Morgunblaðið - 07.02.2018, Blaðsíða 14

14 FRÉTTIRInnlent
MORGUNBLAÐIÐ MIÐVIKUDAGUR 7. FEBRÚAR 2018
ALLT FYRIR
HÁR & HÚÐ
harvorur.is
Modus Hár- og Snyrtistofa - Smáralind | Modus Hársnyrtistofa - Glerártorgi
Sími: 527 2829 harvorur.is
Sigurður Ingi Jóhannsson sam-
gönguráðherra hefur ekki tekið
ákvörðun um nafn á nýrri Vest-
mannaeyjaferju. Hyggst ráðherra
hlera sjónarmið heimamanna, að því
er Jóhannes Tómasson upplýsinga-
fulltrúi tjáði Morgunblaðinu. Ráð-
herra mun hafa lokaorð um hvaða
nafn verður fyrir valinu.
Vinnuhópurinn um hönnun og
smíði nýrrar Vestmannaeyjaferju
ákvað nýlega að vinnuheiti nýju ferj-
unnar yrði Vilborg. Núverandi ferja,
Herjólfur, myndi halda nafni sínu,
en reiknað er með að hann verði hér
áfram, a.m.k. fyrst um sinn.
Vefmiðillinn Eyjafréttir gerði
óformlega könnun þegar þessi tíð-
indi bárust til Eyja. 110 manns tóku
þátt. 64% af þeim vilja halda nafninu
Herjólfur. 23% vildu nýja nafnið Vil-
borg. 13% völdu annað og þá komu
ýmsar tillögur, oftast var stungið
upp á nafninu Elliði. Fjörugar um-
ræður urðu á netspjalli á vef Eyja-
frétta um nafnið.
Þjóðsagan segir að í fyrndinni
hafi Herjólfur búið í dal þeim á
Heimaey sem við hann er kenndur.
Hann var sá eini af eyjarbúum sem
hafði gott vatnsból nærri bæ sínum
og komu því margir þangað til að
beiðast vatns, en hann vildi engum
unna vatns nema við verði, segir
sagan.
„Sagt er að Herjólfur hafi átt
dóttur eina er Vilborg hét, og var
hún að skapferli ólík föður sínum og
þótti henni hann harðdrægur er
hann seldi nábúum sínum vatnið.
Stalst hún því til þess oft á nóttum
þegar karl ei af vissi að gefa mönn-
um vatn.“
Vill smíðanefndin launa Vilborgu
góðmennskuna með því að gefa nýja
skipinu nafn hennar. sisi@mbl.is
Ráðherra veltir
nafninu fyrir sér
 Fær nýja ferjan nafnið Vilborg?
Tölvumynd/Crist SA Gdansk
Nýja ferjan Er í smíðum í Póllandi
og væntanleg hingað síðsumars.
„Sólgleraugun eru alveg ómissandi
og smíðin er vönduð,“ segir Svanur
Kristinsson, lögregluþjónn á Sel-
fossi. Morgunblaðið hitti hann á
förnum vegi um helgina þar sem
hann var með sín Ray Ban-
sólgleraugu sem hann hefur gengið
með síðan 1988. Sömu gleraugun á
nefinu í þrjátíu ár er góð ending!
„Þáverandi mágur minn, Þórir
Hergeirsson, sem gert hefur garð-
inn frægan sem handboltaþjálfari í
Noregi, var að koma heim til Íslands
frá Osló sem oftar og ég bað hann
um að velja fyrir mig góð sólgler-
augu sem hann og gerði. Þórir valdi
vel; keypti þau hjá flugfreyjunum í
þotu Icelandair og þau voru rándýr,“
segir Svanur. Hann bætir við að
gleraugun hafi lent í ýmsu hnjaski
um dagana en aldrei þó brotnað.
Ýmsir þeir sem Svanur hefur haft
afskipti af um dagana eru reikulir í
ráði og hafa sumir viljað ná taki á
sólgleraugunum. Alltaf hafa þau þó
sloppið.
Mikið öryggisatriði
Það var árið 1988, árið sem Svan-
ur eignaðist sólgleraugun, sem hann
byrjaði í lögreglunni á Selfossi og
var í liðinu þar til fram á síðasta
haust. Færði sig þá um set innan
sama embættis, það er Lögregl-
unnar á Suðurlandi, og stendur nú
vaktina á Kirkjubæjarklaustri.
„Þetta er gjörólíkt umhverfi að
starfa í; hér fyrir austan eru þetta
mikið verkefni sem tengjast ferða-
mönnum, til dæmis fólki á bíla-
leigubílum,“ segir Svanur, sem var á
leiðinni til starfa austur á Kirkju-
bæjarklaustur þegar rætt var við
hann í gær. Á leiðinni var léttskýjað
og snjór yfir öllu – og endurkast frá
hvítri fönninni mikið. „Við svona að-
stæður, þegar birtan er sterk, er
nauðsynlegt að vera með sólgler-
augu og mikið öryggisatriði,“ segir
Svanur Kristinsson. sbs@mbl.is
Morgunblaðið/Sigurður Bogi
Íbygginn Svanur Kristinsson í lopapeysunni og hér sést hann gægjast yfir
gleraugun góðu, sem hann hefur verið með á nefinu í þrjá áratugi.
Í þrjátíu ár með
sömu sólgleraugun
 Svanur með Ray Ban sem duga vel
Morgunblaðið/Sigurður Bogi
Virðulegur Lögregluþjónninn ein-
beittur á svip í hátíðarbúningnum.
Sigurður Bogi Sævarsson
sbs@mbl.is
„Laugardalslaugina þarf að taka
rækilega í gegn svo hún fái nýja og
betri ásýnd og sína fyrri stöðu sem
fyrirmynd annarra sundlauga á Ís-
landi,“ segir Trausti Harðarson,
fulltrúi Framsóknarflokksins í
íþrótta- og tómstundaráði Reykja-
víkur. Á fundi ÍTR á dögunum lagði
hann fram tillögu um að efnt yrði til
hugmyndasamkeppni um sund-
laugarsvæðið í Laugardal – þar sem
bæði arkitektar og almenningur
gætu komið með hugmyndir. Yrði
meðal annars horft til þess að finna
áhorfendastúku laugarinnar verðugt
hlutverk. Einnig er Trausti áfram
um að koma upp dýfingaraðstöðu.
Ekki tímabært
Við afgreiðslu málsins sagði meiri-
hluti ÍTR að hugmyndasamkeppni
væri ekki tímabær og var málinu vís-
að til umfjöllunar umhverfis- og
skipulagsráðs og skrifstofu eigna- og
atvinnuþróunar hjá Reykjavíkur-
borg. Kom fram að á fyrri stigum
hefðu verið gerðar úttektir á viðhaldi
á laugarkeri og stúku Laugardals-
laugar og nauðsyn á endurbótum
þessara mannvirkja.
Einnig hefur verið skipaður
starfshópur um Laugardal vegna
menningartengdrar þjónustu í
Laugardal þar sem sundlaugin væri í
brennidepli. Þá séu fyrirhugaðar
endurbætur á búningsklefahúsum,
laugavarðaturni og fleiru. Þá sé ekki
hlutverk ÍTR að efna til samkeppna
um hönnun mannvirkja. Önnur ráð í
borgarkerfinu annist slíkt.
Pottur undir þekjunni
Trausti Harðarson hefur vakið at-
hygli á fleiru viðvíkjandi Laugar-
dalslaug á vettvangi ÍTR. Þannig var
upplýst á fundi ráðsins á dögunum, í
kjölfar fyrirspurnar Trausta að svo-
nefndur Steinapottur í lauginni ætti
sér bróður. Umræddur pottur væri
hægra megin við glerbyggðan út-
gang sem farið væri um þegar geng-
ið væri að sundlaug frá búningsklef-
um sem byggðir voru árið 1986.
Vinstra megin við útganginn er hins
vegar undir steyptri þekju tilbúinn
botn og veggir að steinapottum, en
tröppur og annað var aldrei lokið við.
Framkvæmdinni var frestað vegna
áhyggna af því að veggir á laugar-
keri Laugardalslaugar væru að gefa
sig.
Embættismenn hafa upplýst ÍTR
um að hægt sé að grafa heita pottinn
upp og klára á sama tíma og laugar-
kerið yrði styrkt og aðrar fram-
kvæmdir á svæðinu færu fram.
Steinapottarnir í Laugardalslaug
yrðu þá tveir, en að bæta öðrum við
kostar 220 milljónir króna.
Fyrirmynd sé endurvakin
 Fulltrúi í ÍTR vill bragarbætur í Laugardalslauginni
 Steinapottur á sér bróður í felum  Vill dýfingaraðstöðu
Morgunblaðið/Kristinn Magnússon
Aðstaða Steinapotturinn vinsæli er fremst og aftar sést barnalaug.
Morgunblaðið/Kristinn Magnússon
Áhugasamur Trausti Harðarson í Laugardalnum með áhorfendastúkuna
að baki, en hann er áfram um að hún fái hlutverk við hæfi og sé meira nýtt.