Morgunblaðið - 25.04.2018, Qupperneq 4

4 MORGUNBLAÐIÐ MIÐVIKUDAGUR 25. APRÍL 2018
Þ
ó að Birgitta Haukdal hafi ekki hlotið verðlaunasæti
þegar hún tók þátt í Söngkeppni framhaldsskólanna
fyrir hönd Laugaskóla opnaði sá söngur henni leið
inn í íslenska tónlistarheiminn. Hún segir keppnina
mjög mikilvægan vettvang fyrir ungt fólk sem vill koma sér
á framfæri í tónlistinni og þetta hafi verið henni dýrmæt
reynsla.
„Ég sem ung stelpa kom utan af landi og fyrir mér var
þetta algjör draumur, að fá að syngja í keppni sem þessari
fyrir Framhaldsskólann á Laugum. Flutningurinn gekk
svona ágætlega, engir flugeldar svo sem, en ég komst
klakklaust í gegnum þetta.
Nema hvað að stuttu síðar hringir Gunnar Þórðarson,
sem hafði verið í dómnefnd keppninnar, í mig og spyr hvort
ég hafi áhuga á að taka þátt í ABBA-sýningu sem hann var
þá að vinna í og átti að setja upp í Broadway.“
Birgitta bjó þá á Húsavík svo það var stór pakki fyrir
hana að fara út í slíka sýningu í Reykjavík og Gunnar
þurfti að leita samþykkis hjá foreldrum hennar.
„Þau tóku vel í þetta, enda vissu þau að söngur er líf mitt
og yndi. Til að byrja með flaug ég suður hverja einustu
helgi til að taka þátt í sýningunni og endaði svo á því eftir
ár af því flugi að flytja til Reykjavíkur og hef verið að
syngja síðan.
Ég hugsa oft til þess að ef ég hefði ekki tekið þátt í
Söngkeppni framhaldsskólanna hefði Gunni Þórðar ekki
tekið eftir mér og ég væri enn á Húsavík að vinna í bak-
aríinu,“ segir Birgitta og hlær. „Það er nefnilega ekkert
mikilvægast að sigra í keppnina heldur er þetta ótrúlega
mikilvægur vettvangur fyrir söngvara og tónlistarfólk að
koma fram og tengjast.“
Birgitta lærði mikið á því að taka þátt í keppninni.
„Ég mætti með kassettu sem innihélt lagið Wind Beneath
My Wings með Bette Midler og lét hljómsveitina hafa hana.
Á þessum tíma átti maður ekki stórt safn laga til að velja
úr, bara það sem maður hafði á kassettunum heima. Hljóm-
sveitin spilaði það eins og það var á kassettunni en í dag
veit ég að lagið var í allt of lágri tóntegund fyrir mig, sem
hentaði mér ekki. Síðan þá hef ég passað að syngja lög í
réttum tóntegundum!“
Símtal frá Gunnari Þórðar strax á eftir
Birgitta Haukdal
Birgitta telur að hún
væri að gera eitthvað
allt annað í dag ef
ekki hefði verið fyrir
Söngkeppni fram-
haldsskólanna.
E
yþór Ingi Gunnlaugsson sló í gegn í Söngkeppni
framhaldsskólanna árið 2007 með lagi Deep
Purple, Perfect Strangers sem í íslenskri þýð-
ingu hét Framtíð bíður en lagið flutti hann fyrir
Fjölbrautaskóla Norðurlands vestra.
„Ég hef alltaf verið mikið fyrir gamalt rokk og ról og
ég valdi þetta lag því þetta var eftirlætislag pabba og
Deep Purple lag sem var talsvert nýrra en það sem ég
var að hlusta á. Annars var ég lengi að spá í þetta, alls
konar lögum fram og til baka og var með hugmyndir
um að taka lag með Radiohead eða Muse,“ segir Eyþór
Ingi. Lagið Framtíð bíður tók hann fyrst í afmæli föður
síns og segir að tilhugsunin um að standa á stóru sviði
og syngja þetta fyrir föður sinn sitjandi úti í sal með
myndavélina hafi gert útslagið hvað hann valdi að lok-
um.
„Manni fannst þetta svo mikil alvara, stórt svið, al-
vöruhljómsveit og hljóðkerfi og það er mikill lærdómur
sem felst í því að reyna að leggja sig allan fram og
vera stressaður.“
Opnaði þátttakan dyr fyrir þér?
„Að miklu leyti já. Hljómsveitin Buff var að spila
undir og við erum allir miklir félagar í dag og svo
kannski mundu margir eftir manni úr keppninni sem
maður kynntist þar, það er svolítið erfitt að meta hvað
kemur á undan hverju. Svo var ég reyndar dreginn inn
í aðra keppni strax í kjölfarið, í Bandið hans Bubba. Ef
til vill hafði Söngkeppni framhaldsskólanna áhrif á að
maður fór þangað inn.“
Vildi syngja með pabba úti í sal
Morgunblaðið/Skapti
Eyþór Ingi Gunnlaugsson
Eyþór Ingi flutti eftirlætislag
föður síns í Söngkeppni
framhaldsskólanna.
H
era Björk Þórhallsdóttir var fyrsti keppandi í
Söngkeppni framhaldsskólanna til að flytja eitt
vinsælasta lag keppninnar fyrr og síðar; Án þín
með Trúbrot. Hún hreppti annað sætið í keppn-
inni árið 1991 þar sem hún söng fyrir Fjölbrautaskólann Í
Breiðholti.
„Sviðin gerðust ekki mikið stærri en þarna á Hótel Ís-
landi og það var ákveðið andlegt sjokk að standa þarna og
þurfa bara að standa sig, en afar lærdómsríkt. Það sem ég
lærði utan vinnubragða var fyrst og fremst hvað það er
mikið til af frábærum söngvurum og tónlistarmönnum hér-
lendis. Þarna kynntist ég mörgum þeirra í fyrsta skipti en
við kynntumst ákaflega vel allir keppendurnir,“ segir Hera
Björk.
Enn þann dag í dag kemur fólk til Heru Bjarkar og rifj-
ar upp þegar hún flutti lagið og á vegi hennar hafa orðið
kvenkyns keppendur sem völdu að syngja Án þín því þær,
sem litlar stelpur, sáu Heru Björk flytja í það í sjónvarp-
inu. Lagið valdi hún með hjálp móður sinnar sem einnig er
söngkona en Hera Björk hafði þá verið að hlusta mikið á
Trúbrot. Lagið krefst þess af söngvaranum að hann sé
með breitt raddsvið svo hann fær að sýna vel hvað í honum
býr. Vegna þessa og fallegrar melódíu lagsins varð það lag
fyrir valinu hjá Heru.
„Maður fann það úti í þjóðfélaginu að það voru allir að
fylgjast með keppninni. Manni svíður svolítið í dag þegar
keppnin hlýtur ekki þá viðurkenningu og athygli sem hún
á að fá. Það er nefnilega ákaflega flott vinna sem fer þarna
fram, ekki bara á sviðinu heldur líka baksviðs og fyrir
framan sviðið, undirbúningurinn allur og skipulagið.
Svo er þetta svo frábær skóli fyrir þessa krakka, það
skiptir ekki máli hvort það gengur upp hjá þeim eða ekki,
það er jafnvel betri skóli að fá rassskell en klapp.“
Jafnvel betra að fá rassskell
Morgunblaðið/Valli
Hera Björk Þórhallsdóttir
Heru Björk finnst
mjög krúttlegt að
sjá atriðið sitt í
seinni tíð og sjá
hve hrædd hún
var í framan.
É
g eignaðist marga góða vini þarna sem hafa fylgt
mér síðan og margir þeirra hafa orðið góðir sam-
starfsfélagar og félagar í tónlist síðar meir,“ seg-
ir Svavar Knútur Kristinsson sem tók þátt í
keppninni árið 1995 og landaði þriðja sætinu.
Svavar söng og spilaði lagið „Ræningjarnir leita“ úr
Kardemommubænum og flutti það fyrir hönd Mennta-
skólans við Hamrahlíð. Flestir þekkja lagið en í því
reyna ræningjarnir að hafa upp á ýmsum munum sem
þeir hafa týnt, svo sem húfunni sinni, hempunni og
flautunni.
„Ég sneri laginu upp í djass og gerði það aðeins
þunglyndislegra en í minni útfærslu voru ræningjarnir
ekki beint viðkunnanlegir gleðigaurar heldur meiri
durtar. Ég var að læra á píanó á þessum tíma og var
eitthvað að leika mér við hljóðfærið og þetta var útkom-
an, þetta var svona tilraunamennska unglingsins.
Keppnin sjálf gaf mér ákveðið búst í sjálfstrausti því
það var ekki stórt á þeim tíma, maður var að feika það
þangað til maður meikaði það. Þetta var einnig mikill
skóli í að venjast því að syngja fyrir framan stóran
áheyrandahóp en þetta voru alveg um 800 manns sem
maður söng fyrir.“
Meðal félaga sem Svavar Knútur eignaðist í keppn-
inni var Jón Geir Jóhannsson, trommari Skálmaldar, en
þeir hafa unnið mikið saman í alls konar verkefnum eft-
ir þetta.
„Þetta var skemmtileg reynsla til að eiga í hjartanu
og eftir þetta fannst mér ekki eins mikið mál að gera
tónlist, stíga á svið og koma fram. Ef maður gengur inn
í þessa keppni með opnum huga og í góðri trú kynntist
maður ofboðslega mörgum krökkum sem eru á sama
stað og maður sjálfur og eru að hugsa um sömu hluti. Á
þessum árum er maður oft að leita að slíkum félögum,
sem hafa svipuð markmið í lífinu og maður sjálfur.“
Eignaðist
framtíðar-
félaga
Morgunblaðið/Árni Sæberg
Svavar Knútur Kristinsson
Svavar Knútur
sneri lagi úr barna-
leikriti upp í djass.