Morgunblaðið - 08.12.2017, Blaðsíða 2
„Það er langlífi í fjölskyldunni minni“
Líney Sigurðardóttir
Þórshöfn
„Já, það er langlífi í fjölskyldunni
minni,“ segir Ingveldur Haralds-
dóttir frá Þorvaldsstöðum á
Langanesströnd sem fagnar ald-
arafmæli í dag.
„Ég veit ekki hverju skal
þakka það, við höfum alltaf þurft
að vinna frá því við vorum börn
heima á Þorvaldsstöðum,“ segir
afmælisbarnið Ingveldur.
Hún býr á Hjúkrunar- og dval-
arheimilinu Nausti á Þórshöfn og
þar er í dag, 8. desember, haldin
vegleg afmælisveisla til heiðurs
þessum elsta borgara í Langanes-
byggð.
Hreina loftið í sveitinni
Ég man ekki eftir mér öðruvísi
en vera eitthvað að dunda og líka
að gæta yngri systkinanna. Ætli
það sé ekki hreina loftið hérna
hjá okkur í sveitinni sem er
svona hollt, heima var líka alltaf
nægur og góður matur,“ segir
hún.
Ingveldur er elst fjórtán systk-
ina svo það hefur verið í mörg
horn að líta á æskuheimilinu Þor-
valdsstöðum. Á Nausti segir hún
gott að vera, hún ber sig vel
þrátt fyrir háan aldur og hefur
fulla fótaferð en með göngugrind
til stuðnings. Morgunblaðið/Líney Sigurðardóttir
Ingveldur Haraldsdóttir frá Þorvaldsstöðum á Langanesströnd fagnar
100 ára afmæli í dag Elst fjórtán systkina Alltaf nægur og góður matur
Morgunblaðið/Eggert
Ríkisstjórnin SA gagnrýna að auka eigi útgjöld ríkissjóðs talsvert.
Agnes Bragadóttir
agnes@mbl.is
Bjarni Benediktsson, fjármálaráð-
herra, segist ekki átta sig á því
hvernig Samtök atvinnulífsins
(SA) geti komist að þeirri niður-
stöðu að árlegur útgjaldaauki rík-
issjóðs vegna fjarskipta, sam-
gangna og byggðamála verði 42,2
milljarðar króna.
SA birti í gær á heimasíðu
greinargerð og eigin útreikninga á
því hver útgjaldaauki ríkissjóðs
verði á ári, miðað við stjórnarsátt-
mála ríkisstjórnarinnar.
Orðrétt segir m.a. í greinargerð
SA: „Komist allt til framkvæmda
sem lofað er í stjórnarsáttmála má
gróflega áætla að árleg útgjöld
ríkissjóðs og
ríkisfyrirtækja
vaxi um 90 millj-
arða króna.“
Birt er tafla
með greinar-
gerðinni þar
sem m.a. er
áætlað að vegna
fyrirhugaðra
skattalækkana
muni tekjur rík-
issjóðs skerðast um 15 milljarða
króna, aukin framlög til heilbrigð-
ismála muni kosta um 15 milljarða
á ári, aukin framlög til mennta- og
menningarmála þýði útgjaldaauka
upp á 9,3 milljarða króna og al-
stærsta póstinn telur SA vera fjar-
skipti, samgöngur og byggðamál
og reiknar það út að árlegur út-
gjaldaauki ríkissjóðs vegna þess-
ara liða verði 42,2 milljarðar
króna.
Fjármálaráðherra sagðist í gær
sem minnst vilja segja um þetta
plagg Samtaka atvinnulífsins, að
svo stöddu.
„Þó verð ég að segja að ég átta
mig alls ekki á hvernig SA kemst
að þeirri niðurstöðu að við verðum
með varanlega útgjaldaaukningu í
samgöngum, fjarskiptum og
byggðamálum, upp á 42,2 milljarða
króna á ári. Mér finnst þetta vera
stærsta spurningin, sem Samtök
atvinnulífsins þurfa að svara,“
sagði Bjarni Benediktsson fjár-
málaráðherra í samtali við Morg-
unblaðið í gær.
Áttar sig ekki á útreikningum SA
Fjármálaráðherra vill á þessu stigi sem minnst segja um staðhæfingar Samtaka atvinnulífsins
Bjarni
Benediktsson
2 FRÉTTIRInnlent
MORGUNBLAÐIÐ FÖSTUDAGUR 8. DESEMBER 2017
Íslensk hönnun og smíði síðan 1924
ERNA
Skipholti 3 – Sími 552 0775 – erna.is
GULL- OG SILFURSMIÐJA
Fallega jólaskeiðin
frá ERNU
Smíðuð á Íslandi úr 925 sterling silfri
Hönnuð af
Ragnhildi Sif Reynisdóttur
gullsmið og hönnuði Verð 21.500,-
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Erna Ýr Öldudóttir
ernayr@mbl.is
#metoo bylgjan hefur farið sem eldur
í sinu um heim allan eftir að leikkonur
í Bandaríkjunum stigu fram og sök-
uðu kvikmyndaframleiðandann Har-
vey Weinstein um kynferðislega
áreitni og ofbeldi.
Á sunnudag kl. 16, á lokadegi sex-
tán daga átaks Sameinuðu þjóðanna
gegn kynbundnu ofbeldi, mun fjöl-
breyttur hópur íslenskra kvenna
koma saman á Nýja sviði Borgarleik-
hússins og lesa frásagnir og reynslu-
sögur kvenna hérlendis.
Fram koma Katrín Jakobsdóttir
forsætisráðherra, Steinunn Valdís
Óskarsdóttir fyrrverandi borgar-
stjóri, leikkonurnar Kristbjörg Kjeld,
Halldóra Geirharðsdóttir og Ilmur
Kristjánsdóttir, tónlistarkonurnar
Hildur og Sigríður Thorlacius, Kol-
brún Benediktsdóttir saksóknari,
Hrafnhildur Lúthersdóttir ólympíu-
fari, Björk Eiðsdóttir ritstjóri og
fleiri, að því er segir í tilkynningu.
333 konur skrifa undir yfirlýs-
ingu KÍTÓN sem birt var í gær
Svipaðir viðburðir verða haldnir
samhliða þessum í Samkomuhúsinu á
Akureyri og í Herðubreið á Seyðis-
firði. Frásagnirnar eru úr eftirfarandi
#metoo hópum: Konur í sviðslistum
og kvikmyndagerð, stjórnmálum,
fjölmiðlum, íþróttum, tónlist, tækni-
og hugbúnaðariðnaði, verkalýðs-
hreyfingunni, vísindum og réttar-
gæslu. Óviðeigandi hegðun, áreitni og
ofbeldi virðast því láta fáar starfs-
stéttir ósnortnar. Viðburðunum verð-
ur streymt hjá RÚV.
Nú hafa 333 konur skrifað undir yf-
irlýsingu KÍTÓN, Félags kvenna í
tónlist: „Við krefjumst þess að fá að
vinna vinnuna okkar án áreitni, of-
beldis eða mismununar,“ segir m.a. í
yfirlýsingu þeirra. Úr réttarvörslu-
kerfinu barst einnig yfirlýsing, þar
sem segir m.a.: „Kvenfyrirlitning,
kynbundið og kynferðislegt áreiti er
vandamál í öllum lögum samfélagsins,
einnig innan réttarvörslukerfisins,“
ásamt 45 frásögnum kvenna þaðan.
Áður höfðu hátt í 300 konur í hug-
búnaðar- og tækniiðnaði skrifað undir
yfirlýsingu svipaðs efnis þar sem seg-
ir m.a.: „Það er ólíðandi að ekki sé
tekið á umkvörtunum ef sá sem áreit-
ir er metinn „of verðmætur“. Þeir
sem gera öðrum óbærilegt að sinna
sínu starfi, eru ekki og geta aldrei
verið, verðmætari en starfsandinn og
fyrirtækið. Slíkt verðmætamat og
vinnubrögð þarf að uppræta.“
#metoo í Borgarleikhúsinu
Frásagnir og reynslusögur kvenna verða lesnar upp
„Þetta er bara algjört rugl, ég hef
aldrei upplifað þetta áður,“ segir
Helga Bryndís Ernudóttir framleið-
andi sem búsett er nyrst í Norður-
Hollywood í Los Angeles í Banda-
ríkjunum. Hún vaknaði við þær
fréttir í fyrradag að skógareldar
sem geisað hafa í ríkinu frá því á
mánudag væru að færast nær heim-
ili hennar.
Um er að ræða fimm skógarelda
sem eiga sér mismunandi upptök.
Einn hefur látið lífið í skógareldum í
ríkinu það sem af er ári, en eldarnir
eru þeir mannskæðustu í sögu Kali-
forníu.
„Mér leið rosalega illa, það var
mikill reykur þar sem ég var, þannig
að ég tók bara hundinn minn og
tæmdi húsið af öllu mikilvægasta
dótinu og fór bara í vinnuna. Bíllinn
minn er núna fullur af dóti sem er
mér mikilvægast, en ég er ekki að
fara heim til mín í bráð,“ segir Helga
sem gistir nú á hóteli. erla@mbl.is
AFP
Eldur Þéttbýl svæði í Kaliforníu eru
í hættu vegna skógareldanna.
Fór með hundinn og
helsta dótið þegar
eldur nálgaðist