Morgunblaðið - 09.01.2018, Blaðsíða 17

FRÉTTIR 17Erlent
MORGUNBLAÐIÐ ÞRIÐJUDAGUR 9. JANÚAR 2018
Verið velkomin í verslun okkar
Opið virka daga kl. 8:30–17:00
Síðumúli 16 I 108 Reykjavík I Sími 580 3900 I fastus.is Veit á vandaða lausn
fastus.is
PRÓTEINRÍKIR
NÆRINGARDRYKKIR
Fastus býður uppá fjölbreytt úrval af næringarvörum fyrir þá sem þurfa
næringarviðbót og fá ekki næringarþarfir sínar uppfylltar úr fæðinu.
Bogi Þór Arason
bogi@mbl.is
Steve Bannon, fyrrverandi aðal-
stjórnmálaráðgjafi Donalds Trumps
Bandaríkjaforseta, hefur ekki dregið
ummæli sín um elsta son forsetans í
bókinni Fire and Fury til baka eða
sagt að höfundurinn hafi haft rangt
eftir honum.
Í bókinni er haft eftir Bannon að
elsti sonur forsetans, Donald yngri,
Paul Manafort, fyrrverandi kosninga-
stjóri Trumps, og Jared Kushner,
tengdasonur og einn af helstu ráð-
gjöfum forsetans, hafi gerst sekir um
„föðurlandssvik“ með því að eiga fund
með lögfræðingi, sem tengist stjórn-
völdum í Rússlandi, og fleiri Rússum.
Fundurinn var haldinn í júní 2016,
tveimur vikum eftir að ljóst varð að
Trump yrði forsetaefni repúblikana.
Sonur forsetans skipulagði fundinn
eftir að honum var sagt að lögfræð-
ingurinn kynni að hafa upplýsingar
sem gætu verið gagnlegar í kosninga-
baráttunni gegn Hillary Clinton, for-
setaefni demókrata. Forsetasonurinn
hefur sagt að hann hafi komið fund-
inum á fyrir milligöngu „kunningja“
sem hann hafi kynnst í tengslum við
fegurðarsamkeppnina Ungfrú al-
heimur árið 2013. Donald Trump
yngri kveðst ekki hafa sagt þeim
Kushner og Manafort frá efni fundar-
ins áður en hann var haldinn.
Manafort sagði af sér sem kosn-
ingastjóri Trumps um tveimur mán-
uðum eftir að fjölmiðlar birtu fréttir
um að hann hefði tengst úkraínskum
stjórnmálamönnum sem nutu stuðn-
ings ráðamannanna í Kreml. Banda-
rísk yfirvöld eru að rannsaka hvort
Manafort hafi gerst sekur um brot á
lögum með tengslum sínum við er-
lend hagsmunaöfl.
Forsetasonurinn
„föðurlandsvinur“
Í yfirlýsingu sinni um efni bókar-
innar í fyrradag reyndi Bannon að ná
sáttum við Trump sem hafði deilt
hart á hann vegna ummæla hans í
bókinni, meðal annars sagt að ráð-
gjafinn fyrrverandi hefði ekki aðeins
misst vinnuna þegar hann lét af störf-
um í Hvíta húsinu, heldur einnig
„misst vitið“.
„Donald Trump yngri er í senn
föðurlandsvinur og góður maður,“
sagði Bannon í yfirlýsingu sinni í
fyrradag. „Hann hefur verið vægðar-
laus í baráttu sinni fyrir föður sinn og
stefnu hans sem hefur stuðlað að því
að umskipti hafa orðið í landi okkar.
Ég er einnig staðfastur í stuðningi
mínum við forsetann og stefnu hans –
eins og ég hef sýnt á hverjum degi í
útvarpsþáttum mínum, á síðum
Breitbart News og ræðum og um-
mælum þegar ég kem fram opin-
berlega, frá Tókíó og Hong Kong til
Arizona og Alabama. Trump forseti
var eina forsetaefnið sem gat tekist á
við og sigrað kosningavél Clinton. Ég
er eini maðurinn til þessa sem hefur
leitast við að predika boðskap
Trumps og Trumpismann úti um all-
an heim og er enn tilbúinn að koma
forsetanum til varnar í þeirri viðleitni
hans að gera Bandaríkin mikil aftur.
Ummæli mín um fundinn með
Rússum komu vegna reynslu minnar
sem sjóliða um borð í tundurspilli sem
hafði það meginmarkmið að leita að
sovéskum kafbátum, starfa minna í
varnarmálaráðuneytinu í forsetatíð
Reagans þegar við einbeittum okkur
að því að sigrast á „heimsveldi hins
illa“ og gerðar kvikmynda um stríð
Reagans gegn Sovétmönnum og þátt-
töku Hillary Clinton í því að selja
þeim úran.
Ummæli mín beindust að Paul
Manafort, sjóuðum fagmanni í stjórn-
málabaráttunni með reynslu og þekk-
ingu á því hvernig Rússar starfa.
Hann hefði átt að vita að þeir leika
tveim skjöldum, eru slægir og ekki
vinir okkar. Ég ítreka að þessi um-
mæli beindust ekki að Don yngri.
Allt sem ég hef að segja um fárán-
legt eðli rannsóknarinnar á „leyni-
makki“ við Rússa sagði ég í viðtali við
60 mínútur. Það var ekkert leyni-
makk og rannsóknin er nornaveiðar.
Ég iðrast þess að töf mín á því að
bregðast við ónákvæmum fréttaflutn-
ingi um Don yngri hefur dregið at-
hyglina frá sögulegum afrekum for-
setans á fyrsta ári hans í embætti,“
sagði Bannon í yfirlýsingunni.
Rengdi ekki ummælin
The Wall Street Journal, sem er
hliðhollt Repúblikanaflokknum og
telst seint vinstrisinnað dagblað, birti
ítarlega frétt um yfirlýsingu Bannons
og sagði að hann hefði ekki dregið
ummælin um son forsetans til baka,
eða rengt þau.
„Þeir töldu það góða hugmynd að
ræða við fulltrúa erlendra stjórnvalda
í fundasalnum á 25. hæð Trump-turns
– án nokkurra lögfræðinga. Þeir
höfðu enga lögfræðinga með sér.
Jafnvel þótt menn teldu þetta ekki
vera föðurlandssvik eða óþjóðrækni
eða endemisvitleysu – og ég tel að það
hafi verið allt þetta – þá áttu þeir að
hafa samband við FBI tafarlaust,“ er
haft eftir Bannon í bókinni. Ennfrem-
ur er haft eftir honum að hann telji að
rannsóknin á tengslum aðstoðar-
manna Trumps við rússnesk stjórn-
völd beinist að meintu peningaþvætti.
„Þeir eiga eftir að brjóta Don yngri
eins og egg í beinni sjónvarpsútsend-
ingu úti um allt land.“
Reynir að halda starfinu
Ummæli Bannons í bókinni urðu til
þess að fjárhagslegir bakhjarlar hans
hafa snúið baki við honum og íhuga
nú að víkja honum frá sem stjórnanda
fréttavefjarins Breitbart News.
Markmiðið með yfirlýsingu Bannons
virðist vera að reyna að koma í veg
fyrir að hann missi starfið, að því er
The Wall Street Journal hefur eftir
mönnum sem tengjast fréttavefnum.
Líklegt er að viðbrögð Trumps við
yfirlýsingu Bannons ráði úrslitum um
hvort hann haldi starfinu, að sögn
Kurts Bardella, fyrrverandi tals-
manns Bannons. „Ef Trump lætur í
ljós fyrirgefningu verður aftöku
Bannons líklega frestað,“ hefur The
Wall Street Journal eftir Bardella.
„Ef Trump krefst höfuðleðurs hans
er erfitt að ímynda sér að hann fái það
ekki.“
Steve Bannon dró ummæli
sín í bókinni ekki til baka
 Reynir að ná sáttum við Trump til að halda stjórnandastarfi hjá Breitbart
AFP
Gamlir vopnabræður Bannon hlustar á Trump í Hvíta húsinu 13. mars sl.
Þriggja daga heimsókn Emmanuels Macrons, forseta Frakklands, hófst í
gær þegar hann kom til borgarinnar Sian þar sem silkivegurinn, versl-
unarleið milli Kína og Evrópu, hófst til forna. Macron hvatti Evrópuríki til
að taka þátt í áformum Kínverja um að fjárfesta í „nýjum silkivegi“, þjóð-
vegum um Mið-Asíulönd, og nýjum siglingaleiðum um Indlandshaf og
Rauðahaf. Hann varaði þó við því að framkvæmdirnar mættu ekki verða til
þess að Kínverjar fengju forræði yfir grannríkjum sínum, eða að þau yrðu
einhvers konar lénsríki.
Forseti Frakklands í heimsókn í Kína
AFP
Styður nýjan silkiveg
Afsögn Tronds Giske sem varafor-
manns Verkamannaflokksins í Nor-
egi vegna ásakana um kynferðislega
áreitni er álitin mjög vandræðaleg
fyrir flokkinn sem
hefur stært sig af
því að vera í fylk-
ingarbroddi í bar-
áttunni fyrir jafn-
rétti kynjanna.
Ágreiningur er
innan flokksins
um afsögnina.
Einn þingmanna
hans, Kirsti
Leirtrø, hefur
gagnrýnt afsögnina og sagt að Giske
hafi verið dæmdur fyrirfram án
sannana. „Barnaníðingar njóta meiri
verndar en Trond Giske hefur fengið
í þessu máli,“ hefur blaðið Dagens
Næringsliv eftir Leirtrø. „Þegar allur
Noregur trúir því að viðkomandi sé
nauðgari án þess að fyrir liggi ákæra,
þá er myndin alveg röng,“ sagði hún.
Aðrir þingmenn Verkamanna-
flokksins hafa sagt að þeir séu
hlynntir afsögninni, þ. á m. Knut
Storberget sem hefur átt sæti á
norska þinginu í fjögur kjörtímabil.
Miðstjórn flokksins ræddi málið á
fundi í gær og Else May Botten, sem
á sæti í henni, kvaðst vera hlynnt því
að Giske segði einnig af sér sem tals-
maður flokksins í fjármálum. Hún
hrósaði leiðtoga flokksins, Jonas
Gahr Støre, fyrir framgöngu hans í
málinu. Støre hefur sagt að hann hafi
ráðlagt varaformanninum að segja af
sér.
Tók forystan rétt á málinu?
Fram hefur þó komið krafa um að
farið verði í saumana á því hvernig
forystumenn flokksins tóku á málinu.
Fréttavefur norska ríkisútvarpsins
hafði eftir Stanley Wirak, forystu-
manni flokksins í Rogalandi, að hann
teldi enga ástæðu til að rannsaka sér-
staklega framgöngu forystumanna
flokksins í málinu.
Giske tilkynnti afsögnina í fyrra-
dag eftir að fram höfðu komið a.m.k.
sex ásakanir á hendur honum um
kynferðislega áreitni gagnvart ung-
um konum.
Deilt um
afsögn
Giske
Trond Giske