Morgunblaðið - 29.01.2018, Blaðsíða 2

2 FRÉTTIRInnlent
MORGUNBLAÐIÐ MÁNUDAGUR 29. JANÚAR 2018
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Pappelina gólfmotta, 70x90 cm
Verð 11.900 kr.
laugavegi 47 www.kokka.is kokka@kokka.is
„Þetta er í fimmta sinn sem við
höldum Herrakvöld með þessu
sniði. Þar sem matseðillinn er úr
sjávarfangi,“ segir Magnús Gunn-
arsson, framkvæmdastjóri Hauka
Magnús segir matseldina í hönd-
um veitingastaðarins Þrír frakkar
og þar útbúi menn einstakan mat
fyrir matgæðinga.
Magnús segir að herrakvöld
Hauka sé fyrst og fremst fjáröflun
til styrktar íþróttastarfi Hauka.
„Við þurfum að hafa allar klær
úti. Það er eilíf barátta að halda úti
góðu íþróttastarfi.“
Magnús segir að ástæða þess að
hvalkjöt sé á borðum á herrakvöldi
sé m.a. stuðningur Kristjáns hjá
Hval hf. við Hauka en hann leggi til
hvalkjöt á hátíðina.
Rík hefð er fyrir íþróttalífi í
Hafnarfirði að sögn Magnúsar.
„Það fara þúsundir manna um
íþróttamiðstöðina á Ásvöllum í
hverri viku og hún er orðin að fé-
lagsheimili á svæðinu,“ segir Magn-
ús sem hlakkar mikið til þegar nýr
íþróttasalur veður vígður á Hauka-
svæðinu 12. apríl.
Hvalaveisla á árlegu herrakvöldi Hauka
Einstakur
matur fyrir
matgæðinga
Morgunblaðið/Kristinn Magnússon
Herrakvöld Á hlaðborði af réttum úr hval má finna súran hval, reyktan hval og steiktan. Þar má líka finna síld, lax, plokkfisk í sparifötum og ýmislegt ann-
að. Magnús Gunnarsson, framkvæmdastjóri Hauka, segir alvöru matgæðinga borða hvalaafurðir og ekki skemmi að ágóði af kvöldinu fari til íþróttastarfs.
Arnar Þór Ingólfsson
athi@mbl.is
Verð á innanlandsflugi hérlendis er
svipað eða lægra en á ýmsum sam-
bærilegum flugleiðum í nágranna-
löndunum, þrátt fyrir að hér séu
veður vályndari en víðast hvar. 7,2%
skipulagðra flugferða Air Iceland
Connect féllu niður í fyrra og kostn-
aður félagsins vegna þessara rask-
ana nam tæplega 81 milljón króna.
Þetta er á meðal þess sem kom
fram í erindi Gríms Gíslasonar, for-
stöðumanns sölu- og markaðssviðs
Air Iceland Connect, á morgunfundi
um innanlandsflug sem haldinn var
á vegum Isavia nýlega.
„Það er deginum ljósara og ekk-
ert nýtt að það er ekki alltaf gott
veður á Íslandi og veðurfar hefur
gríðarleg áhrif á okkar starfsemi,“
segir Grímur í samtali við Morg-
unblaðið.
Flugfélagið var nokkuð heppið
með veðrið í fyrra, en 9,2% flug-
ferða var aflýst árið 2016.
Flugið jafnvel ódýrara hér
Grímur segist skilja umræðu um
hátt verð á innanlandsflugi. Innan-
landsflugið komi til dæmis illa út í
samanburði við verðþróun í milli-
landaflugi. „Þar er markaðurinn allt
öðruvísi, 26 félög sem eru að fljúga
til Íslands yfir sumarið og eru í bull-
andi verðstríði,“ segir Grímur.
Hann segir Air Iceland Connect
fylgjast vel með sambærilegum
mörkuðum í Skandinavíu og gera
reglulegar verðathuganir á flugleið-
um þar sem tíðni, vélakostur og
fluglengd sé svipuð og í áætlunar-
kerfi félagsins. Sá samanburður
leiði í ljós að hér á landi sé innan-
landsflug á svipuðu verði og annars
staðar á Norðurlöndum, jafnvel
ódýrara.
Sem dæmi má nefna að lægsta
verð á flugi á milli Kaupmannahafn-
ar og Billund með SAS er tæpar 14
þúsund kr., en dýrustu sætin eru á
allt að 40 þúsund krónur, sem er
hærra verð en Air Iceland Connect
setur upp.
„Þar, rétt eins og hjá okkur, get-
ur þú fengið gott verð ef þú bókar
með ágætis fyrirvara, en ef þú ert
að bóka með minni fyrirvara er flug
annars staðar á Norðurlöndum oft
dýrara en hjá okkur,“ segir Grímur.
Yfir 50% farþega Air Iceland Conn-
ect bóka flug sitt 5-7 dögum áður en
þeir ferðast.
„Það gefur því augaleið að fólk er
ekki að fá besta dílinn.“
Leiðinlegt að vera höggpúði
Töluverð umræða hefur verið um
hátt verð innanlandsflugs, sérstak-
lega á meðal íbúa á landsbyggðinni,
sem þurfa að sækja sér ýmsa þjón-
ustu til borgarinnar. Grímur segir
sjálfsagt að þessi umræða sé tekin
og skoða megi hvernig ríkið geti
mögulega niðurgreitt flugsamgöng-
ur þeirra sem þurfa að sækja sér
ýmsa þjónustu til borgarinnar.
Í þessum umræðum öllum hefur
flugfélagið reglulega verið gagnrýnt
fyrir verðlagningu sína.
„Í umræðunni um þennan sam-
göngumáta finnst okkur svolítið
leiðinlegt að vera höggpúðinn á milli
ríkis og íbúa, að því leyti að við er-
um náttúrlega bara einkafyrirtæki
sem er að halda úti þessari þjón-
ustu. Það er ekki okkar hlutverk að
niðurgreiða flug. Við skiljum samt
vel að fólk þarf að komast á milli
staða, þarf að fara til læknis og nýta
sér þá þjónustu sem það er að borga
fyrir til samfélagsins. Okkur finnst
sjálfsagt að skoða hvort ríkið geti
gert það auðveldara fyrir fólk, en
við getum ekki gert það,“ segir
Grímur.
Hann bendir einnig á að flug-
rekstur sé dýr starfsemi, margir
starfsmenn komi að hverri flugferð
og að fámennið á Íslandi þýði að
einingaverð sé og verði hátt. Smæð
markaðarins sé vandamál.
Flugfélagið vill ekki vera höggpúði
 Verð á innanlandsflugi svipað hér og á sambærilegum leiðum í Skandinavíu  7,2% flugferða Air Ice-
land Connect aflýst vegna veðurs í fyrra  „Bullandi verðstríð“ í millilandaflugi lætur verð líta illa út
Morgunblaðið/Sigurður Bogi
Flug Air Iceland Connect verður
fyrir barðinu á veðurguðunum.
Þorsteinn (Jónsson) frá
Hamri rithöfundur er
látinn, 79 ára að aldri.
Hann lést að heimili sínu
í Reykjavík að morgni
sunnudagsins 28. janúar.
Þorsteinn fæddist 15.
mars 1938 að Hamri í
Þverárhlíð í Borgarfirði.
Hann lauk gagnfræða-
prófi og landsprófi við
Héraðsskólann í Reyk-
holti 1954 og stundaði
nám við Kennaraskóla
Íslands 1955 til 1957.
Þorsteinn vann sem að-
stoðarbókavörður á
Bókasafni Kópavogs frá 1961 til ársins
1967 en eftir það fékkst hann við rit-
störf, samhliða prófarkalestri, þýð-
ingum og gerð útvarpsþátta. Hann
var í stjórn Rithöfundafélags Íslands
1966 til 1968, varamaður í stjórn Rit-
höfundasambands Ís-
lands 1984 til 1986 og
meðstjórnandi þess
1986 til 1988. Þorsteinn
var gerður að heiðurs-
félaga sambandsins árið
2006.
Tvítugur að aldri gaf
Þorsteinn út sína fyrstu
ljóðabók, Í svörtum
kufli, en alls urðu ljóða-
bækur hans 26 talsins.
Þorsteinn skrifaði einn-
ig skáldsögur og sagna-
þætti og eftir hann
liggja fjölmargar þýð-
ingar.
Þorsteinn hlaut margvíslegar við-
urkenningar fyrir skáldskap sinn,
meðal annars Íslensku bókmennta-
verðlaunin árið 1992 fyrir ljóðabókina
Sæfarinn sofandi. Hann var tilnefndur
til Bókmenntaverðlauna
Norðurlandaráðs fimm sinnum. Þá
var hann tilnefndur til Íslensku bók-
menntaverðlaunanna árið 1995 og
1999. Þorsteinn hlaut Menningar-
verðlaun DV í bókmenntum árið 1981,
Stílverðlaun Þórbergs Þórðarsonar
árið 1991, Ljóðaverðlaun Guðmundar
Böðvarssonar árið 2004 og Verðlaun
Jónasar Hallgrímssonar á degi ís-
lenskrar tungu árið 2009. Árið 1996
var honum veittur riddarakross hinn-
ar íslensku fálkaorðu fyrir ritstörf og
Heiðurslaun Alþingis frá 2001. Verk
Þorsteins hafa verið þýdd á fjölmörg
tungumál.
Eftirlifandi sambýliskona Þorsteins
er Laufey Sigurðardóttir fiðluleikari.
Dóttir Þorsteins og Laufeyjar er
Guðrún. Börn Þorsteins og Ástu Sig-
urðardóttur eru Dagný, Þórir Jökull,
Böðvar Bjarki, Kolbeinn og Guðný
Ása. Sonur Þorsteins og Guðrúnar
Svövu Svavarsdóttur er Egill.
Andlát
Þorsteinn (Jónsson) frá Hamri