Morgunblaðið - 17.05.2018, Side 9

Mynd/Basalt arkitektar
Efnið sem tekið er úr hlíðinni er notað á ný til að fergja
þakið og húsformið er brotið upp svo að herbergin og
aðrir hlutar byggingarinnar standa stök út úr jörðinni.
laug sem undirverktakar Landsvirkjunar
byggðu fyrir starfsmenn sína þegar Búrfells-
virkjun var byggð í kringum 1970. Laugin hef-
ur nú verið dæmd ónýt, og hefur ekki verið í
formlegri notkun í nær 10 ár. Fólk í sveitinni
stundar þar þó enn óformleg næturböð. „Úr
þessari uppsprettu koma um 20 lítrar af heitu
vatni á sekúndu. 4 sekúndulítrar verða notaðir
til að hita upp hótelið, en 16 verða notaðir í
laugina,“ útskýrir Magnús.
Hvenær varðstu sannfærður um að þetta
væri gerlegt verkefni?
„Þegar við frumkvöðlarnir viðruðum hug-
myndina í upphafi fengum við að heyra ýmsar
úrtöluraddir, sem kom í sjálfu sér ekki á óvart.
Í upphafi snerist hugmyndin eingöngu um það
hvernig væri hægt að búa til ferðamennsku í
kringum sundlaugina, en við fengum það dæmi
aldrei til að ganga upp. Laugin er ónýt og að
mörgu leyti mjög ópraktísk. En um leið og við
fórum að hugsa þetta út frá heita vatninu, þá
fór boltinn að rúlla. Smátt og smátt fór að mót-
ast þessi hugmynd um fjallabað, þ.e. ekki flísa-
lagða sundlaug, heldur að gera bað sem væri
meira í ætt við laugarnar í Reykjadal eða í
Hveradölum. Um 250-300 fermetra laug-
arsvæði þar sem þú gætir setið í rólegheitum,
baðað þig og notið útsýnisins. Það styrkti verk-
efnið svo mikið þegar Bláa Lónið og samstarfs-
aðilar, þ.e Basalt Arkitektar og Design Group
Italia undir stjórn Sigurðar Þorsteinssonar,
komu að því, því þar er mikil þekking á þessum
rekstri og á því hvernig beri að vinna með nátt-
úrunni til að skapa einstaka upplifun. Upplif-
unin verður þó allt önnur í Fjallaböðunum en í
Bláa Lóninu.“
Magnús segir að rauði þráðurinn í öllum und-
irbúningi fyrir framkvæmdina sé að vera búinn
að undirbúa svæðið fyrir komu þeirra 30-50
þúsund manna sem komið gætu í Fjallaböðin á
ári hverju. „Nú höfum við 3-4 ára glugga til að
tryggja að allt sé vel gert. Árnar brúaðar, girð-
ingar lagaðar, gönguleiðir lagðar, hjóla- og
reiðstígar skipulagðir og svo framvegis.“
Hópur aðila undir stjórn Skeiða- og Gnúp-
verjahrepps vinnur nú að því að opna aðgengi
almennings að svæðinu, sem Magnús Orri von-
ast til að verði einskonar þjóðgarðsígildi þegar
allt verður tilbúið. „Við eigum okkur þann
draum að gestamóttakan verði einhvers konar
gestastofa dalsins þar sem gestir geti fræðst
um dalinn, skipulagt gönguferðina við stórt
kort og fengið sér kaffi. Þá skiptir engu hvort
það ætlar að koma í bað eða ekki. Dalurinn er
okkar allra.“
Þjóðlendufé rennur í þjóðlenduna
Spurður um fjármögnun innviðauppbygging-
arinnar segir Magnús að Rauðukambar muni
borga leigu fyrir landið, og þeir fjármunir fari til
þjóðlendunnar. „Við höfum lýst því yfir að við
viljum styrkja verulega þær framkvæmdir sem
þarf að ráðast í og þannig leggja viðbótarfé í þá
uppbyggingu umfram leigugreiðslurnar.“
Spurður nánar um útfærslu baðanna segir
Magnús að enginn klór verði notaður í vatnið, en
enginn afsláttur verði gefinn af hreinlætis-
kröfum.
Magnús vonar að verkefnið verði einskonar
sýnidæmi um það hvaða leið er ákjósanlegust
fyrir íslenska ferðaþjónustu. „Verkefnið er um-
hverfisvænt alla leið. Það verður til dæmis kvóti
á því hversu margir gestir geta komið í bað og
gestir þurfa að panta tíma. Þannig verður bað-
ferð eins og ferð í leikhús. Miðinn er ekki of dýr
ef þú ert skipulagður og við tryggjum að álaginu
er dreift svo að upplifun hvers og eins verði góð.
Þá erum við að leggja í verulegan viðbótar-
kostnað við að byggja þjónustumiðstöðina, kaupa
rafmagnsfarartæki og svo framvegis.
Um svæðið liggur vinsæl reiðleið og segist
Magnús vilja áfram opna leið fyrir hestamenn að
ríða um svæðið. „Við munum hafa gerði við
Fjallaböðin og hestamenn eiga að geta sprett af
sínum fákum og komið í bað. Þannig viljum við
hafa baðlónið í nánum tengslum við menningu
dalsins og náttúru, samanber að skilgreina og
byggja upp hjóla- og gönguleiðir í dalnum.
„Stórt atriði í þessu öllu er að stilla verðlaginu
í hóf, með því að samtvinna rekstur hótelsins og
Fjallabaðanna. Að því leytinu mun gistingin nið-
urgreiða aðgönguverð í baðlónið. Við ætlum líka
að halda gestafjölda hóflegum, en til sam-
anburðar þá eru Fontana á Laugarvatni, Secret
Lagoon á Flúðum og Reykjadalur með tvöfalt
eða þrefalt fleiri gesti. Bláa lónið er svo með um
eina milljón gesta. Okkar staður með sína 30-50
þúsund gesti verður allt önnur upplifun.“
Verkefnið mun hafa umtalsverð áhrif fyrir at-
vinnulíf á svæðinu, en gert er ráð fyrir um 60
starfsmönnum við hótelið og böðin. Ráðgert er
að reisa íbúðir fyrir starfsmenn og þjónustu-
húsnæði í Árnesi.
Magnús segir að stefnt sé að því að Fjallaböð-
in verði einhver umhverfisvænasta bygging á
heimsvísu sem til er í dag. Notuð verður svoköll-
uð BREEAM-vottun í allri umhverfisstjórnun á
byggingartíma. Kolefnisspor byggingarinnar í
heild sinni verður reiknað út, og þannig verður
vitað nákvæmlega hvernig er hægt að kolefn-
isjafna verkefnið – bæði bygginguna og svo
reksturinn síðar meir.
„Hver einasta spýta, steypuklumpur, skrúfa
og nagli verða flokkuð samkvæmt ýtrustu kröf-
um svo dæmi sé tekið. Það eru þúsundir atriða
sem þarf að huga að í þessari vottun. Þetta á að
vera umhverfisvænna en fólk hefur séð hér á
landi áður.“
Hvað tímalínu verkefnisins varðar segir
Magnús að næsti vetur verði notaður til að full-
hanna verkefnið, og hefja á byggingarfram-
kvæmdir næsta vor. „Það tekur okkur svo 2-3 ár
að klára, þannig að við ættum að geta opnað árið
2022.“
Enn er beðið eftir samþykktu deiliskipulagi
fyrir svæðið, en Magnús segir að allir sem hafa
kynnt sér verkefnið séu mjög jákvæðir. Allir séu
sammála um að vanda vel til verka og stíga var-
lega til jarðar gagnvart náttúrunni.
„Ég hef ekki hitt neinn sem er neikvæður
gagnvart þessu verkefni, en allir eru sammála
um að allt sé gert rétt, þó það taki kannski eitt ár
í viðbót. Við bakhjarlarnir erum á sama máli. Það
ber að vanda sem lengi á að standa.“
na Fjallaböð og hótel
Morgunblaðið/Valli
MORGUNBLAÐIÐ FIMMTUDAGUR 17. MAÍ 2018 9FRÉTTASKÝRING
Aðstandendur Fjallabaðanna, þau Bergrún Björnsdóttir, Magnús Orri Schram, Helgi Júlíusson,
Ellert Kristófer Schram, Hrönn Greipsdóttir og Ragnheiður Björk Sigurðardóttir.