Víkurfréttir - 03.05.2018, Blaðsíða 6

6 MANNLÍF Á SUÐURNESJUM f immtudagur 3. maí 2018 // 18. tbl. // 39. árg.
Forvarnir með næringu
STAPAFELL
Hafnargötu 50, Keflavík
NÝTT
Opið alla daga
fram á kvöld
Grindvíkingurinn Jovana Lilja Stefánsdóttir býr úti í Þýskalandi ásamt
manninum sínum, Arnóri Þór Gunnarssyni, og dóttur þeirra, Díönu, þau hafa
búið í Þýskalandi í átta ár núna í sumar. Arnór leikur handbolta með Berg-
ischer HC en liðið kom sér upp um deild á dögunum og mun því leika í efstu
deild eða Bundesliga á næsta tímabili eftir frábært tímabil í annari deildinni.
Jovana segir að Þjóðverjinn elski að setja reglur og sé ekki mikið fyrir að taka
skyndiákvarðanir.
Kemur tvisvar á ári til Íslands
Arnór Þór er atvinnumaður í hand-
bolta og fluttust þau til Þýskalands
þegar hann ákvað að fara í atvinnu-
mennsku fyrir um átta árum. Jovana
kennir Spinning þar sem þau búa og
ætlar að byrja að kenna íslensku í haust.
Jovana segir að það sé alltaf nóg að
gera og að hún sé til dæmis búin að
vera í foreldraráði á leikskóla dóttur
þeirra í tvö ár og það sé ótrúlegt hvað
það sé mikið að gera í skipulagningu
og fundarmætingu. Jovana reynir að
koma tvisvar sinnum á ári til Íslands en
Arnór kemur um fjórum sinnum vegna
landsliðsverkefna með handboltanum.
Alltaf nóg að gera
Þegar Jovana er spurð að því hvers
hún sakni á Íslandi þá er fjölskyldan
henni efst í huga. „Á Íslandi er líka
mikið framboð af hollum veitinga-
stöðum sem ég sakna.“ Dagarnir hjá
fjölskyldunni eru misjafnir en hinn
dæmigerði dagur hefst á því að þau
vakna yfirleitt um hálfátta og þá fer
Arnór á æfingu. „Síðan keyri ég Díönu
á leikskólann og fer þá beint á æfingu.
Þegar við Arnór erum búin á æfingum
þá eldum við okkur hádegismat eða
förum eitthvað út að borða. Ég næ
síðan í Díönu á leikskólann og þá fer
Arnór á æfingu.“ Jovana segir að þær
mægður séu duglegar að skoða sig um
í nágrenninu og þræði alla leikvelli
eftir leikskóla eða hitti krakkana í
götunni þeirra. „Síðan borðum við
kvöldmat og þá er dagurinn að verða
búinn. En ef Arnór er í fríi þá gerum
við oft eitthvað saman við þrjú og
erum einnig dugleg að gera eitthvað
með vinum okkar sem eru hérna úti.“
Landsvæðið í Þýskalandi
fallegt
Þegar Jovana er spurð að því hvað
sé skemmtilegast við Þýskaland þá
segir hún að það sé án efa hvað það
sé hægt að gera mikið sér til skemmt-
unar. „Við búum á mjög góðum stað
í Þýskalandi, það eru fimmtán mín-
útna keyrsla til Düsseldorf og fjörtíu
mínútur til Köln. Þessar tvær borgir
eru mjög flottar, góðir veitingastaðir,
flottar verslunargötur og margt fleira.
Síðan er landsvæðið hérna fallegt,
mikið af flottum göngu- og hjóla-
leiðum. Ekki skemmir fyrir hvað
Þýskaland er miðsvæðis í Evrópu, það
er stutt til Hollands, Belgíu, Frakk-
lands og til fleiri landa. Síðan verð
ég að nefna hvað matur er á sann-
gjörnu verði hérna sem mér finnst
vera mikill kostur.“
Ekki algengt að fólk taki
skyndiákvarðanir
Þjóðverjar eru mikið reglufólk segir
Jovana og hún hefur það á tilfinn-
ingunni að þeir elski að setja reglur.
Hún segir einnig að þeir séu ekki
mikið að taka skyndiákvarðanir og
plani hlutina langt fram í tímann.
Þegar hún er spurð að því hvernig
hafi gengið að læra þýskuna segir
Jovana að það hafi ekki verið erfitt en
hún ákvað að tala enga ensku þegar
þau fluttu, var alls ekki feimin að
tala tungumálið og segir að það hafi
skilað sér að lokum og í dag talar hún
reiprennandi þýsku.
Mælir þú með því að fólk flytji erlendis
og breyti um?
Já klárlega ef maður fær tækifæri til
þess, þá bara að kýla á það þó svo að
það sé ekki nema í eitt ár, það alltaf
skemmtilegt og lífsreynsla að prófa
eitthvað nýtt.
Rannveig Jónína
Guðmundsdóttir
rannveig@vf.is
VIÐTAL
Jovana Lilja hefur búið í tæp átta ár í Þýskalandi
„Ég held að þjóðverjar
elski að setja reglur“
Fyrsti handboltaleikur Díönu.
Jovana og Arnór á góðri stund heima á Íslandi.