Morgunblaðið - 09.01.2018, Síða 20

20 UMRÆÐAN
MORGUNBLAÐIÐ ÞRIÐJUDAGUR 9. JANÚAR 2018
Almáttugi, miskunn-
sami, kærleiksríki og
eilífi Guð, þú sem ert
höfundur og fullkomn-
ari lífsins!
Þakka þér fyrir trú-
festi þína sem varað
hefur frá kyni til kyns.
Þú ert í dag hinn sami
og um aldir og lofaðir
að yfirgefa ekki börnin
þín sem þú sannarlega
hefur velþóknun á.
Tíminn líður, ég eldist og líkaminn
hrörnar en ég bið þig að minn innsti
kjarni mætti þroskast og endurnýj-
ast dag hvern vegna samfélagsins
við þig.
Á tímamótum fyllumst við trega
og eftirsjá, jafnvel stundum fegin-
leika en einnig kvíða fyrir huldri
framtíð.
Ég bið þig að blessa allar minn-
ingar mínar. Vilt þú slípa þær og
helga svo þær verði að veðruðum en
dýrmætum perlum. Verði að kjarn-
góðu nesti inn í nýja tíma.
Hjálpaðu mér að koma fram við
ástvini mína af nærgætni og vænt-
umþykju. Hjálpaðu mér að rækta
tengsl við ættingja mína og vini og
reynast þeim náungi þegar á þarf að
halda. Gef að umhyggjan aukist og
vináttan dýpki.
Blessaðu einnig sam-
skipti mín við aðra sam-
ferðamenn mína og
hjálpa mér að takast á
við þau verkefni sem
bíða mín af alúð og
heiðarleika, metnaði og
þakklæti. Gef að verk
mín mættu verða þér til
dýrðar, samferðafólki
mínu til blessunar og
sjálfum mér til heilla.
Ég þakka þér að ekk-
ert skuli geta slitið mig
úr þinni almáttugu
verndarhendi. Gefðu að
hvert fótmál mitt, andardráttur og
æðarslag mætti vera í takt við þig,
lífið sjálft. Hjálpaðu mér að stefna
ótrauður áfram og missa ekki sjónar
á markinu, tilgangi lífsins.
Blessaðu íslensku þjóðina. Veit
ráðamönnum vísdóm og visku,
æðruleysi og auðmýkt til að takast á
við verkefni sín af heiðarleika og
heilindum með almannahagsmuni að
leiðarljósi, ekki síst þeirra sem ein-
hverra hluta vegna standa höllum
fæti.
Gefðu okkur öllum víðsýni, skiln-
ing og umburðarlyndi í garð hvert
annars. Hjálpaðu okkar að virða
hvert annað og standa saman sem
þjóð á sömu vegferð þrátt fyrir eðli-
lega misjafnar skoðanir og áherslur
á stundum. Sameinaðu okkur í að
lifa í þakklæti fyrir það að fá að vera
Íslendingar og fá að búa á þessu
undurfagra landi. Snertu við okkur
og veit kærleika þínum farveg inn í
hjörtu okkar og lát hann síðan smit-
ast frá hjarta til hjarta.
Hjálpaðu okkur að vera fús að
fyrirgefa og leita eftir sáttum.
Styrktu þau og blessaðu sem brotið
hefur verið gegn. Hjálpaðu okkur að
styðja þau og styrkja. Leið þú einnig
ofbeldis- og illgjörðarmenn frá villu
síns vegar og inn í ljós kærleikans og
sannleikans svo þeir sjái að sér og
hætti sinni mannskemmandi iðju og
taki að njóta náðar þinnar og kær-
leika.
Gefðu að þetta nýja ár verði náð-
arár. Ár tækifæra og uppskeru.
Alls þessa leyfi ég mér að biðja í
auðmýkt og af einlægu hjarta. Í
trausti þess að þú munir varðveita
okkur, leiða og vel fyrir sjá.
Í þínu heilaga nafni. Amen.
Bæn við upphaf nýs árs
Eftir Sigurbjörn
Þorkelsson
Sigurbjörn
Þorkelsson
» Blessaðu allar minn-
ingar okkar. Vilt þú
slípa þær og helga svo
þær verði að veðruðum
en dýrmætum perlum.
Verði að kjarngóðu
nesti inn í nýja tíma.
Höfundur er ljóðskáld
og rithöfundur og aðdáandi lífsins.
Áhersla íþrótta-
félaga á árangur og af-
rek iðkenda er góðra
gjalda verð. Hins veg-
ar vakna spurningar
um hvort þessi stefna
vinni að einhverju leyti
á móti því lögbundna
og samfélagslega hlut-
verki sem félögin
gegna.
Í 1. gr. laga nr. 64/
1998 um íþróttir
„merkja íþróttir hvers konar lík-
amlega þjálfun er stefnir að því að
auka líkamlegt og andlegt atgervi,
heilbrigði og hreysti“. Í áðurnefnd-
um lögum er kveðið á um að sam-
starf ríkis og sveitarfélaga við
íþróttahreyfinguna skuli taka mið af
gildi íþróttaiðkunar fyrir uppeldis-
og forvarnarstarf. Starfsemin fellur
einnig undir æskulýðslög nr. 70/
2007, sem að auki leggja áherslu á
félags- og menntunarleg gildi slíkr-
ar starfsemi.
Misjafnt er hversu vel íþrótta-
félögum og þjálfurum tekst að
fylgja þessu hlutverki. Oft á tíðum
virðast grunnforsendur starfsins
gleymast og meginmarkmiðið verð-
ur að búa til afreksíþróttafólk. Það
getur leitt til þess að getuskipting
og sérhæfing barna hefjist of
snemma. Þau börn sem eru í „betri“
liðunum fá frá upphafi öflugri þjálf-
un, meiri kennslu og fleiri tækifæri.
Þau börn sem taka út
þroska síðar eða hafa
ekki sömu hæfileika,
lenda strax eftir á, og
fá ekki þær áskoranir
og hvatningu sem þau
þurfa á réttu aldurs-
skeiði.
Brottfall iðkenda í
knattspyrnu er hátt á
unglingastigi og hefur
það verið tengt við of
mikla keppnisáherslu.
Mismunun þegar kem-
ur að athygli þjálfara
og aðstöðu til æfinga á
milli hópa, getur skipt verulegu
máli, einkum þar sem sjálfstraust
og sjálfsmynd iðkenda á þessum
aldri eru viðkvæm. Margir kannast
við tilvik úr íþróttaferli barna sinna
þegar aðalþjálfarar mæta nær ein-
göngu á keppnisleiki og æfingar
þeirra leikmanna sem metnir eru
sem efnilegastir. Að sjálfsögðu er
þetta ekki algilt og margir þjálfarar
gæta þess að dreifa athygli sinni á
alla iðkendur. Yfirleitt hafa þjálf-
arar innan hvers flokks mismikla
menntun, hæfni og reynslu til að
þjálfa og stýra liðum. Til að allir
sitji við sama borð er því mikilvægt
að þjálfarar skiptist á að vera á æf-
ingum og leikjum hjá öllum hópum
innan hvers flokks og að félögin
styðji slíkt fyrirkomulag.
Fjárframlög frá sveitarfélögum
skipta verulegu máli þegar kemur
að uppbyggingu og rekstri íþrótta-
félaga. Margir berjast um sama bit-
ann og meðal þeirra raka sem beitt
er, er að ekki að eigi mismuna for-
eldrum eftir því hjá hvaða félagi
börnin þeirra æfa. Þar er átt við að
foreldrar (jafnt sem aðrir) greiða
útsvar og önnur gjöld til sveitarfé-
laga og veita þannig fé með óbein-
um hætti m.a. til íþróttafélaga. Það
er því ákveðin mótsögn fólgin í því
að upplifa atvik þar sem jafnræði
brotið innan íþróttastarfseminnar á
þann hátt að einstaklingar sem sem
raðast í „lakari“ hópana bera minna
úr býtum.
Gagnrýni á forgangsröðun og æf-
ingaáætlanir fellur ekki alltaf í góð-
an jarðveg, hvorki hjá þjálfurum né
foreldrum sem eiga börn í þeim
hópum sem fá öflugri þjálfunina.
Jafnvel hefur þeirri gagnrýni verið
svarað á þann hátt að markmið „fé-
lagsins“ sé að skila leikmönnum upp
í meistaraflokk. Rétt er minna á að
meginþorri iðkenda mun ekki fara í
afreksflokka eða atvinnumennsku.
Samt sem áður er þessi hópur meg-
inástæðan fyrir því að íþróttafélög
fá opinber fjárframlög. Að sama
skapi kemur stærstur hluti æfinga-
gjalda frá foreldrum sama hóps.
Það er hægt að gera betur án
þess að skerða möguleika þeirra
einstaklinga sem stefna á afreks- og
atvinnumennsku. Nú þegar býðst
efnilegustu einstaklingunum að
mæta á aukaæfingar og æfa að ein-
hverju marki með iðkendum sem
eru lengra komnir. Þannig er þeim
veitt tækifæri til að skara fram úr
og ná lengra. Því ber að fagna, enda
afreksíþróttafólk eitthvað sem að
félögin sjálf og öll þjóðin getur verið
stolt af. Hins vegar hlýtur megintil-
gangur núverandi barna- og ung-
lingastarfs að vera sá, að skila
sterkari einstaklingum út í þjóðfé-
lagið. Einstaklingum sem hafa góða
sjálfsmynd, og hafa gert hreyfingu
og hollustu að lífstíl sínum. Ein-
staklingum sem skilja að að bæði
liðsheild og framlag hvers og eins
skiptir máli til að ná árangri á flest-
um sviðum þjóðfélagsins, sem að
sama skapi hefur áhrif á velferð og
hagsæld þjóðfélagsins í heild sinni.
Mögulega þarf að breyta fyr-
irkomulagi og fjárveitingum til
þessa málaflokks til að koma í veg
fyrir að núverandi starfsemi litist of
mikið af þeirri staðreynd að íþrótta-
félögin eru á sama tíma að reka
keppnislið. Ein leið væri að aðskilja
að fullu starfsemi sem lýtur að al-
mennu barna- og unglingastarfi
annars vegar og þjálfun á verðandi
afreksíþróttamönnum hins vegar,
eins og dæmi eru um að gert sé er-
lendis.
Heimildir:
Birgir Steinn Steinþórsson. 2013. Hvers
vegna varstu ekki kyrr? Um brottfall ung-
menna úr íþróttum. Lokaverkefni til BA-
gráðu í félagsfræði. Háskóli Íslands.
Einar Pétur Pétursson. 2016. Almennt um
rekstur íþróttafélaga. Lokaverkefni til BS-
prófs í viðskiptafræði. Háskóli Íslands
Ingvar Rafn Stefánsson. 2013. Fjármál og
rekstur íþróttafélaga. Lokaverkefni til BS-
prófs í viðskiptafræði. Háskóli Íslands
Íþróttalög nr. 64/1998
Kristján Gylfi Guðmundsson og Vilhjálmur
Þór Vilhjálmsson. 2012. Bakgrunnur
knattspyrnumanna á Íslandi: Rannsókn á
leikmönnnum í Pepsi deild, 1. Deild og 2.
deild. Lokaverkefni í íþróttafræði BSccHá-
skólinn í Reykjavík.
Vanda Sigurgeirsdóttir. 2012. Banna ætti
getuskiptingu barna. Sótt af www.ruv.is/
frett/banna-aetti-getuskiptingu-barna,
7.12. 21017.
Viðar Halldórsson 2005. Hvað þarf til að
ná árangri í íþróttum?
Sótt af http://olympia.sidan.is/
Æskulýðslög nr. 70/2007.
Afreksstefna íþróttafélaga
og samfélagslegt hlutverk
Eftir Kristínu Önnu
Þórarinsdóttur » Vinnur áhersla
íþróttafélaga á ár-
angur og afrek iðkenda
að einhverju leyti á móti
því lögbundna og sam-
félagslega hlutverki
sem félögin gegna?
Kristín Anna
Þórarinsdóttir
Höfundur er matvælafræðingur
(PhD).
kathorarinsdottir@gmail.com
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Gott við exemi
• Betri og sterkari
fætur
Rafhitun
Ryðfríir neysluvatnshitarar, hitöld (element),
hitastillar, hitastýringar, rafhitarar til húshitunar
og flest annað til rafhitunar.
Við hjá Rafhitun erum sérfræðingar í öllu sem við
kemur rafhitun. Við bjóðum einungis úrvals tæki
sem hafa sannað sig með áralangri reynslu.
Rafhitarar fyrir heita potta
Kaplahrauni 19 • Hafnarfirði • Sími: 565 3265 • ww.rafhitun.is
íslensk
framleiðsla
í 25 ár
Hiti í bústaðinn