Morgunblaðið - Sunnudagur - 03.12.2017, Page 2
Jæja, þá er þessi kjörglaða þjóð loksins undir stjórn á ný. Er það vel. Ekkisvo að skilja að óstjórn hafi ríkt í landinu undanfarnar vikur en þið vitiðhvað ég á við; starfsstjórnir eru umboðslausar og ber að sigla milli skers
og báru. Full ástæða er til þess að óska nýrri ríkisstjórn góðs gengis á kom-
andi kjörtímabili. Ekki mun veita af í ljósi þess sem gengið hefur á í pólitísku
lífi þjóðarinnar síðustu misserin.
Sumir segja að sá glundroði hljóti að hafa kallað á þessa óvenjulega sam-
settu stjórn; að flokkarnir lengst til hægri og vinstri tækju saman höndum til
að lægja öldurnar. Hvort sem það svo tekst. Fyrir liggur efi og óánægja inn-
an raða Vinstrihreyfingarinnar – græns framboðs og eflaust eru einhverjir
sjálfstæðismenn líka hugsi yfir gangi mála enda þótt minna hafi borið á því.
Framsóknarflokkurinn, kötturinn sem hann er, lenti sem fyrri daginn á fót-
unum. Og það eftir kosningar, þar sem hætta virtist á því, alltént um stund,
að hann gæti þurrkast út.
En er þetta svo óvenjuleg stjórn eftir allt saman? Ef við leggjum til hliðar
hugmyndafræðilegan ágreining um það hvernig best sé að draga björg í
þjóðarbú (sem er reyndar ekki lítið mál) eru þessir þrír flokkar sammála um
ansi margt, svo sem sýnt hefur verið fram á undanfarið.
Það er líka mjög áhugaverð staða komin upp í þinginu í þeim skilningi að
gömlu rótgrónu flokkarnir standa
nú andspænis þeim nýju. Auðvitað
ætti Samfylkingin þá að vera hinum
megin við borðið, bendir þú réttilega
á, lesandi góður, en staðreyndin er
eigi að síður sú að ásýnd þess gam-
algróna flokks (Samfylkingarinnar
og Alþýðuflokksins á undan henni)
hefur breyst talsvert í formannstíð
Loga Más Einarssonar. Alltént er
Samfylkingin lýðhippískari í tíð
Loga en Jóhönnu.
Stjórnmálaskýrendur spá því
margir hverjir að nýja stjórnarand-
staðan verði sundurleit; flokkarnir
séu ekki bara margir, fimm talsins,
heldur ekki síður ólíkir. En gerir það ekki þingið bara skemmtilegra og
meira spennandi fyrir okkur úti í bæ sem höfum áhuga á stjórnmálum?
Ég meina, Sigmundur Davíð er þegar byrjaður í stífri stjórnarandstöðu,
vinstri, hægri snú … og þar fram eftir götunum. Sá á eftir að verða með vísi-
fingurinn á lofti! Og eftir atvikum aðra fingur.
Inga Sæland á örugglega eftir að taka rispur í ræðustól Alþingis – og
brynna músum ef allt annað klikkar. Mesta nýjabrumið er farið af Pírötum
en þar sem þeir eru í eðli sínu ólíkindatól er of snemmt að afskrifa þá, þegar
kemur að því að hleypa upp þinginu. Þá er Helgi Hrafn snúinn aftur og í síð-
ustu lotu var hann meira í pontu á Alþingi en heima hjá sér. Það er helst að
vont sé að átta sig á því hvernig Viðreisn hyggst nálgast þetta nýja hlutskipti
sitt enda flokkurinn ennþá að kasta mæðinni eftir lífróðurinn fyrir kosningar.
Alltént. Það verður stuð í stjórnarráðinu, stuð í þingsal og stuð heima í
stofu – fyrir framan Alþingisrásina. Nei, lagsi. Andaðu nú með nefinu!
Morgunblaðið/Eggert
Þingsköpuð til
að skemmta
Pistill
Orri Páll
Ormarsson
orri@mbl.is
’Það er líka mjögáhugaverð staða kom-in upp í þinginu í þeimskilningi að gömlu rót-
grónu flokkarnir standa
nú andspænis þeim nýju.
Í FÓKUS
2 MORGUNBLAÐIÐ SUNNUDAGUR 3.12. 2017
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Inga Rún Sigurðardóttir ingarun@mbl.is Júlía Margrét Alexandersdóttir julia@mbl.is Orri Páll Ormarsson
orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is Skapti Hallgrímsson skapti@mbl.is
Hafdís Hrönn Hafsteinsdóttir
Mér líst alveg ljómandi vel á hana,
ég held hún komi með ákveðinn
stöðugleika, loksins.
SPURNING
DAGSINS
Hvernig
líst þér
á nýju
ríkisstjórn-
ina?
Gísli Marteinsson
Ég held ég trúi á hana.
Morgunblaðið/Ásdís
Rósa Johansen
Mér líst ágætlega á hana, fyrir utan
að ég hefði ekki viljað sjá Sjálfstæð-
isflokkinn með.
Ísak Erlendsson
Ég hef ekki mikla skoðun á henni,
ég er ekki mikið inni í íslenskri póli-
tík, því miður.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Morgunblaðið/Árni Sæberg
Forsíðumyndina tók
RAX
Norðurljósin-jólatónleikar verða haldnir í Hofi á Akureyri 8. og
9. desember. Haldnir verða fernir tónleikar þar sem fram koma
Andrea Gylfa, Erna Hrönn, Helga Möller, Magni, Óskar Pét-
ursson, Stefán Jakobsson og Valdimar Guðmundsson.
HELGA MÖLLER
SITUR FYRIR SVÖRUM
Hvaða hefðir heldur þú
í við upphaf aðventu?
Ég verð í Búðardal fyrsta sunnudag í að-
ventu og syng í messu hjá góðri vinkonu
minni, séra Önnu Eiríksdóttur. Þannig hef
ég byrjað aðventuna síðastliðin fimm ár.
Sungið í messu í Hjarðarholtskirkju, sem
er ein af fallegustu kirkjum landsins. Ég
syng einnig fyrir börn, eldri borgara og
aðra í Búðardal og þar í kring. Þetta er
mín gjöf til samfélagsins á aðventunni.
Þú ætlar líka að syngja á ögn
stærri tónleikum á Akureyri.
Það verða fernir Norðurljósa-jólatónleikar
í Hofi um næstu helgi. Þeir eru nú haldnir í
fjórða sinn og í þriðja skipti sem ég syng með.
Tónleikarnir eru afskaplega hátíðlegir og
skemmtilegir með blöndu af tónlistarmönnum að
sunnan og norðan heiða.
Áhorfendur geta hlakkað til að heyra fjölbreytta
jólatónlist þar sem meðal annars rokkarinn Stef-
án í Dimmu og klassíski söngvarinn Óskar Pét-
ursson syngja saman. Auk þeirra syngja Andrea
Gylfa, Erna Hrönn, ég og Magni.
Það er alltaf gaman syngja í Hofi sem er skemmti-
legt tónlistarhús með góðum hljómburði og nánd
við áhorfendur. En fyrst og fremst snúast þessir
tónleikar um að koma gestum í jólaskap.
Ertu að syngja á fleiri tónleikum?
Já, ég syng á fleiri tónleikum á landsbyggðinni og
erlendis. Syng á jólatónleikum í Osló og í Kaup-
mannahöfn. Milli jóla og nýárs syng ég á tónleikum með
Sigur Rós í Hörpunni. Hljómsveitin fær til sín gesti og auk mín
koma fram Björgvin Halldórs, Sigga Beinteins, Svala og fleiri.
Við munum syngja jólaperlurnar okkar í búningi Sigur Rósar.
Hvaða plata kemur þér í jólaskap?
Jólaplatan með Michael Bublé. Platan er rauð vínilplata sem ég
spila í gamaldags plötuspilara.
Hvað íslenska lag kemur þér jólaskap?
Ef ég nenni, með Helga Björns, lagið sem fólk annað hvort elskar
eða hatar.
Aðventan
hefst í
Búðardal