Feykir - 14.06.2012, Blaðsíða 8

8 Feykir 23/2012
Klikkuð vinna en ofboðslega gaman
Umf. Kormákur á Hvammstanga
Krakkarnir í körfuboltadeild
UMF Kormáks eru að
safna sér fyrir svonefndri
uppskeruferð til Danmerkur
á næsta ári og má með sanni
segja að elja og útsjónasemi
hafi einkennt þeirra söfnun.
„Við erum hér með ár-
legan hvítasunnukökubasar
Kormáks, sem er einn liður
af mörgum í söfnuninni,“
segir Oddur Sigurðarson
þjálfari körfuboltakrakkana
þegar Feykir hitti hópinn í
anddyri KVH á Hvammstanga
á dögunum. Hann útskýrir
að krakkarnir þurfi að safna
fyrir uppskeruferðinni alveg
frá A til Ö, eins og hann
orðar það, en þá á aurinn að
duga fyrir fargjaldi, gistingu
og afþreyingu – „þannig
standa allir jafnir.“ Söfnunin
hófst í febrúar sl. og þá hafa
krakkarnir 16 mánuði til að
safna 260 þúsund krónum
fyrir hvern einstakling.
Farnar hafa verið þrjár
samskonar uppskeruferðir;
sú fyrsta árið 2007, svo 2009
og 2011 en sumir krakkana
eru jafnvel að fara í annað
sinn. Öllum krökkum sem
æfa körfu stendur til boða
að vera með í för. „Þá þurfa
krakkarnir að gera samning
við Körfuknattleiksdeildina,“
segir Oddur og útskýrir að
samningurinn kveður á um
mætingarskildu á æfingar
og mót, og svo auðvitað að
taka þátt í söfnuninni. „Við
notum körfuboltareglurnar,
ef þú brýtur fimmtu regluna
þá færðu ekki að fara með í
ferðina,“ segir hann. Einnig
gilda strangar reglur varðandi
áfengi og vímuefni en ef
einhver er uppvís um neyslu á
slíku verður sá sami sjálfkrafa
úr leik. Stuðningur foreldranna
segir Oddur vera lykilatriði í
velgengni krakkana og skapast
oft mikill metnaður í kringum
söfnunina.
Auk Hvítasunnukökubas-

Heilir og sælir lesendur góðir.
Ennþá er ég að hugleiða þá ágætu vísnaþætti
sem fluttir voru í útvarpinu og einnig á
ýmsum samkomustöðum víða um land
undir stjórn Sveins Ásgeirssonar og voru
kallaðir „Já og nei“. Þeir félagar munu hafa
verið staddir í Borgarnesi þegar foringinn
lagði drög að næstu vísu sem mig minnir
endilega að Helgi hafi botnað svo vel.
Sigga er eins og fólk er flest
en fjörug yfir máta.
Ef hún nær sér ekki í prest
ætti hún að fá sér dáta.
Eitthvað munu þeir félagar hafa verið
óánægðir með frammistöðu sína í
Borgarfirðinum og töldu rétt að kveðja
samkomugesti með þessari ágætu vísu.
Drýgðum vér ei dáðir slyngar
drógu flestir ýsurnar.
Betur hefðu Borgnesingar
botnað sjálfir vísurnar.
Margir vísnavinir hrifust af gríni þeirra
félaga. Ein af þeim var Ólína Jónasdóttir
sem mun hafa sent þeim félögum svo fallega
kveðju.
Þó að togi og tryllist á
tónar villugjarnir.
Lýðsins hylli löngum ná
ljóðasnillingarnir.
Við þá góðu vísnastöð
vermir glóðin undir.
Hlustar þjóð og þakkar glöð
þeirra ljóðastundir.
Flýja einatt sónarseið
svipir meina, blakkir.
Honum Sveini svo um leið
sendi ég hreinar þakkir.
Langar mikið til að rifja upp aðeins meira
af gríni þessara góðu félaga. Það mun hafa
verið Helgi sem kláraði byrjun foringjans
með þessum botni.
Þó mig svíki þessi hrund
þá er bættur skaðinn.
Alltaf kemur á minn fund
önnur kona í staðinn.
Karl mun hafa séð um að klára næstu vísu.
Litla dísin dásamleg
doblar fjögur hjörtu.
Oft er hún í ástum treg
og einkanlega í björtu.
Að lokum þessi sem Guðmundur mun hafa
klárað.
Gaman er í góðum bíl
að gefa koss og drekka af stút.
Sumar hafa sex appeal
þó seint þær virðist ganga út.
Vísnaþáttur 572
Það mun hafa verið haustið 2001 á
gleðskaparkvöldi sem okkar ágæti Grímur
Gíslason orti þessa.
Það er alveg augljóst mál
eftir þessa vöku.
Að lifa má af lífi og sál
í ljóma einnar stöku.
Önnur ágæt vísa kemur hér eftir Grím.
Þeir sem vilja bregða brag
og beita orðsins sverði.
Hafi til þess húnvetnskt lag
til heilla svo það verði.
Það er Ingólfur Ómar sem hlustar á kvæða-
lög vorfuglanna og yrkir.
Hlýnar tíðin hressa lýð
hljómþýð kvæðalögin.
Völlinn skrýða blómin blíð
brosa hlíðardrögin.
Lifna yfir foldu fer
fuglar hækka róminn.
Blærinn þrunginn ilmi er
anga vallarblómin.
Þá langar mig næst til að leita til ykkar
lesendur góðir með upplýsingar. Góður
vinur þáttarins sem býr á Sauðárkróki hafði
samband við mig og langaði hann til að fá
birta eftirfarandi vísu sem trúlega er ort á
haustdögum. Kannast ég ekki við hana og
væri gott að fá frá ykkur línu ef einhver veit
betur.
Nú sé ég sólina heima
sé hve hún fagurt skín.
En nú eru fuglarnir farnir
og fokið í sporin mín.
Einn af snillingunum sem ég hef verið að
fjalla um nú að undanförnu, Guðmundur
Sigurðsson, lá um skeið á sjúkrahúsi. Varla
hefur það verið herbergisfélaga hans til
huggunar er hann orti svo til hans.
Nálgast grand og neyðarstand
nálykt andar blærinn.
Beislar fjandinn bleikan gand
bak við landamærin.
Nóttin herjar nær og fjær
nestið ber ég glaður.
Innan skerja ákaft rær
uppheims ferjumaður.
Einhvern tímann heyrði ég af því að
vísnaglettur hefðu gengið á milli starfsfólks
þeirra ágætu fyrirtækja á Akureyri, Iðunnar
og Gefjunar. Minnir að Karl Ágústsson frá
Grund hafi verið í öðru liðinu og gusað svo
hressilega á andstæðingana.
Hér á landi lyginnar
lýðir standa hissa.
Þegar andans aumingjar
annarra hlandi pissa.
Verið þar með
sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON )
arsins leysir uppskeruhópurinn
margvísleg verk af hendi og
segir Oddur verkefnavalið
ráðast út frá því að taka verkefni
sem gefa pening en eru ekki
of mikil vinna. Krakkarnir
tóku t.d. að sér hátíðarhöld
yfir sumardaginn fyrsta, fyrir
hönd bæjaryfirvalda, en þá
komu um 300-350 manns í
kaffi. Einnig höfðu krakkarnir
umsjón með undirbúningi fyrir
söngvarakeppni Samfés sem
haldið var á Hvammstanga.
„Það var heilmikil vinna,
þau sáu um að búa til sviðið
fyrir keppendurna, en í það
fóru rúmlega 400 bretti, sáu
um ljósin fyrir sviðið og svo
um sjoppu sem þarna var
opnuð,“ segir Oddur. Jafnframt
hafa þau tekið að sér að lesa
af hitaveitumælum einu sinni
ári, selja klósettpappír, fisk,
SÁÁ álfinn, Kiwanis-lykilinn
og fleira. „Þetta er klikkuð
vinna en ofboðslega gaman!“
segir Oddur en uppskeran
verður svo sjö daga ferð til
Danmerkur, þar sem verður
spilað körfubolta við hin ýmsu
dönsku lið og farið í skoðunar-
og skemmtiferðir. /BÞ
Við Hvítasunnukökubasar uppskeruhóps Umf. Kormáks þann 25. maí 2012.