2012, Page 7
03/2012 Feykir 7
ákveðið verkefni á Líftækni-
setrinu. Með þessu móti eru
fleiri en fastlaunafólkið sem
starfar á Líftæknisetrinu en
einnig koma hinir og þessir
sérfræðingar innan Matís
annað slagið til að vinna að
sínum verkefnum. Það má líka
nefna að fjöldinn allur af
verkefnum sem fer hér í gegn
um rannsóknarstofuna er hluti
af mörgum stórum verkefnum
og þar af eru mörg alþjóðleg
verkefni líka sem unnin eru í
samstarfi við erlenda háskóla og
fyrirtæki. Við erum heppin að
vera með tvo erlenda
starfsmenn hér sem og tvo
Íslendinga líka sem setur
alþjóðlegan brag á starfsemi
okkar. Að sögn Harðar hefur
verið mikill kraftur í
starfseminni og mikið að gera
og útlit fyrir góða verkefnastöðu
á árinu 2012.
Hörður fullyrðir að Sauðár-
krókur sé miðstöð rannsókna á
lífefnum hafsins á Íslandi og er
með aðstöðu og starfsfólk af
hæstu gæðum. -Þetta er á
heimsmælikvarða. Við erum
með verkefni víða í heiminum,
t.a.m við Chalmers háskóla í
Gautaborg í Svíþjóð, DTU í
Danmörku, Ljubljana í
Slóveníu, og við vinnum að
nokkrum verkefnum með
háskólanum í Flórída í
Bandaríkjunum sem er einn sá
stærsti þar ytra. Einnig höfum
við líka verið í verkefnum sem
tengjast til Japans og jafnvel víða
í Evrópu, segir Hörður en
stórfyrirtæki sem ekki er hægt
að nefna á þessari stundu sýnir
þessum efnum mikinn áhuga.
Að sögn Harðar er ein
sérstaða Líftæknisetursins á
Sauðárkróki nálægðin við
hráefnið. -Við erum með eitt
besta hráefni sem völ er á. Við
getum fengið fiskinn eins
ferskan og hægt er, erum með
íslensku mjólkina, rækjuna og
kjötið þó minna sé unnið með
það. Ferskleikinn skiptir mjög
miklu máli. Og svo er það
íslenska umhverfið, fyrir utan
það hversu hreint og óspillt það
er miðað við annars staðar. Þá
eru hér mjög áhugaverðar
tegundir af hráefni vegna
sérstakra aðstæðna t.d. þangið.
-Það er vitað að ákveðnar
lífverur sem lifa við erfið
skilyrði eins og á Íslandi þróa
með sér alls konar efni til að
verjast þessum ytri aðstæðum.
Þetta eru meðal annars efnin
sem við höfum mikinn áhuga á
að koma áfram í vörur sem
hjálpar fólki til að lifa og líða
betur einnig þróa yfir í matvæli
til að auka geymsluþol þeirra
og gæði á náttúrulegan hátt.
Ísland hefur mikla sérstöðu og
ekki síst Skagafjörður, segir
Hörður að lokum.
Ýmsar líftæknirannsóknir fara fram í hinni nýju rannsóknarstofu MATÍS á Sauðárkróki og hefur yfir sér alþjóðlegan blæ. Á myndinni neðst til hægri er Hörður að taka við Hvatningarverðlaunum RANNÍS úr höndum Jóhönnu Sigurðardóttur forsætisráðherra.