Morgunblaðið - 04.05.2018, Blaðsíða 14

14 MORGUNBLAÐIÐ FÖSTUDAGUR 4. MAÍ 2018
Stefán Einar Stefánsson
ses@mbl.is
M
iklar framkvæmdir standa nú yfir
á Krókhálsi 11 þar sem bílaum-
boðið Askja hyggst stækka við
sig með nýrri byggingu ásamt
viðbyggingum við húsnæðið sem
nú hýsir stóran hluta starfseminnar. Í ný-
byggingunni hyggst fyrirtækið byggja upp
starfsemina í kringum Kia og verður hús-
næðið hátt í 4.000 fermetrar. Í núverandi hús-
næði verður haldið utan um söluna á fólks-
bílum og sendiferðabílum frá Mercedes-Benz.
Stefnt er að því að Kia flytjist í nýbygginguna
í haust.
Fram að þeim tíma ganga góðlátlegar
skeytasendingar milli þeirra Ásgríms H. Ein-
arssonar, sölustjóra Mercedes-Benz og Þor-
geirs Ragnars Pálssonar, sölustjóra Kia. Þeir
keppa um viðskiptavini sem koma í Öskju í
þeim tilgangi að kynna sér nýjasta framboðið
frá framleiðendunum tveimur.
„Það verður mikill munur fyrir okkur þegar
við komumst í nýja húsið og getum breitt úr
okkur með þessa stóru vörulínu frá Kia. Þegar
ég byrjaði vorum við að keyra á 3 til 4 teg-
undum en í nýja sýningarsalnum getum við
stillt upp allt að 15 bílum og veitir ekki af því
plássi,“ segir Þorgeir.
Spurðir út í þróun markaðarins með tilliti til
aukinnar áherslu á rafmagnsnotkun í sam-
göngum segja þeir báðir að sú þróun hafi
komið til af ótrúlegum krafti.
„Mercedes-Benz hefur lagt mikla áherslu á
að mæta þessari þróun og í dag myndi ég
segja að helmingur þeirra, sem hingað kæmu,
væri sérstaklega að velta fyrir sér möguleik-
unum í tengiltvinnbílum. Það er í raun ótrú-
lega hátt hlutfall miðað við hversu stutt er síð-
an bílaframleiðendur fóru að bjóða upp á
þessa leið,“ segir Ásgrímur.
Mjög margir velta fyrir sér rafmagninu
Þorgeir tekur í sama streng en segir að hlut-
fallið sé jafnvel hærra þegar kemur að Kia-
bílunum,“ og bendir hann á að samsetning við-
skiptamannahópsins sé nokkuð ólík og að
hærra hlutfall eldri viðskiptavina horfi til þýska
framleiðandans.
„Það er rétt og þar er fólk m.a. að velta fyrir
sér dísilvélunum sem eru orðnar mjög spar-
neytnar og umhverfisvænar. Umræðan um dís-
ilinn hefur verið á nokkrum villigötum og miðar
öll við eldri vélar sem menguðu mun meira en
þær gera í dag. Sumir vilja ekki stíga skrefið
strax í átt að rafmagninu en þá eru þessar nýju
dísilvélar mjög álitlegur kostur. Það er mik-
ilvægt að hafa þessa leið í boði í bland við stóra
stökkið yfir í rafmagnið,“ segir Ásgrímur.
Drægnin hefur sett ákveðnar skorður
Þeir Þorgeir og Ásgrímur eru sammála um að
fólk sé mjög opið fyrir þeim möguleika að
kaupa bíla sem ganga að hluta eða öllu leyti fyr-
ir rafmagni. Hins vegar hafi drægnin áhrif á
ákvarðanatökuna.
„Þetta væri öðruvísi ef hreinu rafbílarnir
væru með 400 kílómetra drægni eða meira og
þá væri einnig mikill munur ef tengiltvinnbíl-
arnir gætu farið 80 til 100 kílómetra á rafmagn-
inu einu saman. Það mun hins vegar gerast og
þá mun þetta taka markaðinn yfir,“ segir Þor-
geir.
En fólk veltir fleiri þáttum en drægninni fyr-
ir sér og segir Ásgrímur að fólk velti vöngum
yfir því hvernig hægt sé að koma bílnum í
hleðslu heima og á vinnustað.
„Það þarf að velta því fyrir sér og aðstaða
fólks er misjafnlega góð hvað þetta varðar.
Fólk sem býr í gömlum hverfum þar sem ekki
er aðgengi að bílakjallara eða bílskúr getur
þetta orðið dálítið strembið, enda er ekki enn
farið að setja upp hleðslustaura úti við götu eins
og víða er farið að gera erlendis,“ segir Ásgrím-
ur. Hann bendir þó á að nokkur fyrirtæki séu
farin að bjóða upp á snjallar lausnir til að koma
hleðslubúnaði fyrir og að sífellt fleiri fjölbýlis-
hús séu farin að láta koma upp hleðslutækni við
stæði í bílageymslum.
Fólk farið að panta bíl fyrir næsta ár
Þegar Þorgeir og Ásgrímur eru spurðir út í
hvers sé að vænta á komandi mánuðum á raf-
bílamarkaðnum færast þeir báðir í aukana
enda ljóst að bæði Kia og Mercedes-Benz
hyggjast ryðja nýjungum braut á þessu sviði.
„Við vorum með rafmagnsútgáfu af B-class
frá Benz í sölu hér hjá okkur en framleiðslu á
þeim bílum hefur verið hætt. Við seldum 22
eintök af þeim og fólk er enn að spyrjast fyrir
um þennan bíl enda reyndist hann afar vel. En
nú er áhersla Benz á nýja línu sem nefnist
EQ. Um mitt næsta ár stefnum við á að hefja
sölu á fyrstu eintökunum af þeirri línu. Það
verður jepplingur sem nefnist EQC og verður
uppgefin drægni hans í kringum 450 kílómetr-
ar.“
Ásgrímur segist afar spenntur fyrir að fá
nýja rafbílinn í sölu og að hann sé ekki einn
um það. Þannig sé fólk nú þegar búið að setja
sig í samband við umboðið til að skrá sig fyrir
eintaki af þessari tegund.
„Það er afar fátítt að fólk sé að panta bíla
svo löngu áður en farið er að selja þá. En það
segir ýmislegt um spenninginn fyrir þessu.“
Á komandi árum hyggst Mercedes-Benz
svo koma með á markað fleiri bíla í sömu línu
og stefnt er á EQA og EQB árið 2020 og munu
fleiri fylgja í kjölfarið.
Kia kemur með tvo langdræga bíla
Þorgeir segir að Kia stefni nú á að hefja sölu á
tveimur nýjum bílum sem muni hafa mikla
drægni. Þar sé um að ræða nýja útgáfu af Kia
Soul EV sem sé væntanleg í upphafi næsta
árs. Hún verði með hátt í 500 km drægni í
stærri útgáfunni. Þá er einnig nýbúið að
kynna til sögunnar Kia Niro sem verði aðeins
knúinn rafmagni og að hann verði einnig með
drægni á við Soul EV.
„Þetta eru spennandi bílar svo ekki sé
meira sagt og hin mikla drægni mun gera þá
að mjög álitlegum kosti fyrir alla þá sem eru
að velta fyrir sér kaupum á bílum í þessum
stærðarflokkum.“ Samkeppnin verður í raf-
magninu.
Spurðir út í samkeppnina á rafmagns- og
tengiltvinnmarkaðnum segja þeir báðir að þar
liggi víglínan um þessar mundir.
„Það eru sífellt fleiri framleiðendur að koma
með bíla sem uppfylla þessar kröfur fólks og
það á bæði við um ódýrari endann en ekki síð-
ur í dýrari tækjunum,“ segir Ásgrímur.
„Fólk er alltaf að opna betur augun fyrir
þessum möguleikum og það vill nýta til fulls
þau þægindi og þá hagkvæmni sem af þessu
hlýst,“ segir Þorgeir.
Þeir benda á að umboðin séu á mismunandi
tímum með herferðir fyrir ákveðnum bílateg-
undum en nú sé staðan sú að sífellt sé haldið á
lofti þeim tegundum sem búa yfir þessari
tækni. Það segi sína sögu um hversu mikill
áhuginn sé á þessari tækni.
Nýjungar í farvatninu hjá Benz og Kia
Morgunblaðið/Kristinn Magnússon
Þorgeir Ragnar Pálsson, sölustjóri Kia, og Ásgrímur H. Einarsson, sölustjóri Mercedes-Benz, eru samherjar í samkeppni og keppa á vettvangi Öskju.
Í dag sviptir Kia hulunni af hinum nýja og rennilega Niro sem verður að öllu leyti knúinn rafmagni.
Á næsta ári mun koma á göturnar hinn byltingarkenndi EQC sem verður með drægni upp á 450 km.
Samkeppnin á bílamarkaði
snýst orðið að stórum hluta
um framboð á bílum sem með
einu eða öðru móti ganga fyrir
rafmagni. Því hafa sölustjórar
hjá Öskju fengið að kynnast á
undanförnum misserum.