Feykir - 12.12.2013, Blaðsíða 7

47/2013 Feykir 7
Frá Gleðigöngu Árskóla síðastliðið vor en hún hefur fest sig rækilega í sessi.
kostina til góðra verka.
Skólastarf hefur tilhneigingu til
að breytast hægt og seint og
verður einhvern veginn alltaf á
eftir í tækninni.
-Ég held að nemendur
okkar séu flestir mun færari en
við starfsfólk skólans í upp-
lýsingatækni og geta kennt
okkur ýmislegt, það er
staðreynd. Eigum við þá ekki
að nýta það og skoða?, spyr
Óskar en í því sambandi er
hægt að hugsa sér spjaldtölvu-
væðingu. Skólinn var með
tilraunaverkefni í einum ár-
gangi sem að sögn Óskars gekk
ljómandi vel að mörgu leyti.
Ein af niðurstöðunum úr því
verkefni er sú að til þess að það
gangi vel þá þarf að vera ein
spjaldtölva á hvern nemanda.
Nýtt og glæsilegt
skólahús
Í haust færðist allt skólastarf
Árskóla undir eitt þak og segir
Óskar það hafa yfir heildina
tekist mjög vel en breytingin er
mjög mikil þar sem allir
nemendur skólans fóru á nýjar
starfsstöðvar. Yngsta stigið fór í
nýtt hús og í nýja álmu,
miðstigið fluttist í nýja álmu
eins og unglingastigið. Þá var
tímasetningum á frímínútum
breytt.
-Þetta var mjög óvenjulegt
og enn er verið að byggja og
ennþá eru byggingahljóð. En
skólastarfið er að komast í
fastari skorður og það hefur
lofað góðu og að flestra mati
heppnast vel. Við horfum mjög
bjartsýn fram á veginn til
skólastarfsins á næstunni, segir
Óskar.
Fyrr í vetur var nýbygging
Árskóla formlega vígð að
viðstöddu fjölmenni en þar
afhenti formaður sjóðsins
„Sáttmáli til sóknar í skóla-
málum“ fræðslustjóra ávísun
upp á fjórar milljónir króna til
kaupa á spjaldtölvum fyrir
skóla í Skagafirði. Eins og áður
kom fram var Árskóli með
tilraunaverkefni með spjald-
tölvur síðasta skólaár og lofaði
góðu. Sáttmáli til sóknar, sem
er samstarfsverkefni Kaupfél-
ags Skagfirðinga, Sveitarfélags-
ins Skagafjarðar og Akra-
hrepps, hefur verið virkur frá
stofnun hans árið 2006 og
hefur Árskóli notið margra
styrkja til þess að efla daglegt
starf. Óskar segir að það hafi
gefið skólanum ákveðið forskot
á marga aðra skóla og sem
dæmi nefnir hann innra mat
skólans Gæðagreina sem er
skoskt að uppruna. Árskóli er
leiðandi skóli í innra mati á
Íslandi. Einnig er skólinn með
nýtt norskt frímínútnaverkefni
sem kallast vinaliðar og sér
Árskóli um útbreiðslu á því
verkefni. Nú þegar eru tólf
íslenskir skólar komnir með
það í gang hjá sér og leita
aðstoðar hjá Árskóla.
-Þetta getum við m.a.
þakkað sáttmálanum. Nú er
hann að gefa öllum skólum í
Skagafirði fjórar milljónir en
fræðslustjóri hefur umsjón
með þessum peningum en
skólarnir þurfa væntanlega að
sækja um til hans um hvernig
þeir hyggjast nýta sér þessa
peninga. Við erum með
ákveðna nefnd hér í gangi sem
fer í þessi mál, hvernig við
munum best nýta þessa pen-
inga því það er ljóst að við
munum ekki geta keypt
spjaldtölvur fyrir alla nem-
endur. Við þurfum að marka
okkur stefnu en fyrsta skrefið
er að mennta kennarana. Þetta
er frábært framtak og alveg
ljóst að spjaldtölvur koma til
með að vera stærri hluti af
skólastarfi en áður þó svo að
þær komi ekki alveg í staðinn
fyrir kennslubækur og annað.
En þetta er frábært hjálpartæki,
segir Óskar en viðurkennir að
engin stefna sé til í íslenska
skólakerfinu hvernig spjald-
tölvur skulu nýtast og segir
hann að hver og einn skóli
verði að prófa sig áfram.
Tossabekkir og
miðjumoð
Áður fyrr var talað um tossa-
bekki fyrir seinfæra nemendur
en ekki má nefna á nafn nú til
dags en ekki heyrist heldur um
þá krakka sem skara framúr á
einhverjum sviðum. Óskar
viðurkennir að í skólakerfinu
sé tilhneigingin miðjumoð, að
verið sé að steypa alla í sama
mót á miðlínunni.
-Við getum örugglega gert
miklu betur til þess að hlúa að
þessum krökkum sem eru með
mikla hæfileika á einhverjum
sviðum þannig að þeir rækti þá
meira og að þeir hafi meiri
möguleika á að flýta sér. Við
reynum að hlúa að þessum
krökkum líka, alveg eins og
hinum sem hafa meiri sérþarfir
og talandi um sérþarfir, t.d.
lesblindu þá er allt annað
umhverfi í dag fyrir þessa
nemendur heldur en áður. Þau
hafa miklu meiri möguleika og
sem betur fer, því skólaganga
fyrir þá gat verið kvöl og pína.
-Það hefur líka orðið mikil
breyting á skólastarfi síðustu
áratugi. Þegar ég er að byrja að
kenna þá var maður bara fyrst
og fremst að kenna. Ekkert
endilega að hugsa um hvernig
börnunum liði eða hvað væri í
gangi fyrir utan kennslu-
stofuna. Þau komu bara og
lærðu sína stærðfræði eða hvað
það var og fóru síðan heim. Nú
er þetta gjörbreytt. Nú er
hugsað um og unnið með
líðan, samskipti og einelti. Það
orð var ekki einu sinni til þá en
núna er það ofnotað og búið að
gengisfella það, því einelti er
gríðarlega alvarlegur hlutur og
einn af þeim þáttum sem við
höfum unnið mikið með.
Nánast allar kannanir sýna að
það er alltaf eitthvert einelti í
gangi. Mín reynsla af einelti er
sú að þegar búið er að stoppa
það á einhverjum ákveðnum
stöðum þá brýst það út í ein-
hverju öðru formi. Tækifærin í
dag eru netið, símar og önnur
samskiptatæki. Rafræna ein-
eltið held ég því miður að sé
viðvarandi og erfitt að eiga við.
Það er auðveldara að eiga við
beint einelti. Það er yfirleitt
hægt að stoppa en hitt, úti-
lokunin og rafræna eineltið er
gríðarlega erfitt. Í skólanum
hér höfum við þurft að vinna
erfið mál af þessum toga. Allar
mælingar sýna þó að börnun-
um líður betur og þetta er á
undanhaldi, segir Óskar og
bætir við að þetta sé eitt af
þeim málum sem aldrei má
sleppa hendinni af.
En Óskar er mjög bjartsýnn
á skólastarfið og telur að núna
séu aðstæður til þess að skóla-
starf á Sauðárkróki verði í allra
fremstu röð. Betri húsnæðis-
aðstæður auki möguleikana og
fjölbreytnina í starfinu.
-Sóknarmöguleikarnir eru
mjög margir og við erum með
mjög hæft starfsfólk. Þá finnst
okkur við starfa í styðjandi
skólaumhverfi og hafa jákvæða
og áhugasama foreldra. For-
eldrakannanir styðja þessa
tilfinningu okkar. Það má líka
hrósa sveitarstjórninni fyrir
hvernig hún hefur haldið á
málum varðandi niðurskurð
sem varð eftir kreppuna. Það
var ekki farið í harkalegar
aðgerðir heldur höfum við
fengið tíma til að hagræða og
það höfum við nýtt okkur. Þá
hefur verðið mjög myndarlega
staðið að skólabyggingunni og
búnaðarkaupum. Það er mjög
bjart framundan og ég er
bjartsýnn á framtíðina. Það er
tilhlökkunarefni að fá að starfa
í þessu umhverfi áfram, segir
Óskar að lokum.
byrjað með kennsluaðferð í
yngstu bekkjum, svokallað
byrjendalæsi. Það er reyndar
fátt nýtt í byrjendalæsi en þar
er verið að blanda saman
gömlum og góðum aðferðum
sem henta hverjum og einum
og þar er megin áherslan lögð á
lesskilning. Vonandi, með
þeirri aðferð, eykst áhugi
krakkanna á lestri og
lesskilningur þá um leið.
Talað var um aukinn
lestraráhuga hjá börnum og
unglingum þegar bækurnar
um galdrastrákinn Harry
Potter litu dagsins ljós fyrir
nokkrum árum og þá freistandi
að spyrja hvort skólastjórinn
haldi að íslenskir höfundar séu
ekki með nógu áhugaverðar
bækur fyrir krakkana.
-Jú, ég held það nú. Þor-
grímur Þráins hefur komið
annað slagið til okkar og alltaf
vakið mikla lukku og það
kveikir í mörgum að lesa
bækur eftir hann. Ég held að
íslenskir höfundar séu virkilega
góðir en það vantar þennan
neista til að fá fleiri krakka til
að byrja að lesa. Harry Potter
hefur líka kvikmyndina með
sér en þá eru líka margir sem
ekki lesa söguna af því þeir sjá
bíómyndina. Kannski vantar
eitthvað meira frá íslenskum
höfundum, allavega meiri
neista og kynningu svo
krakkarnir fari að lesa meira.
Óskar segir að krakkarnir lifi á
upplýsinga- og tækniöld. Sú
veröld tekur mikinn tíma og
bókin verður útundan. Þetta er
ein mesta ögrunin í skólastarfi
í dag, þ.e. notfæra okkur
Dansmaraþonið er einn af þeim viðburðum sem nemendur bíða eftir með óþreyju.
I-pad verkefnið vakti mikla athygli sl. vetur og er í framtíðarplönum skólans.