Morgunblaðið - Sunnudagur - 03.12.2017, Blaðsíða 48

SUNNUDAGUR 3. DESEMBER 2017
„Við erum fyrst og fremst að leggja áherslu á fyr-
irbyggjandi sjálfstyrkingu. Við sem samfélag erum
orðin svo meðvituð um að fyrirbyggja það að sjálfs-
mynd barnanna okkar þróist í neikvæða átt,“ segir
Kristín Tómasdóttir sem stendur fyrir námskeiði í
samstarfi við Bjarna Fritzson þar sem foreldrum er
kennt að styrkja sjálfsmynd barna sinna. Bæði hafa
þau einnig skrifað sjálfstyrkingarbækur fyrir börn
og unglinga og standa fyrir reglulegum sjálfsstyrk-
ingarnámskeiðum fyrir sama aldurshóp. Þetta er í
annað sinn sem námskeiðið er haldið og er eftirspurnin
mikil. Í fyrra var húsfyllir og komust færri að en vildu.
„Námskeiðið fylltist í alvöru á einum sólarhring, en sal-
urinn tekur 300 manns. Eftirspurnin kom mér mikið
óvart,“ segir Kristín um aðsóknina nú. „Foreldrar leggja
ýmislegt á sig til að sitja fyrirlestur um hvernig þeir geti
verið betri foreldrar, leggja allt annað til hliðar
og mæta. Það er bara frábært. Ekki bara einn
eða tveir, heldur 300,“ segir hún.
„Þetta er auðvitað ókeypis námskeið en mér
finnst þetta sýna að foreldrar forgangsraða börn-
unum sínum í vil. Það er heldur ekki lát á skrán-
ingum á sjálfstyrkingarnámskeið hjá okkur báð-
um, fyrir stelpur og stráka. Foreldranámskeiðið
er hins vegar ekki sjálfsstyrkingarnámskeið,
heldur er það fyrst og fremst námskeið þar sem
við kennum foreldrum að styrkja börnin sín. Að stunda
markvissa sjálfsrækt heima fyrir og fylgja þessu eftir.
Fólk vill fá þessar upplýsingar.“
Fullt er á námskeiðið 5. desember og ákveðið hefur ver-
ið að bæta við námskeiði hinn 18. desember en nánari upp-
lýsinar er að finna á Facebook-síðunni: Út fyrir kassann.
„Við sem samfélag erum orðin
svo meðvituð um að fyrirbyggja
það að sjálfsmynd barnanna
okkar þróist í neikvæða átt,“
segir Kristín Tómasdóttir.
Getty Images/iStockphoto
Markviss sjálfsrækt heima
Foreldrum er kennt að styrkja börnin sín á nýju námskeiði á vegum
Út fyrir kassann sem Kristín Tómasdóttir og Bjarni Fritzson kenna
Kristín
Tómasdóttir
„Klukkan að ganga fimm í gær-
dag sigldi strandferðaskipið Esja
inn á ytri höfnina hjer í Reykjavík.
Vakti koma skipsins nokkra at-
hygli, því með skipinu voru 130
þýskar konur og 50 karlar, sem í
sumar starfa hjer á landi að land-
búnaðarstörfum.“ Þannig hófst
baksíðufrétt Morgunblaðsins frá
9. júní 1949 sem sagði frá komu
þýsks verkafólks til landsins.
„Fólkið er flest á aldrinum 19-
25 ára. Það lítur vel út, þó það
skorti nokkuð föt. Það segir flest,
að í Þýskalandi sje enn lítið um
mat, og rómar mjög viðurværið
á Esju. Annars hreppti skipið
vonskuveður á leiðinni og þoldi
fólkið volkið illa og er talið að
það geti hafa staðið af vannær-
ingu,“ stendur í fréttinni.
„Fólkið trúir því, eftir dvölina á
Esju, að á Íslandi muni verða gert
vel til þess. Það langaði mikið til
að fá sem greinilegastar frásagnir
af því hvernig lífsskilyrðin væru á
Íslandi og ekki verður því neitað
að sumar stúlkurnar langi til að
kynnast íslenskum piltum. Fólkið
er ráðið til landsins í eitt ár. Ít-
arleg læknisskoðun fer fram á því
og verða allir gegnumlýstir. Það
mun hafa komið í land klukkan
fjögur í nótt en á föstudag verður
það flutt út í sveitirnar,“ eru loka-
orð fréttarinnar.
GAMLA FRÉTTIN
Þýskt
verkafólk til
landsins
130 konur og 50 karl-
ar komu til landsins
frá Þýskalandi.
Morgunblaðið/Ólafur K. Magnússon
ÞRÍFARAR VIKUNNAR
Brigitte Bardot
leikkona
Aníta Briem
leikkona
Anna Ewers
fyrirsætaSkeifunni 8 | Sími 588 0640 | casa.is
Movie Star
hvíldarstóll
Verð frá 398.000,-
Gjöf sem gleðu
r