Morgunblaðið - Sunnudagur - 19.11.2017, Blaðsíða 27
Einfaldast en jólalegast í heimi er að skera
út mat með piparkökuformum. Hér er leik-
ið með samlokur og ýmislegt fleira. Þetta
er svona svolítið það sem hugmyndaflugið
leyfir. Best er að nota hvítt samlokubrauð
og setja saman í þriggja laga samloku. Gott
er að hafa gvakamóle, rautt pestó, rjóma-
ost, gúrkur, rauðan kavíar, graslaus tiltækt í
samlokugerðina. Þá má mæla með að
skera epli niður í báta og vefja parmaskinku
utan um og bera fram með samlokunum.
Útskorinn samlokubakki
og fleira gúmelaði
19.11. 2017 MORGUNBLAÐIÐ SUNNUDAGUR 27
Jarðarberjasveinar
Þessa ofurjólalegu og bragðgóðu jarðarberjasveina þyk-
ir krökkum afskaplega gaman að gera og þrátt fyrir að
þeir líti svona vel út er lítil fyrirhöfn að útbúa þá. Hægt
er að nota þá sem skreytingu á til dæmis marensköku en
einnig að gera þá bara eina og sér og bera fram á bakka.
1-2 box jarðarber, passa að þau séu vel útlítandi
½ box mascarponeostur
½ dl þeyttur rjómi
½ dós vanilluskyr
Hrærið mascarponeost, þeyttan rjóma og vanilluskyr
vel saman þar til blandan er slétt, mjúk og kekkjalaus.
(Það er líka allt í lagi að sleppa vanilluskyrinu og nota í
staðinn vanillustangir og skafa innan úr tveimur fræin til
að nota.)
Setjið í rjómasprautu með mjög mjóum stút.
Hreinsið laufið af jarðarberinu og látið digurri hlutann
snúa niður. Skerið toppinn af jarðarberinu (sjá stærð á
mynd) og sprautið kremi þar á milli, setjið toppinn aftur
á. Skreytið berið svo með nokkrum deplum fyrir jakka-
hnappa sveinka og dúskinn á jólahúfunni.
Mozzarella-
jólatré
Þetta salat er eitt það þægileg-
asta fyrr og síðar en það getur
gert gæfumuninn fyrir jólaskapið
að raða því upp þannig að það
myndi mynstur eins og þetta, fal-
legt og gott.
1 dós litlar mozzarellakúlur
1 búnt basilíkulauf
8 miðlungsstórir tómatar
balsamsíróp
Byrjið á að sprauta balsamsír-
ópi á fjóra litla diska þannig að
það myndi jólatré eins og sjá má
á myndinni. Skerið tómatana í
tvennt og dreifið fjórum helm-
ingum á hvern disk, ofan á bal-
samsírópslínurnar ásamt basil-
íkulaufum og mozzarellakúlum,
eins og þið séuð að skreyta bal-
samsírópsjólatréð.
Þessar vefjur eru fullgildar sem kvöldmatur
og örlítið jólalegri en þær sem við erum
vön að gera. Þar gera útslagið rauðu þurrk-
uðu trönuberin, sem gefa máltíðinni líka
örlitla sætu. Hér má skipta túnfiskinum út
fyrir afgang af kalkúni eða kjúklingi og nota
má ýmislegt grænmeti ef vill.
200 g ricottaostur, má líka nota rjómaost
1 dós túnfiskur í vatni
4 stórar tortillakökur
½ bolli þurrkuð trönuber
1 poki ferskt spínat
1 búnt basilíkulauf (má sleppa)
örlítið salt og pipar
Hellið vatninu af túnfiskinum og hrærið
saman við ricottaostinn (eða rjómaostinn),
saltið og piprið. Saxið spínat og basilíkulauf
gróft og blandið varlega saman við túnfisk-
blönduna. Smyrjið blöndunni ofan á vefjuna
og stráið trönuberjum yfir. Rúllið hveitikök-
unni upp og skerið í nokkra bita.
Fallegt er að skreyta diskinn með afgangs
trönuberjum áður en borið er fram.
Hátíðlegar túnfiskvefjur