Feykir - 06.09.2012, Blaðsíða 2

2 Feykir 33/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
Skógræktarfélag Íslands
Aðalfundur haldinn
á Blönduósi
Aðalfundur Skógræktarfélags
Íslands 2012 var haldinn í
boði Skógræktarfélags
A-Húnvetninga dagana
24.-26. ágúst sl. og hófst
með ávörpum, skýrslu
stjórnar og kynningu reikn-
inga Skógræktarfélags
Íslands og Landgræðslusjóðs.
Einnig var kynnisferð á vegum
Skógræktarfélags A-Húnvetn-
inga um skógarreiti í
nágrenninu.
Jón Geir Pétursson, fulltrúi
umhverfisráðuneytisins, opn-
aði nýja vefgátt á vefsvæði
Skógræktarfélags, skog.is, þar
sem hægt er að nálgast eldri rit
Skógræktarritsins á rafrænu
formi og leita í þeim eftir
efnisorðum. Þessi nýjung mun
án efa verða kærkomin skóg-
ræktarfólki sem og öðru
áhugafólki um garð- og trjá-
rækt enda mikinn og fjöl-
breyttan fróðleik að finna í
ritunum.
Boðið var upp á veitingar í
Gunnfríðarstaðaskógi þar sem
frumflutt var ljóð eftir Ingi-
björgu Eysteinsdóttur á Beina-
keldu um skóginn í tilefni af
hálfrar aldar afmæli fyrstu
trjáplantnanna sem plantað var
á staðnum. Heiðursskilti til
minningar um Helgu Jóns-
dóttur og Steingrím Davíðsson
var afhjúpað við Gunnfríðar-
staði en þau gáfu skógræktar-
félaginu stóran hluta jarð-
arinnar fyrir liðlega 50 árum.
Einnig var skrifað undir
viðbótar landgræðsluskóga-
samning fyrir Vatnahverfi og
var samningurinn undirritaður
af Ágústi Þór Bragasyni fyrir
hönd Blönduósbæjar, Páli
Ingþóri Kristinssyni fyrir hönd
Skógræktarfélags A-Hún. og
Magnúsi Gunnarssyni fyrir
hönd Skógræktarfélags Íslands.
Stjórn Skógræktarfélagsins
er nú skipuð eftirfarandi aðil-
um: Magnús Gunnarsson for-
maður, Aðalsteinn Sigurgeirs-
son, Gísli Eiríksson,
Guðbrandur Brynjúlfsson, Páll
Ingþór Kristinsson, Sigrún
Stefánsdóttir og Þuríður
Yngvadóttir. Varastjórn: Sigríð-
ur Heiðmundsdóttir, Kristinn
H. Þorsteinsson og Sigríður
Júlía Brynleifsdóttir. /PF
LEIÐARI
Sá yðar sem syndlaus er...
Fátt fer hærra þessa dagana í fjölmiðlum landsins en brot
Ögmundar Jónassonar á jafnréttislögum er hann skipaði karl
í stöðu sýslumanns á Húsavík í stað konu sem sótti einnig um.
Jafnréttislögin hafa verið brotin sex sinnum áður af öðrum
ráðherrum og þeir fengið bágt fyrir eins og Ögmundur nú og
hafa jafnan verið hvattir til að segja af sér. Það er þá sem
maður kímir við; segja af sér!
Það hefur ekki tíðkast hér á landi að ráðherrar eða
alþingismenn segi af sér brjóti þeir landsins lög þó það hafi
kannski gerst í einhverjum fáum tilfellum. Það ætti kannski
að setja það í lög að brjóti þeir landslög skulu þeir segja af sér,
þá þarf ekki að ræða þetta frekar. Enda segir í 34. gr.
Stjórnarskrárinnar að menn skulu hafa óflekkað mannorð til
að verða kjörgengir til Alþingis og er þá nokkuð til of mikils
mælst að þeir reyni að gegna skyldum sínum með mannorðið
í lagi.
Líklega segir Ögmundur ekki af sér vegna þessa máls en
hann mun verða stimplaður lögbrjótur í einhvern tíma af
andstæðingum sínum, og jafnvel samherjum líka, meðan það
þjónar pólitískum hagsmunum þeirra eins og það virðist gera
um þessar mundir.
Páll Friðriksson
ritstjóri
Blönduós
Ekki meinað
að auglýsa
Þann 9. maí sl. barst
Samkeppniseftirlitinu
ábending þess efnis að
Ferðamálastofa og
Blönduósbær setji hömlur
á samkeppni í ferða-
mannaiðnaði í og við
Blönduósbæ.
Í ábendingunni segir að
það sé framkvæmt með
þeim hætti að ákveðnum
aðila sé meinað að auglýsa
þjónustu sína hjá upplýs-
ingamiðstöð ferðamála á
staðnum.
Á fundi bæjarráðs
Blönduósbæjar í síðustu viku
var málið lagt fram til
kynningar en þar segir að
eftir mat á því hvort erindið
gæfi tilefni til rannsóknar
telur Samkeppniseftirlitið
svo ekki vera og er málinu
lokið hjá eftirlitinu. /PF
Eflum byggð í
Húnaþingi vestra
Lokaönnin
að hefjast
Eflum Byggð í Húnaþingi
vestra hefst að nýju
þriðjudaginn 11. septem-
ber og er þetta lokaönnin,
er kemur fram í 34. tbl.
Sjónaukans. Eflum Byggð
er námsmönnum að
kostnaðarlausu og eru nýir
námsmenn velkomnir.
Fyrsta kennslan er í
tölvufræði og mun Oddur
Sigurðarson kenna tvisvar
sinnum í viku á Höfðabraut 6
á Hvammstanga. Frum-
kvöðlafræði verður svo
kennd síðar og auglýst þegar
nær dregur. /BÞ
Bjórsetur Íslands slær upp veislu
Bjórhátíð um helgina
Um helgina verður haldin
Bjórhátíð á Hólum í Hjaltadal
og er nú haldin annað árið í
röð. Allir framleiðendur bjórs
á Íslandi munu mæta til leiks
og kynna sína bestu bjóra og
nýjustu.
Í tilkynningu frá Bjórsetri
Íslands segir að hátíðin sé
haldin til að stuðla að bættri
bjórmenningu landsmanna.
Einungis er hægt að kaupa
miða á Bjórhátíðina á Miði.is
og á Facebooksíðu Bjór-
setursins er fólk hvatt til að
tryggja sér miða sem fyrst og
hafa samband við Ferða-
þjónustuna á Hólum vilji það
panta gistingu yfir helgina.
Bjórsetur Íslands verður svo
opið frá kl. 21 bæði föstudags-
og laugardagskvöld og er 20
ára aldurstakmark. /PF
Smá í Feyki ::
Síminn er 455 7171
smá
AUGLÝSING
Til sölu
Rúm til sölu, stær› 153x203
me› flr‡stijöfnunard‡nu,
keypt í Rekkjunni, flriggja ára
gamalt og vel me› fari›.
Ver› 55.000 kr.
Uppl‡singar í síma 863 6831.
Minna var sáð af korni í
Húnavatnssýslum í vor en árið
áður þegar korni var sáð í
rúmlega 230 ha. Samkvæmt
upplýsingum frá Búnaðar-
sambandi Húnaþings og
Stranda má áætla að þresktir
verði rúmlega 200 ha á
svæðinu í haust. Kornsskurð-
ur hófst á Holtastöðum í
Langadal í síðustu viku en
þar var korn orðið fullþroskað
og uppskera um 50% meiri
en í fyrra.
-Ég held að það megi segja
að það sé útlit fyrir góða og
mikla kornuppskeru. Það er
bara óskandi að það fari ekki
að leggjast í miklar rigningar
og hvassviðri sem að vissulega
getur sett strik í uppskeru-
reikninginn, segir Anna
Margrét Jónsdóttir ráðunautur.
-Sumarið er búið að vera
mjög hlýtt og ágústmánuður
var sérstaklega hlýr og sólríkur
þannig að korn hefur haft gott
tækifæri til að fylla sig vel.
Frostnætur sem komu í lok
ágúst munu því trúlega hafa
lítil áhrif á kornuppskeruna en
kunna að hafa flýtt eitthvað
fyrir þroska þess.
Að sögn Önnu Margrétar er
heyfengur mjög misjafn hjá
bændum. Þurrkarnir hafi
komið mjög illa við harðbala
túnin en mýrartúnin hafi
yfirleitt gefið góða uppskeru.
Eins væri mikill munur í
uppskeru eftir því hvort túnin
eru nýleg eða gömul. Þá segir
hún að nýræktirnar hafi gefið
góða uppskeru á meðan gömlu
túnin hafa sum hver svikið.
-Bændur eru sem betur fer
mjög duglegir að bjarga sér og
hafa því reynt að heyja tún sem
hafa verið aflögð eða tryggt sér
hey hjá öðrum. Það er þó ljóst
að einhverjir bændur munu
fækka búpeningi nú í haust
vegna heyleysis, segir Anna
Margrét. /PF
Húnavatnssýslur
Útlit fyrir góða uppskeru
Skagafjörður
Fjárflutningabíll
valt með 200 fjár
Fjárflutningabifreið með 200
fjár fór út af veginum skammt
frá bænum Sölvanesi í
Lýtingsstaðahreppi sl.
mánudagskvöld. Samkvæmt
Mbl.is var allt féð frá einum
og sama bænum og var á leið
í slátrun þegar óhappið átti
sér stað. Níu kindur drápust á
staðnum.
Kallað var eftir aðstoð frá
björgunarsveitum en hún var
fljótlega afturkölluð þar sem
bændur í nágrenninu náðu að
smala fénu saman eftir
óhappið.
Lögreglan á Sauðárkróki
sagði í samtalið við Mbl.is að
vegkantur hafi gefið sig þegar
ökumaður flutningabílsins fór
út í vinstri kantinn til að taka
beygju. Bíllinn, sem var full-
lestaður, lenti á toppnum og er
hann nokkuð skemmdur eftir
óhappið. Ekki er þó talið að
bílstjóranum hafi orðið meint
af. /BÞ
Kíktu snöggvast á...