Morgunblaðið - 15.02.2018, Qupperneq 2

2 MORGUNBLAÐIÐ FIMMTUDAGUR 15. FEBRÚAR 2018FRÉTTIR
SVEIGJANLEGOGLIPUR
INNHEIMTUÞJÓNUSTA
Hafðu samband, við leysum málin með þér!
Laugavegur 182, 105 Rvk. | Sími: 510 7700 | momentum@momentum.is
Minnsta lækkun Mesta hækkun
VIKAN Á MÖRKUÐUM
AÐALMARKAÐUR ÁLVERÐ ($/tonn)
ORIGO
-2,15%
25
HAGA
+1,35%
41,3
S&P 500 NASDAQ
+2,69%
7.059,273
+1,89%
2.668,93
+1,99%
7.233,8
FTSE 100 NIKKEI 225
15.8.‘17 15.8.‘1714.2.‘18 14.2.‘18
1.700
702.300
2.048,85
2.136,08
Unnið í samstarfi við IFS.Hreyfingar frá upphafi viku til kl. 16 í gær.
50,74 62,79-3,37%
21.154,17
BRENT OLÍUVERÐ ($/tunnu)
50
Ásgeir Margeirsson, forstjóri HS
Orku, segir aðspurður að fyrirtækið
meti áhættu fyrir alla stærri samn-
inga sem gerðir eru. Samningar um
raforkusölu til gagnavera séu þó yfir-
leitt ekki gerðir til mjög langs tíma.
Í frétt í Morgunblaðinu í gær kom
fram að 80-90% af starfsemi ís-
lenskra gagnavera væri vegna námu-
graftrar á rafmyntum og slæmt væri
að vera svo háð einni tegund af
vinnslu í gagnaverunum. Ef verð á
rafmynt fellur hratt og gengið fer
neðarlega af einhverjum ástæðum,
gæti það leitt til þess að þeir aðilar
sem eiga þennan búnað sjái ekki
fram á að það borgi sig að halda
starfseminni áfram
„Það er margt í þjóðfélaginu sem
getur breyst vegna tækniframfara,
þannig er það alltaf, en við erum ekki
að reisa orkuver gagngert til að selja
orku til gagnavera, eins og gert hef-
ur verið vegna álvera til dæmis.
Þetta er ekki af sömu stærð og
álverssamningarnir,“ segir Ásgeir í
samtali við ViðskiptaMoggann.
Hann segir að allir stærri raforku-
kaupendur þurfi að leggja fram
tryggingar og í samningum sé kaup-
skylda. „Þegar viðkomandi hættir að
taka rafmagn verður hann samt að
borga og ef hann borgar ekki er
hægt að ganga að tryggingum.“
HS Orka með innan við helming
Ásgeir bendir á að talað sé um að
raforkusala hér á landi til gagnavera
fari upp í 100 MW í ár. HS Orka sé
með innan við helming af því magni.
„Þetta er ekki krítískur þáttur í
rekstrinum þó að hann sé mik-
ilvægur. Við höfum verið í þessu í
nokkur ár og hefur gengið vel en við
erum ekki að horfa á þetta sem
samninga til 20 ára eins og með stór-
iðjusamningana, heldur til nokkurra
ára í senn, kannski 3 til 10 ára.“
Magnús Þór Gylfason, yfirmaður
samskiptasviðs Landsvirkjunar, seg-
ir í samtali við ViðskiptaMoggann að
Landsvirkjun hafi unnið að því að
fjölga viðskiptavinum úr fjöl-
breyttum orkuháðum iðngreinum
meðal annars til að minnka heildar-
áhættu í rekstri félagsins. „Við gerð
einstakra samninga er gerð mót-
aðilagreining á væntanlegum við-
skiptavini. Skilmálar og kjör í samn-
ingum Landsvirkjunar endurspegla
svo þá áhættu sem felst í viðskipt-
unum hverju sinni,“ segir Magnús.
Hann bætir við að undanfarin ár
hafi Landsvirkjun selt raforku til
tveggja hátækni gagnavera, Verne
Global og Advania Data Centers.
„Bæði fyrirtækin hafa reynst traust-
ir viðskiptavinir og við væntum þess
að svo verði áfram.“
Gagnaverssamning-
ar ekki til langs tíma
Þóroddur Bjarnason
tobj@mbl.is
Kaupskylda og styttri
samningstími er hluti af
áhættustýringu vegna sölu
á raforku til gagnavera, en
mikill meirihluti þeirra hýsir
tölvur til vinnslu rafmynta.
Morgunblaðið/Ómar
Ásgeir Margeirsson, forstjóri HS Orku, segir að ekki séu byggð orkuver sér-
staklega fyrir gagnaver eins og gert hefur verið vegna álvera hér á landi.
FJÁRMÁLAÞJÓNUSTA
Hagnaður Arion banka dróst saman
um 7,3 milljarða á milli ára og nam
14,4 milljörðum króna árið 2017.
Athygli vekur að árið 2016 var
hrein virðisbreyting lána 7,2 millj-
arðar króna en í fyrra einungis 186
milljónir króna. Erfiðleikar og
gjaldþrot kísilverksmiðju United
Silicon settu mark sitt á afkomu
ársins en niðurfærslur Arion banka
á lánum og fjárfestingu í félaginu
námu um fjórum milljörðum króna
að teknu tilliti til skattaáhrifa, segir
í afkomutilkynningu til Kauphallar
Íslands.
Arðsemi eigin fjár var 6,6% en
var 10,5% á árinu 2016. Eins og
fram hefur komið í fjölmiðlum sam-
þykkti stjórn bankans á mánudag
heimild til greiðslu 25 milljarða
króna arðgreiðslu. Arðgreiðslan er í
samræmi við það markmið bankans
að hagræða eiginfjárhlutfalli sínu á
þann veg að það verði í meira sam-
ræmi við erlenda og innlenda
banka, segir Höskuldur Ólafsson
bankastjóri í afkomutilkynningunni.
Lán til viðskiptavina jukust um
7% á milli ára. Kostnaðarhlutfall
bankans jókst um 0,1 prósentustig
og var 56%. Hækkun varð á rekstr-
arkostnaði frá fyrra ári, meðal ann-
ars vegna innkomu Varðar sem
dótturfélags í lok síðasta árs og
aukinna umsvifa Valitor erlendis.
Hreinar þóknanatekjur jukust
um 10% á milli ára, einkum vegna
aukinna umsvifa í greiðslukortum
og greiðslulausnum og aukinna um-
svifa í lánum. Í afkomukynningu
segir að markaðsviðskipti gangi vel
en tekjur af fyrirtækjaráðgjöf séu
sveiflukenndar og lækki frá fyrra
ári. helgivifill@mbl.is
Hagnaður Arion 14,4
milljarðar á síðasta ári
FJÁRMÁLASTOFNANIR
Hagnaður Íslandsbanka dróst sam-
an um 7 milljarða á milli ára og var
13,2 milljarðar króna árið 2017.
Munurinn skýrist einkum af ein-
skiptistekjum af sölu Borgunar á
hlutum í Visa Europe sem féllu til á
árinu 2016. Arðsemi eigin fjár var
7,5% á árinu, samanborið við 10,2%
árið 2016.
Stjórn bankans leggur til að nán-
ast allur hagnaður síðasta árs verði
greiddur í arð til hluthafa eða 13
milljarða króna. Bankinn er í ríkis-
eigu. Eiginfjárhlutföll íslensku við-
skiptabankanna þriggja eru há í al-
þjóðlegum samanburði.
Kostnaðarhlutfall bankans jókst
um 5,6 prósentustig í 62,5% en sér-
tækur bankaskattur og einskiptis-
kostnaður eru undanskildir við þann
útreikning. Jón Guðni Ómarsson,
fjármálastjóri Íslandsbanka, sagði á
blaðamannafundi að kostnaðarhlut-
fallið hefði aukist fyrst og fremst
vegna minni vaxtamunar auk minni
hagnaðar af hlutabréfum. Stefnt
væri að því að kostnaðarhlutfallið
færi undir 55%. „Það mun taka okk-
ur nokkur ár,“ sagði hann. Það yrði
gert með því að leggja aukna
áherslu á skilvirkni og rafræna þjón-
ustu.
Hann sagði að útlán bankans
hefðu vaxið nokkuð umfram hagvöxt
eða um 10% að nafnvirði. Endanlega
tölur um hagvöxt lægju ekki fyrir en
væntanlega hefði hann verið um 6%.
Birna Einarsdóttir, forstjóri Ís-
landsbanka, sagði á fundinum að
vöxturinn kæmi víða að og að bank-
inn hefði ekki aukið við sig í ferða-
geiranum. helgivifill@mbl.is
Íslandsbanki greiðir
ríkinu 13 milljarða í arð
BANKASTARFSEMI
Hópur fjárfesta hefur keypt 5,34%
hlut í Arion banka af Kaupskilum
sem fram að sölunni áttu 57% hlut í
bankanum. Fjárfestarnir sem kaupa
hlutinn eru annars vegar tveir af nú-
verandi hluthöfum bankans, Attestor
Capital LLP og Goldman Sachs, og
hins vegar sjóðir í stýringu fjögurra
innlendra sjóðastýringarfyrirtækja.
Attestor Capital og Goldman Sachs
eru ekki aðeins hluthafar í bankanum
beint heldur einnig í gegnum Kaup-
skil. Þeir eru því að kaupa hlutinn af
félagi sem að hluta er í þeirra eigu.
Hlutdeild þeirra í viðskiptunum er
2,8% á móti 2,54% hlut sjóðastýringa-
fyrirtækjanna.
Eitt sjóðastýringarfyrirtækjanna
fjögurra er Stefnir, sem er stærsta
félag sinnar tegundar í landinu. Það
er í eigu Arion banka. Hlutdeild þess í
viðskiptunum er 0,73% hlutur. Kaup-
verðið sem Stefnir reiðir fram nemur
1.300 milljónum króna samkvæmt
upplýsingum frá fyrirtækinu. Sjóð-
irnir hjá Stefni sem kaupa hlutinn eru
Stefnir ÍS-5, Stefnir ÍS-15, Stefnir –
Samval og Eignaval – hlutabréf. Fyr-
irtækið gefur ekki upp skiptinguna
milli sjóðanna fjögurra.
Virkjar arðgreiðslurétt
Með kaupum fyrrnefndra aðila
virkjast réttur Arion banka til skil-
yrtrar arðgreiðslu sem getur að há-
marki numið 25 milljörðum króna.
Fjárhæðin markast hins vegar af því
hversu mikið bankinn ákveður að
kaupa af eigin bréfum, en samhliða
heimildinni til arðgreiðslunnar fékk
bankinn heimild til að kaupa í sjálfum
sér fyrir allt að 18,8 milljarða króna.
Að hámarki getur arðgreiðslan og
kaupin á eigin bréfum numið fyrr-
nefndri upphæð, 25 milljörðum. Þessi
ráðstöfun var bundin því skilyrði að
Kaupskil næðu að selja að minnsta
kosti 2% hlut í bankanum fyrir 15.
apríl næstkomandi.
Með fyrrnefndum viðskiptum með
bréf í bankanum hafa kaupendurnir
tryggt sér allt að 1.335 milljónir
króna í formi arðgreiðslu. Hlutdeild
Stefnis gæti orðið allt að 182,5 millj-
ónir króna. ses@mbl.is
Sjóðastýringafyrirtæki í eigu
Arion keypti 0,73% í bankanum
Morgunblaðið/Eggert
Með kaupunum virkjast réttur til allt að 25 milljarða arðgreiðslu Arion banka.