Morgunblaðið - 23.02.2018, Síða 26

26 MORGUNBLAÐIÐ FÖSTUDAGUR 23. FEBRÚAR 2018
Asískt nautakjöts-salat
Dressing
fyrir 2
3 msk bragðlítil ólífuolía
1 límóna, safinn
2 tsk fiskisósa
1 msk sykur
klípa salt
1 msk kóríander smátt saxað
2 hvítlauksgeirar
Aðferð: Merjið kóríander og hvít-
lauksgeira í morteli ásamt 1 msk af
olífuolíu. Blandið vel saman þangað
til gott mauk hefur myndast.
Bætið 1-2 msk af olíunni og rest-
inni af innihaldsefnunum og blandið
vel saman.
Hellið dressingunni í fallega skál.
Salat
250 g nautakjöt (til dæmis innralæri)
1/2 msk olía
Salt og pipar
75 g klettasalat
1 dl kirsuberjatómatar
1/4 rauðlaukur, mjög fínt skorinn niður
1/2 agúrka
1 dl kóríander
1 rauður chili
Aðferð: Takið nautakjötið út úr ís-
skápnum og geymið við stofuhita í
3-4 tíma fyrir eldun.
Piprið það og hitið steikarpönnu
vel, steikið kjötið þangað til það er
eldað eins og ykkur finnst best. Lát-
ið kjötið jafna sig við stofuhita á
meðan salatið er útbúið.
Skolið og þerrið klettasalatið vel,
raðið því svo á fallegan disk.
Skerið kirsuberjatómatana í
helminga, skerið rauðlaukinn mjög
fínt niður, skerið agúrkuna niður í
þunnar lengjur, rífið kóríanderið fal-
lega frá stilkunum og skerið chili í
sneiðar (takið fræin frá ef þið viljið
ekki hafa það mjög sterkt). Raðið
öllu fallega á diskinn.
Skerið kjötið í þunnar sneiðar og
raðið ofan á salatið.
Setjið dressinguna yfir salatið
eins og smekkur ykkar segir til um.
Tortellini með grænmeti
og hvítlauks-rjómasósu
fyrir 3
250 g tortellini, fyllt með osti
1 msk olía og salt
125 g sveppir
1 rauð paprika
1/2 rauðlaukur
1 msk smjör
100 g spínat
2 hvítlauksgeirar
250 g matreiðslurjómi
örlítill sósuþykkir
salt og pipar
100 g rifinn ostur
Aðferð: Sjóðið pastað samkvæmt
leiðbeiningum.
Steikið rauðlaukinn á pönnu upp
úr olíu, skerið sveppina niður og
steikið þá upp úr 1 msk af smjöri.
Skerið paprikuna niður og steikið
hana. Skerið hvítlaukinn smátt niður
og steikið hann.
Hellið rjómanum út á grænmetið,
smakkið til með salti og pipar og
bætið örlitlu af sósuþykki út á til að
fá réttu áferðina á sósuna, best að
byrja mjög lítið og auka svo hægt og
rólega.
Bætið spínatinu út í sósuna og
sjóðið í 1 mín. Kveikið á ofninum og
stillið á grillið.
Setjið pastað í eldfast mót, hellið
sósunni yfir og dreifið rifnum osti yf-
ir. Setjið réttinn inn í ofninn og grill-
ið þar til osturinn er alveg bráðn-
aður og rétt byrjaður að brúnast.
tobba@mbl.is
Morgunblaðið/Árni Sæberg
Djúsí! Pasta er sniðug
leið til að borða djúsí mat
en um leið koma slatta af
grænmeti ofan í heim-
ilisfólkið. Ferskt salat er
svo tilvalið með.
Heimilisréttir Lindu Ben
Linda Benediktsdóttir er einn af matgæðingum Matarvefsins en við leitum reglulega til hennar eftir innblæstri og góðum upp-
skriftum. Að þessu sinni báðum við hana að elda auðveldan en góðan heimilismat sem hentar jafnt á mánudegi sem í matarboðið.
Asískur keimur
Kóríanderið og
limesafinn koma
með asíska
stemmingu í
þetta salat.
Elskar að elda Linda heldur
úti matarblogginu lindaben.is