Feykir - 24.04.2012, Page 6

6 Feykir 16/2012
VIÐTAL Páll Friðriksson
Það eru forréttindi að
geta búið í Skagafirði
Ásta Pálmadóttir sveitarstjóri Sveitarfélagsins Skagafjarðar
Ásta Pálmadóttir er sveitarstjóri Sveitarfélagsins Skagafjarðar. Ásta er
Skagfirðingur í húð og hár, dóttir Pálma heitins Friðrikssonar af Svaðastaðakyni
og Svölu Jónsdóttur af Molastaðaætt í Fljótum. Hún var kynnt til leiks sem
sveitarstjóri 17. september 2010 og var komin til vinnu um miðjan október
eftir að hún fékk sig lausa úr fyrra starfi sem útibússtjóri Landsbankans á
Sauðárkróki. Ásta var fyrst spurð að því hvers vegna hún ákvað að söðla um
og gerast sveitarstjóri.
-Þetta er spennandi og
skemmtilegt starf og mjög
fjölbreytt, þannig að þegar
til mín var leitað ákvað ég að
taka það til skoðunar sem
leiddi til þess að ég tók þetta
að mér, segir Ásta og bætir
við brosandi, -er ekki alltaf
sagt „að til mín var leitað“? Ég
var ekki í hópi umsækjenda
um sveitarstjórastöðuna eins
og allir vita en það varð ofan
á að ég ákvað að söðla um og
sé ekkert eftir því. Ásta er með
kandídatspróf í viðskiptafræði
frá Háskóla Íslands en þaðan
útskrifaðist hún árið1989 og
byrjaði strax að vinna hjá
frænda sínum í BYKO, aðallega
í bókhaldi og fjármálum,
seinna meir við innkaup þar til
hún réði sig til nýs fyrirtækis,
Jónar Transport sem var þá
alfarið í eigu BYKO. Þar vann
hún sem fjármálastjóri þar
til hún flutti aftur norður
á Sauðárkrók eftir 15 ára
fjarveru. Við heimkomuna réði
hún sig til vinnu hjá Kaupfélagi
Skagfirðinga og var mikið í
bókhaldi og fjármálum en tók
svo við fjármálastjórn hjá FISK
Seafood árið 2000 og vann þar
uns hún var ráðin útibússtjóri
Landsbanka Íslands hf. haustið
2003. Ásta segir að þessi
starfsreynsla hafi hjálpað sér
í starfi sveitarstjóra. -Ég er
ekki í vafa um að þessi mikla
reynsla hafi hjálpað mér. Ég
hef mikla og víðtæka reynslu af
rekstri fyrirtækja en hafði enga
reynslu af rekstri sveitarfélaga
og kunni ekki mikið í opinberri
stjórnsýslu þegar ég byrjaði,
segir Ásta.
Mikilvægt að
fjárhagslegar
undirstöður séu
traustar
Miklar þrengingar hafa verið í
fjármálum þjóðarinnar þann
tíma sem Ásta hefur setið
í sveitarstjórastóli og hefur
Sveitarfélagið Skagafjörður
ekki farið varhluta af þeim
frekar en önnur sveitarfélög
eða fyrirtæki á landsbyggðinni.
Framlög úr Jöfnunarsjóði
sveitarfélaga hafa dregist mikið
saman frá því sem áður var.
- Ef maður reiknar framlög
Jöfnunarsjóðs frá 2008 upp á
verðgildi ársins 2012 þá erum
við að fá um 400 milljóna króna
minni tekjur. Við fengum
alls 668 milljónir króna frá
sjóðnum árið 2008 sem ættu
að vera 931 milljónir króna á
verðgildi ársins 2012. Nú fáum
við hins vegar um 525 milljónir
þannig að tekjuskerðingin
er gríðarleg. Þetta setur
okkur talsverðar skorður og
auðvitað hefur allt einkennst af
sparnaðarumræðu. Við höfum
í síðustu fjárhagsáætlunum
sett fram ákveðnar hagræð-
ingarkröfur en ekki farið út
í miklar aðgerðir eða skipu-
lagsbreytingar. Hins vegar
erum við með ráðgjafa núna
sem er að fara yfir málin hjá
okkur og aðstoða við tillögu-
gerð um hvar við gætum borið
niður. Við viljum auðvitað
reyna eins og við mögulega
getum að sjá til þess að hag-
ræðingaraðgerðir komi sem
minnst við íbúana en styrki um
leið fjárhagslegar undirstöður í
rekstri sveitarfélagsins.
Varnarbaráttan
skilaði árangri
Niðurskurður ríkisins kom hart
niður á Heilbrigðisstofnuninni
Sauðárkróki eins og mönnum
er enn í fersku minni og beitti
sveitarfélagið sér hart í málinu.
Núna virðist vera logn í þeirri
umræðu og sátt komin í málið.
-Það er kannski ekki hægt