Feykir - 06.12.2012, Blaðsíða 6
6 Feykir 46/2012
Húsasótt er
hvimleiður vandi
Húsasótt er eitthvað sem af
og til er talað um í fréttum og
einkennin oft þreyta, slappleiki
eða höfuðverkur hjá fólki og
tengist ákveðnum byggingum
eða húsum. Blaðamaður
viðurkennir þó að hafa ekki
mikið heyrt um þetta en Garðar
segir að fólk sé í auknum mæli
að stíga fram til að segja frá
reynslu sinni af þessari vinnu
hans. Hann hvetur fólk sem
hann lagar hjá að láta heyra í
sér svo boðskapurinn fái að
berast sem víðast enda af nógu
að taka. Tekur hann sem dæmi
hlustanda Bylgjunnar sem
hringdi inn fyrir stuttu.
-Það var maður í Reykjavík,
leigubílstjóri, sem ég lagaði
hjá fyrir svona rúmlega hálfu
ári síðan. Hann beið eftir því
að fara í uppskurð á fótum
því hnén á honum voru ónýt
og hann staulaðist heima á
hækjum. Ég vissi ekki meira
nema að hann hringir á
Bylgjuna og án þess að ég vissi
um það. Þar sagði hann það í
fréttum að kallinn hefði komið
og lagað þetta hjá sér og hefði
getað farið að staulast um eftir
smá tíma. Svo bara varð hann
orðinn góður og fer til læknis
og læknirinn segir að það sé
ekkert að hnjánum á honum og
hann sé farinn að keyra. Þetta
sagði hann á Bylgjunni og þetta
er allt rétt sem hann sagði. Og
það var heldur betur hringt
í mig á eftir. Hvað heldurðu
að maður sé búinn að hjálpa
mörgum bara með þetta, spyr
Garðar undrandi blaðamann
sem starir agndofa á manninn
og hugsar hve magnað það
sé að geta létt fólki þvílíkar
þjáningar með tiltölulega
einföldum aðgerðum.
Það er ekki bara mannfólkið
sem fær bót meina sinna vegna
lagfæringa Garðars heldur
búsmalinn líka. Garðar segir
að þeir séu fáir bæirnir sem
hann á eftir á Norðurlandi og
einhverjir hreppar alveg búnir
að fá yfirhalningu.
-Já, já. Þetta er voða gaman.
Ég er eiginlega búinn með alla
bændurna hérna á þessu svæði.
Þetta hefur svo mikið að segja
með júgurbólgu hjá beljunum.
Frumutalan í mjólkinni getur
verið kannski 290-300 en þegar
ég er búinn að laga þá rokkar
hún svona öðru hvoru megin
við hundraðið, segir Garðar
og greinilegt er að bændur eru
mjög meðvitaðir um þetta.
-Já, segir Garðar með mikilli
áherslu. -Þeir vita alveg um
þetta. Á Ströndum er ég
t.d. búinn með alveg fullt af
fjárhúsum og á Fellsströnd
og Skarðsströnd er ég búinn
með öll fjárhús en þetta hefur
gríðarlega mikið að segja fyrir
sauðféð. Það sem skeður hjá
sauðfénu er að rollurnar eiga
hægara með að bera og það
varla þarf að hjálpa ánum á
eftir en það hefur gríðarmikið
að segja. Ég get nú ekki sannað
eitt eða neitt í þessu en þetta
er bara eins og annað við
fengitímann. Ég vil oft halda
því fram að svo og svo mikið
af ám sem eru geldar að það
sé út af þessu, segir Garðar
sem einnig hefur hjálpað
hundaræktendum. -Það hafa
verið vandamál með tíkur sem
gutu látnum hvolpum og líka
að þær fengu ekki. En eftir að
búið er að laga þá klikkar ekki
got og allt saman í lagi. Það er
enginn munur með sauðfé eða
annað, þetta er allt eins.
Var nærri dauður
Áður en Garðar fór út í þetta
verkefni sitt lenti hann sjálfur
í krísu vegna rafmengunar og
barðist við krabbamein sem
hann náði sér af en konuna
missti hann úr sama sjúkdómi.
-Ég var rétt dauður úr
krabbameini. Það er búið að
skera í burtu efri góminn á
mér og kinnbeinið og fleira.
Ég missti heyrnina og annað
raddbandið, segir Garðar og
útskýrir hvernig hann svaf á
hættulegri sprungu sem eru
alls staðar í jörðinni en eftir
þeim streyma þessar skaðlegu
rafbylgjur sem hann ver húsin
fyrir með tækjum sínum.
-Ég svaf ofan á einni svona
í rúminu. Við konan mín
sváfum á sitt hvorri sprungunni
en hún var búin að ganga með
meinið miklu lengur en ég og
án þess að vita það. Læknar
töldu að hún hafi gengið með
það jafnvel í 20 ár, segir Garðar.
Upp úr þessum veikindum
fékk hann mann til að laga
hjá sér húsið hvað skaðlegar
rafbylgjur varðar og fékk áhuga
á að beita þessum aðferðum
líka. Hann lærði þessi fræði
af öðrum og hefur þróað
þetta frekar með tímanum og
segist ekki sjá eftir því. -Ég hef
aldrei unnið eins þakklátt og
skemmtilegt verk um ævina.
Aldrei nokkurn tíma.
VIÐTAL Páll Friðriksson
Garðar Bergendal þekkja margir sem hafa notið þjónustu
hans, hjá öðrum hringja engar bjöllur fyrr en talað er um
rafbylgjumælingar og varnir. Garðar hefur í fimmtán ár hjálpað
fólki að losna við rafmengun bæði úr híbýlum sínum sem og
útihúsum með góðum árangri en með því segir hann að fólk
og skepnur losni við ýmsa kvilla sem hugsanlega eru að valda
óþægindum og tjóni. Segist hann koma tvisvar til þrisvar eftir
fyrstu heimsókn til að fullkomna verkið því ekki gengur upp að
koma bara einu sinni. Garðar var á Norðurlandi í síðustu viku
og lék blaðamanni Feykis forvitni á að vita út á hvað þessar
mælingar og varnir ganga.
Hjálpar til við að
laga ýmsa kvilla
Garðar segir að það sem hann
er að gera sé tvíþætt. Í fyrsta
lagi er ekki sama hvernig
rafmagnsklóin í tækjum
heimilisins snúi því það er
brúnn vír öðru megin og
blár hinu megin og þeir þurfi
að passa saman. –Þegar þú
kemur með eitthvert apparat
og stingur í samband þá veist
þú ekkert hvoru megin blái eða
brúni vírinn er í apparatinu
þegar þú stingur í samband.
Þegar þú stingur bláa vírnum
í strauminn í veggnum þá
hendist rafmagn út með
klónni. Það sem ég geri er
að ég mæli og merki þeim
megin sem straumurinn er í
innstungunni og svo komum
við með klóna og stingum
henni í samband. Mæli hvernig
hún á að snúa, ef hún snýr rétt
þá set ég lítinn punkt á klóna.
Nú getur þú labbað með þessa
kló um allt hús og stungið rétt
í samband því ég er búinn
að merkja hverja einustu
innstungu og hvert einasta
tæki sem þú átt. Svo læt ég þig
hafa prjóna þannig að þú getur
fundið þetta út sjálfur, hvort
húsið þitt er í lagi og þegar þú
kaupir þér einhver ný tæki. Ég
kenni þér á það, segir Garðar
og heldur áfram: -Síðan er
komið að aðalmálinu. Það
eru jarðárurnar. Þær koma úr
suðvestri í norðaustur. Þetta er
bara rafmagn sem kemur upp
í jörðinni og það er að valda
alveg þvílíkum óþægindum
hjá fólki. Það sem að skeður
hjá fólki er að fótaverkir hverfa
í flestum kringumstæðum,
svefntruflanir, fólk sem er með
kæfisvefnsvélar geta hent þeim
og þetta hefur áhrif á skapferli
í fólki, segir Garðar en einnig
hefur fólk vitnað um að þetta
hafi áhrif á sjón og jafnvel að
mígreni hafi læknast sem og
blæðandi exem og munar um
minna. Einnig hafa þessar
varnir áhrif á andrúmsloft
og hreinlæti húsa því Garðar
fullyrðir að þetta hafi áhrif
á myglusveppi og jafnvel að
þegar búið er að laga húsin þá
hverfi má heita öll ló og ryk úr
húsunum.
Garðar Bergendal stundar rafbylgjumælingar og varnir
Garðar Bergendal með prjónana að vopni.