Morgunblaðið - 09.01.2018, Síða 2

2 FRÉTTIRInnlent
MORGUNBLAÐIÐ ÞRIÐJUDAGUR 9. JANÚAR 2018
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Greiða milljarð á mánuði
 Mikil hækkun á veiðigjaldi frá síðasta fiskveiðiári  Gjaldið var þá 4,6 milljarðar
Ágúst Ingi Jónsson
aij@mbl.is
Fyrstu þrjá mánuði fiskveiðiársins hafa inn-
heimt veiðigjöld verið á bilinu frá 936 millj-
ónum og upp í 1.057 milljónir króna. Meðaltal í
hverjum mánuði er nálægt einum milljarði
króna og verði það þannig út árið nálgast veiði-
gjöldin tólf milljarða á fiskveiðiárinu 2017/18,
en hafa ber í huga að mismikill afli berst á land
eftir árstímum.
Fiskistofa hefur birt upplýsingar um stöðu
álagningar veiðigjalds eftir greiðendum fyrir
fyrsta fjórðung yfirstandandi fiskveiðiárs.
Heildarálagningin á því tímabili nemur tæpum
þremur milljörðum króna.
Alls námu nettóveiðigjöld á fiskveiðiárinu
2016/17 um 4,6 milljörðum króna. Það var síð-
asta árið sem veittur var tímabundinn afsláttur
af veiðigjaldi og nam hann um 927 milljónum
króna.
Veiðigjald vegna fiskveiðiársins 2015/16 nam
alls 6,9 milljörðum. Veiðigjöld fiskveiðiárið
2014/15 voru 7,7 milljarðar, 9,2 milljarðar fisk-
veiðiárið 2013/2014. Álögð veiðigjöld fiskveiði-
árið 2012/2013 námu alls 12,8 milljörðum.
Gjaldtaka langt fram úr hófi
Heiðrún Lind Marteinsdóttir, framkvæmda-
stjóri Samtaka fyrirtækja í sjávarútvegi, sagði í
samtali við Morgunblaðið í ársbyrjun að veiði-
gjöld væru allt of há. „Þetta verður hátekju-
skattur á sterum þetta árið og gjaldtakan er
komin langt fram úr hófi. Hún verður beinlínis
skaðleg sjávarútvegi og þar með samfélaginu
öllu,“ sagði Heiðrún Lind.
Morgunblaðið og Creditinfo hafa
gert með sér samstarfssamning í
tengslum við viðurkenninguna
Framúrskarandi fyrirtæki. Í honum
felst meðal annars ítarleg umfjöllun í
miðlum Árvakurs um niðurstöður
greiningar Creditinfo á framúrskar-
andi fyrirtækjum á Íslandi, umfjöll-
un um valin fyrirtæki og aðrar fróð-
legar upplýsingar um íslenskt
atvinnulíf og stjórnendur.
Brynja Baldursdóttir, fram-
kvæmdastjóri Creditinfo á Íslandi,
segir að verðlaunin hafa fest sig í
sessi í íslensku atvinnulífi en Credit-
info hefur veitt viðurkenninguna um
8 ára skeið. „Undanfarin fjögur ár
höfum við átt í góðu samstarfi við
Viðskiptablaðið vegna útgáfu sér-
blaðs þar sem listi Creditinfo um
framúrskarandi fyrirtæki er birtur.
Það verður spennandi að sjá nýjar
áherslur Morgunblaðsins í umfjöllun
þess um fyrirtækin á listanum og
þann góða árangur sem einkennir
framúrskarandi fyrirtæki um allt
land,“ segir Brynja.
„Gögn Creditinfo veita áhuga-
verða og fjölbreytta mynd af rekstri
fyrirtækja hér á landi sem við teljum
að muni vekja áhuga hjá lesendum,“
segir Sigurður Nordal, fréttastjóri
viðskipta á Morgunblaðinu.
Auk þess sem sérblaði um Fram-
úrskarandi fyrirtæki verður dreift-
með Morgunblaðinu um land allt, þá
verður sjónvarpað frá sérstökum
viðburði í Hörpu á mbl.is miðviku-
daginn 24. janúar. Þar mun fjár-
málaráðherra m.a. afhenda verðlaun
fyrir nýsköpun og samfélagsábyrgð.
tobj@mbl.is
Framúrskarandi fyrir-
tæki í Morgunblaðinu
 Viðurkenningin hefur verið veitt síðastliðin átta ár
Morgunblaðið/RAX
Samstarf Samningur handsalaður.
Á nýliðnu ári urðu hvorki banaslys
á meðal íslenskra sjómanna né í
flugi. Þetta er annað árið frá upp-
hafi talninga sem enginn lætur lífið
í báðum samgöngugreinum á sama
árinu hérlendis. Síðast gerðist það
árið 2008. „Þessi góði árangur er
tilkominn vegna margra þátta.
Meðal annars má nefna betri tækni,
öruggari farartæki, skýrara reglu-
verk og eftirlit, aukna menntun og
þjálfun og vaxandi vitund um ör-
yggi í samgöngum,“ segir Þórhild-
ur Elín Elínardóttir, samskipta-
stjóri Samgöngustofu.
Engin banaslys í
lofti eða á sjó í fyrra
Þegar jólahátíðinni lýkur á þrettándanum er
næsta verkefni að taka niður jólaskrautið og
losa sig við jólatrén. Við Sorpu í Ánanaust-
um í Reykjavík hefur myndast stórt og mik-
ið jólatrjáafjall.
Á árum áður sáu borgarstarfsmenn um að
hirða jólatré borgarbúa en nú þurfa borgar-
búar sjálfir að koma jólatrjám sem þjónað
hafa tilgangi sínum í endurvinnslustöðvar.
Bílaraðir hafa myndast þegar borgarbúar
skila jólatrjám sínum í endurvinnslu. Þeir
sem búa svo vel að hafa arin eða kamínu
geta brennt jólatré sín heima og þannig
sloppið við ferð í Sorpu með tilheyrandi
bílaröð.
Jólatrén streyma í endurvinnslustöðvarnar
Morgunblaðið/Hari
Annað árið í röð býður Hugarfrelsi
foreldrum barna og unglinga á
ókeypis námskeið þar sem foreldrar
fá verkfæri í hendurnar til góðra
nota í uppeldinu.
Til stóð að halda eitt námskeið 10.
janúar en þegar í ljós kom að 200
foreldrar höfðu skráð sig á nám-
skeiðið ákváðu eigendur Hugar-
frelsis, Hrafnhildur Sigurðardóttir
og Unnur Arna Jónsdóttir, að bæta
við öðru ókeypis námskeiði 16. jan-
úar. Eigendur Hugarfrelsis segja að
í hraða og áreiti samfélagsins eigi
börn og unglingar erfitt með að
vera besta útgáfan af sér. Þær hafi
því farið af stað með foreldra-
námskeið í þeim tilgangi að kenna
foreldrum að styðja börn sín til þess
að velja jákvæðni umfram nei-
kvæðni. Efla hjá börnunum sjálfs-
mynd og styrkleika. Kenna einfald-
ar slökunar- og hugleiðsluæfingar
til þess að auka vellíðan, einbeit-
ingu, hugarró og draga úr kvíða
barna. Foreldrarnir fái einnig
kennslu í leiðum til þess að hjálpa
börnum sínum að sofna. ge@mbl.is
Morgunblaðið/Árni Sæberg
Hugarafl Slökun og hugleiðsla eru
einfaldar aðferðir í uppeldi barna.
200 foreldr-
ar efla sig
í uppeldinu
 Ný verkfæri fyrir
foreldra  Vellíðan