Feykir - 24.04.2012, Side 21

16/2012 Feykir 21
Skarphéðins hf., en það pláss er
í leigu eins og er. hentugt rými
fyrir framleiðsluna er um 150
fermetrar. Ásbjörn sagði að
menn renndu nokkuð blint í
sjóinn hvað þetta kæmi til með
að veita mikla atvinnu. Fleiri
aðilar eru með samskonar
framleiðslu í landinu, ein 3-4
fyrirtæki.
Tvö fiskiræktarfyrirtæki
hefja göngu sína -
100 þúsund gönguseiðum
sleppt í vor
Hlutafélag hefur verið stofnað
um rekstur hafbeitarstöðvar
í Fljótum. Hluthafar eru SÍS
(35%) KS (15%),
veiðifélagið Flóki
(25%), Guðmund-
ur Jónsson í
Byko (15%) og
Teitur Arnlaugsson (10%).
Formaður veiðifélagsins Flóka,
Örn Þórarinsson á Ökrum í
Fljlótumtjáði Feyki að um 100
þúsund gönguseiðum yrði
sleppt í vor. þetta er með stærri
tilraunum af þessu tagi sem
hér á landi hafa verið gerðar.
Flestar jarðir í Haganeshreppi
eiga land á vatnasvæði
Flókadalsár. Binda bændur
vonir við tilraunirnar og
fyrirtækið, enda gefur ástand
landbúnaðar nú tilefni til að
reyndar séu nýjar leiðir. Þá er
þess að geta að annað fyrirtæki
er í uppsiglingu á Reykjarhóli
í Haganeshreppi. Þar hafa
þeir Guðmundur Jónsson og
Teitur Arnlaugsson í hyggju
að koma upp klakstöð með
strandkvíaeldi og hugsanlega
einnig hafbeit. Samspil verður
væntanlega milli hinna tveggja
fiskiræktarstöðva. Vonir standa
til að Teitur fiskifræðingur flytji
norður fljótlega. Sagði Örn á
Ökrum að ekki væri farandi
út í svona nokkuð nema hafa
fagmann með í leiknum.
Gamall Feykir
Alltaf bjartsýni í
atvinnuuppbyggingunni
Vill stað fyrir
orkufrekan iðnað
Atvinnumálanefnd Blönduóss
skorar á bæjarstjórn að tryggja
það að við gerð
svæðisskipulags
fyrir Austur-
Húnavatnssýslu
verði gert ráð
fyrir staðsetningu fyrirtækis í
orkufrekum iðnaði í sýslunni.
Á fundi nefndarinnar nýlega
var rætt um möguleika Blöndu-
óss og Austur-Húnavatns-
sýslu til atvinnuuppbyggingar
í tengslum við notkun á
raforku, það er orkufreks
iðnaðar. Að sögn Skúla
Þórðarsonar bæjarstjóra á
Blönduósi hefur þessari ósk
atvinnumálanefndar verið
komið til þeirrar nefndar
sem vinnur nú að gerð
svæðisskipulagsins. Aðspurður
sagði Skúli að enginn sérstakur
staður hefði verið nefndur
til sögunnar, varðandi
staðsetningu orkufreks iðnaðar
á svæðinu og spurningin hvort
það yrði gert af þeirri nefnd
sem fjallar um skipulagið. Þá
beinir atvinnumálanefndin
einnig þeim tilmælum til
bæjarstjórnar að leitað verði
eftir samstarfi við Iðnvest
um gerð „gátlista“ fyrir
Blönduósbæ þar sem safnað
yrði saman upplýsingum
fyrir mögulega fjárfesta og
atvinnustarfssemi.
Farið að framleiða
snjóbræðslurör og
vatnslagnaefni á Króknum
bráðlega
Nokkrir einstaklingar á Sauð-
árkróki hafa keypt vélar og
framleiðslurétt fyrirtækisins
Kópra-Plasts í Kópavogi og
hyggjast stofna nýtt fyrirtæki
um reksturinn á Sauða´rkróki.
Undir vörumerkinu Kópra
eru framleidd í
dag plaströr til
vatnslagna frá 16
upp í 32 milli-
metra. Lang-
mesta salan, eða um 90% af
framleiðslunni, er í 25 mm
snjóbræðslurörum.
Aðaleigendur að nýja fyrir-
tækinu eru þeir Ásbjörn Skarp-
héðinsson, Björn Bjarnason og
Jón Geirmundsson, en að auki
eru nokkrir aðilar með smærri
eignarhluti. „Við Björn verðum
hér syðra líklega út þennan
mánuð að vinna úr fimm og
hálfu tonni hráefnis sem til
var hérna á hafnarbakkanum.
við stefnum síðan að flutningi
vélanna norður þegar hentugt
húsnæði fæst“, sagði Ásbjörn.
Í framtíðinni er gert ráð fyrir
að starfsemin verði í hluta húss
Oddvitinn
Það var svo dimm hríðin
að ekki sást milli augna.
Feykir fyrir
10
árum
Feykir fyrir
20
árum
Feykir fyrir
30
árum
( MATGÆÐINGAR VIKUNNAR ) berglindth@feykir.is
Laufey og Jóhann kokka
Hrefnukjöt við
hvert tilefni
RÉTTUR 1
Hversdagshrefna
hrefnukjöt
egg
raspur
krydd að eigin vali
(t.d. salt, pipar, karrý)
laukur
AÐFERÐ Þessi réttur var býsna
vinsæll á uppvaxtarárum Laufeyjar
og er enn í góðu gildi. Kjötið er skorið
í sneiðar og barið með buffhamri.
Sneiðunum velt upp úr eggi og
raspi með kryddi að eigin vali og
þær steiktar á pönnu með lauk. Best
að borða með soðnum kartöflum,
grænum baunum, rauðkáli og rabba-
berjasultu.
Laufey Guðmundsdóttir og Jóhann Bjarnason eru búsett á
Hólum í Hjaltadal ásamt þremur börnum sínum. Laufey er
kirkjuvörður og meðhjálpari í Hóladómkirkju og Jóhann
er aðstoðarskólastjóri við Grunnskólann austan Vatna og
organisti við Hóladómkirkju. Þau skora á biskupshjónin
á Hólum, Margréti Sigtryggsdóttur og sr. Jón Aðalstein
Baldvinsson að koma með næstu uppskrift.
„Við höfum verið svo lánsöm í gegnum tíðina að fá gefins
hrefnukjöt, þar sem pabbi minn var hrefnuveiðimaður. Það er
mikill misskilningur að það sé lýsisbragð af hrefnu og það þurfi
því að liggja í mjólk svo og svo lengi fyrir neyslu. Kjötið vill
hinsvegar þrána að utan við mikla geymslu, en þá er nóg að skera
aðeins utan af bitanum fyrir matreiðslu og kjötið er ljúffengt. Við
eigum jafnan vel í frystikistunni af þessu holla og góða kjöti og
höfum prófað að elda það á ýmsan máta. Því finnst okkur upplagt
að hafa hér þrjá góða kosti af aðalrétti með hrefnukjöti sem hægt
er að velja úr, og látum svo fylgja einn eftirlætis desert. Hrefnan er
ekkert ósvipuð nautakjöti svo uppskriftirnar gætu jafnvel hentað
með öðru kjöti, jafnvel hrossakjöti en líklegra er að Skagfirðingar
og Húnvetningar búi að þannig kjötforða í sínum frystikistum.“
RÉTTUR 2
Sumarhrefna
hrefnukjöt
olía
krydd (t.d. kjöt og grillkrydd,
eða annað grillkrydd
að eigin vali)
AÐFERÐ Mjög gott er að grilla
hrefnukjöt. Þá finnst okkur best að
skera hana í u.þ.b. 2ja sm þykkar
sneiðar og láta þær liggja í olíu og
kryddi nokkra klukkutíma. Grillið
skal vera mjög heitt þegar sneiðarnar
eru lagðar á það og grillaðar u.þ.b. 1
½ - 2 mín. á hvorri hlið, þá verður
kjötið lungamjúkt og safaríkt, með
smá rautt í miðjunni. Þessi réttur er
bestur borinn fram með bökuðum
kartöflum og smjöri, hráu grænmeti
og köldum sósum eða bernessósu.
RÉTTUR 3
Hátíðarhrefna
800 gr hrefnukjöt,
skorið í þunnar sneiðar
4 msk hveiti
2 msk kjötkraftur í duftformi
2 tsk timjan
2 tsk paprika
½ tsk cayennepipar
nýmalaður pipar
salt
25 g smjör
2 msk olía
250 sveppir, skornir í sneiðar
2-3 gulrætur, skornar í sneiðar
2 ½ dl rjómi
50 g rjómaostur
AÐFERÐ Þetta er svona spariréttur
sem er ótrúlega góður. Ofninn er
hitaður í 200°C. Hveiti, kjötkrafti og
kryddi blandað saman og kjötinu
velt upp úr blöndunni. Smjör og
olía er brætt á pönnu, kjötið brúnað
á báðum hliðum (ekki steikja lengi,
það er ekki meiningin að nota
það í skósóla). Kjötinu er raðað
í eldfast mót. Sveppirnir eru þá
settir á pönnuna og látnir malla
smá stund og síðan er gulrótunum
bætt út í. Rjómanum er þá hellt
yfir og ef einhver afgangur er af
hveitiblöndunni hef ég hrært það
saman við. Þetta er svo soðið
við vægan hita í nokkrar mín.
Rjómaostinum er hrært saman við
og svo er þessu hellt yfir hrefnuna
og steikt í ofni í 15-20 mín.

EFTIRRÉTTUR
Kristínarklessa
2 egg
250 gr sykur
100 gr smjör
100 gr hveiti
salt á hnífsoddi
1 tsk vanillusykur eða dropar
4 msk kakó
AÐFERÐ Klesst súkkulaðiterta en
nafnið er tilkomið þaðan sem við
fengum uppskriftina, frá Kristínu
systur Jóhanns. Þetta er afar vinsæl
kaka á okkar heimili og auðvitað er
ekkert nafn meira viðeigandi.
Sláið eggin í sundur og hrærið
sykri saman við, þeytið ekki í
hrærivél. Bræðið smjörið og
kælið aðeins. Hrærið hveiti, salti,
vanillusykri/dropum, kakói og
smjöri saman við eggin. Bakið í
smurðu kökuformi (u.þ.b. 24 sm. í
þvermál) í 175 °C heitum ofni í 30-
35 mínútur. Með kökunni er gott
að bera fram ferska ávexti eða ber,
vanilluís eða þeyttan rjóma.
Verði ykkur að góðu!