Morgunblaðið - 23.02.2018, Side 8

8 MORGUNBLAÐIÐ FÖSTUDAGUR 23. FEBRÚAR 2018
K
ominn var tími á end-
urbætur og það fyrsta
sem ákveðið var að gera
var að skipta algerlega
út gömlu eldhúsinnrétt-
ingunni. Ný innrétting var teiknuð
inn sem er mun opnari. Eigendur
hússins höfðu sterkar hugmyndir
um hvernig útkoman ætti að vera
og segir Hanna Stína að samstarfið
hafi gengið hreint ótrúlega vel.
„Þetta var virkilega skemmtilegt,
segir hún. „Við vorum mjög sam-
stiga í þessu og mínar hugmyndir
rímuðu mjög vel við þeirra.
Eldhúsið er mjög svo opið en eitt
skilyrðið var að í því yrði extra stór
tvöfaldur Smeg-ísskápur. Eyja var
smíðuð á mitt gólfið en mikilvægt
var að eldhúsið virkaði vel enda er
heimilisfaðirinn mikill ástríðukokk-
ur og því nauðsynlegt að eldhúsið
nýttist vel undir eldamennsku.
Sterkir litir einkenna stíl þeirra
hjóna og það sést strax þegar kom-
ið er inn í eldhúsið. Eldhúsinnrétt-
ingin er blá og litrík mynstur blasa
við. Það var trésmíðaverkstæðið
Grindin í Grindavík sem sá um að
smíða innréttinguna en fyrir valinu
var hinn svokallaði shaker-stíll sem
hefur verið áberandi í hönn-
unarsýningum undanfarin misseri.
Borðplatan er úr hvítum marm-
ara og er bæði á eldhúsbekknum
og eyjunni. Hanna segir að þau
hafi verið samstiga um efnisvalið
og marmarinn eigi afskaplega vel
við. Þó að hann sé í hátísku núna
má ekki gleyma því hversu sígildur
hann er og viðeigandi – sérstaklega
í húsi sem er komið til ára sinna og
er með jafn mikinn karakter og
húsið á Brúnaveginum.
Eitt það skemmtilegasta og
áhugaverðasta við eldhúsið er síð-
an tengingin við borðkrókinn en
hann er einstaklega vel heppnaður.
Í stað hefðbundinna stóla lét
Hanna Stína smíða bekk og það var
Bólstrarinn á Langholtsvegi sem
sá um að bólstra. Litríkt veggfóður
varð fyrir valinu og efnið er sér-
lega heillandi og fallegt.
Spurð um efnisvalið segir Hanna
Stína að það sé alveg í takt við
frúna á heimilinu. „Hún er sérlega
litrík og elskar mynstur þannig að
efnisvalið hér er alveg í stíl við
hennar persónuleika. Hún elskar
Designers Guild – eða við báðar
þannig að það var ákveðið að taka
bæði veggfóðrið og efnin þaðan. Ég
hef löngum þótt djörf í efnisvali en
þarna hitti ég ofjarl minn ef svo má
að orði komast. Hún var alveg
ákveðin og ég er rosalega ánægð
með útkomuna.
Flísarnar fyrir á viftunni eru
sérlega litríkar en þær eru frá
Tyrklandi og ljósin sem eru fyrir
ofan eyjuna eru úr gamalli verk-
smiðju og eru endurunnin þaðan.
Þau voru pöntuð að utan og passa
sérlega vel inn.
Jafnframt voru gólfin pússuð
upp og síðan var flísalagt fyrir ofan
borðplötuna. Þar urðu klassískar
„subway“-flísar fyrir valinu sem
koma einstaklega vel út. Hanna
segir að mikil ánægja sé með eld-
húsið bæði hjá henni sem og hús-
eigendum. Mestu máli skipti auð-
vitað að viðskiptavinurinn sé
ánægður en það sé alltaf til marks
um gott samstarf þegar báðir að-
ilar eru í skýjunum með það. Eld-
húsið sé öðruvísi – það er undir
sterkum áhrifum frá eigendum
þess og tekst að endurspegla
smekk þeirra með eftirtekt-
arverðum hætti.
Litríkt í Laugardalnum
Ljósmyndir/Gunnar Sverrisson
Litir og fegurð Flísarnar fyrir á viftunni voru
sérpantaðar og koma alla leið frá Tyrklandi.
Við Brúnaveginn í Laugardalnum stendur reisu-
legt gamalt hús sem búið er að taka rækilega í
gegn. Eigendurnir eru annálað smekkfólk sem
fékk innanhúsarkitektinn Hönnu Stínu með sér í
lið til að hanna endurbæturnar. Útkoman er
hreint stórglæsileg þar sem litagleði og glæsi-
leiki ráða ríkjum.
Góður vaskur Mikilvægt er að hafa
góðan vask í eldhúsi.
Konunglegur blár Blái liturinn kemur sérlega vel út og passar vel við marmarann.