Morgunblaðið - 04.05.2018, Blaðsíða 16

16 MORGUNBLAÐIÐ FÖSTUDAGUR 4. MAÍ 2018
Honda hefur frumsýnt sinn fyrsta rafbíl sem
fer í fjöldaframleiðslu en verður markaðs-
settur undir öðru nafni. Everus EV heitir hann
og er enn á þróunarstigi.
Honda sýnir Everus á árlegu bílasýningunni
sem nú stendur yfir í Peking í Kína. Og það er
engin tilviljun að hann steig sín fyrstu sýning-
arspor þar því fyrst um sinn verður bíllinn þró-
aður fyrir kínverskan markað eingöngu, hvað
sem síðar verður.
Þótt sagður sé enn á þróunarstigi herma
heimildir að Everus sé svo gott sem klár fyrir
raðsmíði. Hefur og Honda staðfest að hann
fari í framleiðslu áður en árið er úti. Hvað út-
litshönnun varðar svipar Everus um margt til
Honda HR-V-bílsins.
Everus verður fyrsti bíllinn sem Honda
raðsmíðar í Kína. Og hann þykir marka stefnu-
breytingu japanska bílsmiðsins og aukna
áherslu hans á framleiðslu rafbíla.
Á bílasýningunni í Frankfurt sl. haust sýndi
Honda hugmyndarafbílinn Urban EV. Ætl-
unin er að hann verði klár í fjöldaframleiðslu á
næsta ári, 2019. Af frekara nýmæli á bás
Honda í Peking er tvinnbílsútgáfa af Accord.
Þessi bíll kemur fyrst á götuna í Kína, eða á
seinni helmingi þessa árs, 2018.
Eins og svo margir aðrir stórir bílaframleið-
endur hefur Honda heitið því að bjóða fram til
ársins 2025 meira en 20 ný bílamódel sem knú-
in verða rafmagni að öllu leyti eða að hluta til.
agas@mbl.is
Honda með sinn
fyrsta hreina rafbíl
Everus, fyrsti rafbíll Honda, minnir um margt á Honda HR-V að útliti. Hann ríður á vaðið í Kína.
Eftirspurn eftir rafbílum frá Nissan jókst um
10% á síðasta fjárhagsári sem lauk 31. mars.
Mest er ásóknin í aðra kynslóð Leaf sem kynnt-
ur var fyrr á árinu, aðallega í Japan, Bandaríkj-
unum og Evrópu.
Eins og á meginlandingu verður hér á landi
einnig vart við hina miklu eftirspurn eftir
„græna bílnum“ því hjá BL bíða yfir tvö hundr-
uð viðskiptavinir eftir að fá nýjan Leaf afhentan
og hefur bílaverksmiðja Nissan í Bretlandi ekki
undan að framleiða bílinn.
15% aukning
Að því er fram kemur í tilkynningu frá Niss-
an Europe áætlar fyrirtækið að eftirspurnin
fari vaxandi eftir því sem líður á árið og fleiri
markaðir taka við hinni nýju kynslóð Leaf sem
er gjörbreyttur frá fyrri kynslóð.
Meðal markaða sem hefja sölu á nýjum Leaf
síðar á árinu eru Suður-Ameríka, Eyjaálfa og
Asía. Á árinu 2017 keyptu 54.541 Nissan Leaf,
15% fleiri en 2016 þegar seldir voru 47.423 bílar.
Frá 2010 hafa rúmlega 320 þúsund Leaf verið
seldir á fimmtíu og einum markaði. Nýja kyn-
slóðin hefur nú þegar unnið til fjölda verðlauna,
m.a. fyrir háþróaðan öryggisbúnað til aukinnar
verndar fyrir farþega og gangandi vegfarendur.
Þá var Leaf nýlega kosinn „grænasti bíllinn
2018“ hjá World Car Awards.
Fleiri gerðir fá rafmótor
Nissan Motor ætlar að stórauka framleiðslu á
bílum með rafmótor, aukinni ökuaðstoð og
háþróaðri snjalltækni. Markmiðið er að um mitt
ár 2022 verði búið að afhenda eina milljón slíkra
nýrra bíla, bæði 100% rafbíla og bíla með raf-
mótor og annan aflgjafa.
Bæði Renault og Mitsubishi munu njóta góðs
af áætlun Nissan. Von er á átta nýjum 100% raf-
bílum sem byggðir verða á grundvelli tækninn-
ar í Leaf en einnig aðrir sem verða sérstaklega
sniðnir að þörfum markaðanna í Kína og Japan.
Þá er einnig von á aldrifnum sportjeppa í ætt
við hugmyndabílinn IMx Kuro sem kynntur var
í Genf í mars. Nissan gerir ráð fyrir að 40% söl-
unnar nýjum bílum fyrirtækisins í Japan og
Evrópu verði rafdrifin árið 2022 og að hlutfallið
verði komið í 50% árið 2025. Í Bandaríkjunum
gerir fyrirtækið ráð fyrir að hlutfallið verði 20-
25% árið 2025 en 35-40% í Kína. agas@mbl.is
Löng biðröð eftir Leaf hjá BL
Nýja útgáfan af Nissan Leaf hefur slegið í gegn hjá kaupendum jafnt hérlendis sem erlendis.
Enginn 11 tengiltvinnbíla sem prófaðir voru á
vegum sænska tækniritsins Teknikens Värld
komust í tæri við þá vegalengd sem framleið-
endur þeirra staðhæfa að þeir dragi á fullri
rafhleðslu.
Vinsældir tengiltvinnbíla hafa aukist stórum
á undanförnum misserum en í aflrás þeirra eru
bæði brunavél og rafmótor. Hlaða má raf-
geyma þeirra úr venjulegri heimtaug og þykja
þeir sameina kosti beggja bílgerða; hreins raf-
bíls og venjulegs bíls með brunavél. Styttri
vegalengdir er hægt að fara á rafmagni ein-
göngu en grípa þarf til brunavélarinnar til
lengri ferðalaga.
Í Noregi hafa tvinnbílar rokið út en þaðan
fylgir fregnum að margir kaupendur séu von-
sviknir með takmarkað drægi rafhleðslunnar.
Hinar opinberu drægistölur eru fengnar fram
í prófunum í tilraunastofum og reynslan er sú
að einkar erfitt hefur reynst að komast í tæri
við þær í akstri.
Þetta þykja svo niðurstöður sænska tíma-
ritsins staðfesta, segja norskir miðlar. Í próf-
unum þess var tengiltvinnbílunum ekið á sama
hringnum með bæði bæjarvegum og hrað-
brautum, með hámarkshraða frá 50 til 90 km/
klst.
Mercedes dugði skammt
Svo sem áður segir komst enginn bílanna 11
uppgefna drægislengd. Næst því var Kia Op-
tima eða 95,5% vegalengdarinnar. Uppgefið
drægi er 62 km en hann dró 59,2 km. Í öðru
sæti varð stallbróðirinn Kia Niro sem komst
89,8% drægislengdarinnar.
Á hinum endanum vakti athygli slök útkoma
Mercedes E 350e. Bílsmiðurinn gefur upp raf-
drægi upp á 33 km en í akstri vantaði þriðjung
upp á að hann kæmist þá vegalengd. Dró hann
aðeins 20,6 kílómetra eða bara 62,4% hins op-
inbera drægis.
Hinn stórvinsæli Mitsubishi Outlander var
hlutfallslega litlu betri, komst 66,5% leið-
arinnar, en opinbert drægi bílsins er 54 km.
Dró Mitsubishiinn hins vegar aðeins 35,9 km í
prófinu. Litlu betri var útkoma VW Golf GTE.
Dró hann 34,2 kílómetra eða 68,4% af hinu
uppgefna 50 kílómetra drægi Volkswagen.
Niðurstaðan varð annars sem hér segir:
Kia Optima Sportswagon Plug-In Hybrid
komst 95,5% lofaðs drægis
Optima er með 11,26 kWh rafgeymi
Kia Niro Plug-In Hybrid
komst 89,8% lofaðs drægis
Niro er með 8,9 kWh rafgeymi
Volvo XC60 T8 Twin Engine AWD
komst 88,4% lofaðs drægis
XC60 er með 10,4 kWh rafgeymi
Toyota Prius Plug-In Hybrid
komst 88,2% lofaðs drægis
Prius er með 8,8 kWh rafgeymi
Hyundai Ioniq plug-in
komst 84,9% lofaðs drægis
Ioniq er með 8,9 kWh rafgeymi
Mini Countryman Plug-In Hybrid
komst 80,5% lofaðs drægis
Countryman er með 7,6 kWh geymi
Volkswagen Passat Sportscombi GTE
komst 78,2% lofaðs drægis
Passat er með 9,9 kWh rafgeymi
BMW 530e iPerformance
komst 72,8% lofaðs drægis
530e er með 9,2 kWh rafgeymi
Volkswagen Golf GTE
komst 68,4% af lofuðu drægi
Golf er með 8,7 kWh geymi
Mitsubishi Outlander Plug-in Hybrid
komst 66,5% lofaðs drægis
Outlander er með 12 kWh geymi
Mercedes E 350 e
komst 62,4% lofaðs drægis
E 350 e er með 6,2 kWh rafgeymi.
agas@mbl.is
Tengiltvinnbílar
ollu vonbrigðum
Kia bílarnir tveir drógu hlutfallslega lengst
og komust næst tölum framleiðandans.
Á bílasýningunni sem nú stendur yfir í Pek-
ing í Kína sýndi Volvo tvinnútgáfu af XC40-
jeppanum í fyrsta sinn.
Frekari tæknilegar upplýsingar um bílinn
í þeirri útgáfu hafa ekki verið birtar. Þegar
bíllinn kemur á götuna verður V60 langbak-
urinn eini Volvo-bíllinn sem ekki verður í
boði sem tvinnbíll.
En Volvo ætlar ekki að láta staðar numið
með tvinnbílum heldur áformar sænski bíl-
smiðurinn – sem er í eigu Kínverja – að
sækja um síðir fram með hreinum rafbílum.
Þykja áformin jaðra við ofurbjartsýni eft-
ir að Volvo birti tilkynningu í vikunni þess
efnis að fyrirtækið ætlaði að stórauka sölu
rafknúinna bíla á næstu árum, og að helm-
ingur allra bíla sem fyrirtækið myndi selja
árið 2025 yrði hreinir rafbílar. Hinn helm-
ingurinn yrði tvinn- og tengiltvinnbílar.
Verður rafmótor í öllum nýjum bílum Volvo
frá og með árinu 2019.
Volvo reiðir sig einna helst á bandaríska
og evrópska bílkaupendur til að ná settu
marki en mestu möguleikarnir til söluaukn-
ingar eru þó í Kína, eins og fram kemur í
tilkynningunni. Þar er nú þegar að finna
stærsta markað veraldar fyrir tvinn- og raf-
bíla. Þar við bætist að kínversk stjórnvöld
stefna að því að minnst 20% bílasölunnar
2025 verði bílar sem lausir eru við brunavél
úr aflrás sinni.
„Í fyrra skuldbundum við okkur til að
rafvæða bílaflota okkar til að undirbúa fyr-
irtækið fyrir dagana eftir að brunavélin líð-
ur undir lok,“ segir Håkan Samuelsson, for-
stjóri fólksbíladeildar Volvo. „Í dag
hnykkjum við á þessari skuldbindingu
gagnvart stærsta markaði heims fyrir raf-
vædda bíla. Rafbílavæðing Kína er framtíð
rafbílavæðingar Volvo,“ sagði hann á bíla-
sýningunni í Peking.
agas@mbl.is
Ofurbjartsýni á
rafbílasölu Volvo
Sumum sérfræðingum þykir sænsk-kínverski framleiðandinn Volvo setja markið full hátt.