Morgunblaðið - 17.05.2018, Page 12

VEFSÍÐAN
Gervigreindar-aðstoðarmenn
verða fullkomnari með hverju árinu,
og margir nota tæknina til að létta
sér amstur hins daglega lífs. Sumir
af þessum gervigreindar-aðstoð-
armönnum eru svo snjallir að þeir
geta svarað tölvupósti og skipulagt
fundi svo vel að halda mætti að þar
væri ritari af holdi og blóði á ferð.
En gervigreindinni eru samt tak-
mörk sett og stundum þarf alvöru
manneskju til að leysa úr málunum.
Þar kemur Fin (www.fin.com) með
lausn með því að blanda saman
gervigreind og teymi aðstoð-
armanna sem eru boðnir og búnir að
hjálpa til við hvers kyns reddingar á
öllum tímum sólarhringsins.
Gervigreindin getur séð um flest,
s.s. að panta vörur á netinu, bóka
flug, hótel eða borð á veitingastað,
greiða reikninga, senda tölvupósta,
finna smið eða pípulagningamann,
og jafnvel skrifa upp texta af upp-
töku, en starfsfólk Fin tekur að sér
flóknari verkefni.
Af heimasíðu Fin má ráða að þjón-
ustan sé aðeins í boði á ensku, svo að
íslenskumælandi fólk getur ekki
reiknað með að fá mikla hjálp við sitt
daglega stúss. En hafi fólk áhuga þá
kostar Fin frá 20 dölum á mánuði,
fyrir ígildi 20 mínútna aðstoðar. Þeir
sem þurfa meiri hjálp geta valið
„professional“ pakkann á 270 dali á
mánuði og fá með því afnot af að-
stoðarmanni í 5 klukkustundir. Svo
er „executive“ pakkinn sem kostar
2.500 dali á mánuði fyrir 48 klukku-
stundir af aðstoð. ai@mbl.is
Aðstoðarmaður með
kosti manns og tölvu
12 MORGUNBLAÐIÐ FIMMTUDAGUR 17. MAÍ 2018SJÓNARHÓLL
Sæbjúgu innihalda mikið kollagen og yfir 50
tegundir af næringarefnum sem hafa öll mjög
jákvæð áhrif á lífeðlisfræðilega starfsemi
mannslíkamans
ÍSLENSKA FRAMLEIÐSLA: Framleiðandi sæbjúgna er Arctic Star ehf.
Allar nánari upplýsingar fást á arcticstar.is
.
Arctic Star sæbjúgnahylki fást í flestum apótekum og heilsubúðum og í Hagkaupum.
Arctic Star Sæbjúgnahylki
Sæbjúgu
eru þekkt fyrir:
• Hátt prótíninnihald og lágt fituinnihald
• Að minnka verki í liðum og liðamótum
• Að byggja upp brjósk og draga úr tíðni
liðskemmda
• Að bæta ónæmiskerfið og mótstöðu
líkamans gegn ýmsum sjúkdómum
• Að auka blóðflæði sem minnkar líkur á blóðtappa
• Að koma í veg fyrir æðakölkun
• Að auka orku líkamans, stuðla
að myndun húðpróteins
og insúlíns
EGGERT
Of fáar íbúðir voru byggðar á undanförnum ár-um. Þessi staðreynd hefur leitt til mikillaverðhækkana á húsnæði, langt umfram
launahækkanir. Þetta ógnar ekki einungis efnahags-
legum stöðugleika heldur félagslegum stöðugleika
enda þurfa allir þak yfir höfuðið. Undanfarin ár hafa
launþegar upplifað kaupmáttaraukningu sem er langt
umfram það sem gengur og gerist í nágrannalönd-
unum. Sívaxandi húsnæðiskostnaður samhliða lítilli
íbúðauppbyggingu undanfarinna ára skekkir þó
myndina. Leiguverð hefur hækkað um 23% á síðustu
tveimur árum en laun hafa hækkað um 10% á sama
tíma. Fólk í lægri tekjuhóp-
um hér á landi greiðir hærra
hlutfall ráðstöfunartekna í
húsaleigu heldur en sömu
tekjuhópar á Norðurlöndum
samkvæmt nýlegri greiningu
Íbúðalánasjóðs
Sveitarfélög og ríki þurfa
að stíga inn til að bæta úr og
vinna með öðrum aðilum á
byggingamarkaði til þess að
tryggja nægt framboð hús-
næðis. Með því að koma hús-
næðis- og byggingamálum
fyrir í einu ráðuneyti innviða
eykst yfirsýn og skilvirkni í málaflokknum, sveit-
arfélög þurfa að gera ráð fyrir fleiri íbúðum á skipu-
lagi og einfalda þarf stjórnsýsluna auk þess að gera
hana skilvirkari til að draga úr töfum og óþarfa
kostnaði. Þannig er hægt að byggja rétt húsnæði á
réttum stöðum.
Undanfarin ár hefur lítið verið byggt en á næstu
árum er mikil þörf fyrir íbúðir. Á næstu tveimur ára-
tugum eða svo þarf að byggja 45 þúsund íbúðir sé
horft til spár um fjölgun landsmanna og forsendu um
2,25 íbúa í hverri íbúð eins og gert er ráð fyrir í aðal-
skipulagi Reykjavíkur. Á árunum 2010-2017 voru um
2.400 íbúðir byggðar í Reykjavík eða sem samsvarar
um 300 íbúðum á ári að meðaltali. Sé tekið tillit til
uppbyggingar næstu ára, samkvæmt spá SI, er áætl-
að að 5.300 íbúðir verði byggðar í Reykjavík 2010-
2020 eða tæplega 500 íbúðir á ári að meðaltali. Þrátt
fyrir að flestar íbúðir í byggingu um þessar mundir
séu í Reykjavík þá eru það hlutfallslega fáar íbúðir
samanborið við nágrannasveitarfélög.
Tafir í skipulagi og hjá byggingafulltrúum sveitar-
félaga og kröfur af ýmsu tagi bæði tefja fram-
kvæmdir og leiða beint og og óbeint til viðbótar-
kostnaðar sem er þvert á það markmið að byggja
hagkvæmt húsnæði. Það er þjóðhagslega mikilvægt
að bæta þarna úr því kostnaður samfélagsins alls er
ansi hár og hleypur hugsanlega á milljörðum á ári
hverju ef allt er talið.
Mathöllin á Hlemmi er góð viðbót við fjölbreytta
flóru veitingastaða í borginni og gæðir þetta svæði
lífi. Reykjavíkurborg stóð fyrir
breytingum á húsnæðinu þannig
að veitingamenn gætu komið sér
fyrir og boðið gestum upp á veit-
ingar. Tafir á veitingu bygg-
ingaleyfis, m.a. vegna skipulags-
mála, ásamt öðrum ástæðum,
leiddu til þess að þetta verkefni
tafðist um nærri ár, upphaflega
stóð til að hefja starfsemi haustið
2016 en það tókst ekki fyrr en í
ágúst 2017. Með öðrum orðum, þá
reyndu borgaryfirvöld á eigin
skinni hversu óskilvirkt kerfið er.
Þetta er ekki bundið við Reykja-
vík heldur er málum þannig háttað á einn eða annan
hátt í mörgum sveitarfélögum. Þetta verður úrlausn-
arefni kjörinna fulltrúa eftir kosningar.
Á nýlegum fundi samtaka atvinnurekenda með
frambjóðendum í Reykjavík var spurt hvort treysta
mætti því að breytingar yrðu innan árs þannig að
skipulag gerði ráð fyrir fleiri íbúðum og að stjórn-
sýsla yrði einfölduð og gerð skilvirkari. Allir fram-
bjóðendur nema einn sögðu að bætt yrði úr þessu.
Öðru verður þó ekki trúað en að allir frambjóðendur
vilji breytingar, sjá til þess að stærsta sveitarfélag
landsins geri sitt í uppbyggingu, einfaldi stjórn-
sýsluna og geri hana skilvirkari þannig að borgin geti
sjálf komið sínum verkefnum í gegnum kerfið, ólíkt
því þegar Mathöllin á Hlemmi varð að veruleika ári
síðar en til stóð. Þannig er dregið úr sóun og unnið
að einu helsta hagsmunamáli almennings á Íslandi
um þessar mundir.
EFNAHAGSMÁL
Sigurður Hannesson
framkvæmdastjóri Samtaka iðnaðarins
Ríki í ríkinu
”
Öðru verður þó ekki trú-
að en að allir frambjóð-
endur vilji breytingar, sjá
til þess að stærsta
sveitarfélag landsins
geri sitt í uppbyggingu,
einfaldi stjórnsýsluna og
geri hana skilvirkari ...