Morgunblaðið - 29.03.2018, Síða 26

26 ÍSLENDINGAR
MORGUNBLAÐIÐ FIMMTUDAGUR 29. MARS 2018
FERMINGARGJAFIR
Laugavegur 61 I Kringlan I Smáralind I sími 552 4910 I www.jonogoskar.is
Ég er staddur í lest íBerlín og er að sækjamóður mína út á flug-
völl ásamt dætrum mínum.
Hún verður hjá okkur um
páskana,“ segir Ragnar Hans-
son kvikmyndagerðarmaður,
en hann á 40 ára afmæli í dag.
Ragnar er með annan fótinn
í Berlín, en dætur hans búa
þar, og er búinn að koma sér
upp heimili í hverfinu Prenz-
lauer Berg. Hann starfar þó
að mestu í Reykjavík og er að
klára að vinna sjónvarpsþætti
með bróður sínum, Gunnari
Hanssyni. Verða þeir sýndir
skömmu eftir páska á RÚV og
fram að sveitarstjórnarkosn-
ingunum. „Þar mun Frímann
Gunnarsson fjalla um borgar-
skipulag eftir eigin höfði og
fer fljótlega út af sporinu eins
og honum einum er lagið, en hann þjáist af nimbýisma. Það er dregið
af „not in my backyard“ og er algengt hjá fjólki sem finnst allt frá-
bært nema það hafi áhrif á eigið líf. Við erum svolítið að tækla það.
Ég er líka að vinna að heimildarmynd um Mezzoforte og skrepp
heim í ýmis verkefni.“ Ragnar tók til dæmis upp kynninguna á ís-
lenska landsliðsbúningnum. „Það var mjög skemmtilegt verkefni og
umdeild kynning þótt auglýsingin sjálf hafi ekki verið það.“
Legókubbar eru mikið áhugamál hjá Ragnari. „Ég er búinn að hafa
áhuga á þeim í nokkur ár og hann hefur aukist eftir að ég fór að vera í
Þýskalandi, sem er mesta lególand í heimi. Það er auðvelt að komast
yfir legókubba hér og þeir eru mun ódýrari en á Íslandi. Ég hef líka
keypt notaða kubba og er að lappa upp á þá. Þetta er að verða gerð-
arlegt safn hjá mér og eitt herbergi hjá mér verður tileinkað þessu og
verður magnað, held ég. Kvikmyndagerð, börnin og kubbar er því
það sem ég brenn mest fyrir.“
Ragnar ætlar út að borða með móður sinni og dætrum í dag. „Þetta
verður mjög kósi hjá okkur yfir páskahelgina og við ætlum að borða
mikið af íslenskum páskaeggjum. Í kvöld ætla ég að hitta Berlínarvini
mína í syndabælinu Neukölln og förum við út að borða og mamma
passar á meðan.“
Móðir Ragnars er Anna Sigríður Pálsdóttir, fyrrverandi dóm-
kirkjuprestur, og faðir hans er Hans Kristján Árnason. Börn Ragnars
eru Hrappur 16 ára, sem býr í Reykjavík, og Ripley Anna 6 ára og
Akira Maja 4 ára sem búa í Berlín.
Afmælisbarnið Ragnar býr í Berlín
og Reykjavík jöfnum höndum.
Kvikmyndir
og kubbar
Ragnar Hansson er fertugur í dag
Akureyri Margrét Ruth Blön-
dal Lárusdóttir fæddist 29.
mars 2017 og á því eins árs
afmæli í dag. Hún vó 2.960 g
og var 48 cm löng. Foreldrar
hennar eru Páley Sonja
Wium Ragnarsdóttir og
Lárus Blöndal Benediktsson.
Nýr borgari
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
K
ristín Rannveig Thor-
lacius fæddist 30. mars
1933 í Austurbæjar-
skólanum í Reykjavík.
Faðir hennar var
skólastjóri og átti fjölskyldan þar
heima þar til Kristín varð 12 ára.
„Við lát föður míns árið 1945 flutt-
umst við úr skólanum og nokkrum ár-
um seinna eignaðist móðir mín íbúð í
Hlíðahverfinu, sem þá var að byggj-
ast. Götur voru ófrágengnar, engin
götulýsing, en þarna urðum við að
paufast heim á dimmum kvöldum í
svartamyrkri.“
Kristín var stúdent frá Mennta-
skólanum í Reykjavík 1953, tók kenn-
arapróf frá Kennaraháskólanum 1980
og bætti síðar við sig námi í bóka-
safnsfræði og útskrifaðist sem bóka-
safnskennari frá Háskóla Íslands.
„Ég var í síðasta hópnum sem tók
inntökupróf í 1. bekk í MR vorið 1947.
Það voru 30 nemendur sem komust
þar inn og við útskrifuðumst árið
1953. Að loknu stúdentsprófi fór ég
að vinna á skrifstofu í fjármálaráðu-
neyti, en í ársbyrjun 1956 var ég ráð-
in ritari Þjóðminjasafnsins hjá þeim
frábæra húsbónda Kristjáni Eld-
járn.“
Kristín var kennari við grunnskól-
ann á Lýsuhóli í Staðarsveit 1973-
1994 og bókasafnskennari í Borgar-
nesi frá 1994 til 2005.
Kristín sat í sveitarstjórn Staðar-
sveitar og var oddviti sveitarinnar í
átta ár, 1978-1986. Hún hefur þýtt
fjölda bóka og tvisvar fengið þýð-
Kristín Thorlacius, kennari og þýðandi – 85 ára
Börnin Systkinin raða sér upp í aldursröð árið 1995 í garðinum heima í Borgarnesi þar sem fjölskyldan bjó. Frá
vinstri: Áslaug, Ingibjörg, Ragnhildur, Sigurður, Finnbogi, Örnólfur Einar og Ólafur.
Barnabörnin eru
kórónur öldunganna
Hjónin Kristín Thorlacius og Rögnvaldur Finnbogason um 1960.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is