Víkurfréttir - 30.08.2018, Blaðsíða 36

36 LJÓSANÆTURBLAÐ VÍKURFRÉTTA f immtudagur 30. ágúst 2018 // 33. tbl. // 39. árg.
„Þetta var ævintýraleg löndun á geggjuðum stað,“ segir Sindri Þrastarson, ungur Keflvíkingur
sem veiddi 80 sm. og ellefu punda Sjóbirting í Geirlandsá en Stangveiðifélag Keflavíkur hefur
haft ána á leigu í mörg ár. Sjóbirtingsveiðin er að hefjast en óhætt er að segja að Sindri hafi
tekið forskot á sæluna og keflvískir stangveiðimenn vona að hann hafi gefið tóninn fyrir
komandi haustveiði.
Sindri fékk veiðibakteríuna í gegnum tengda-
föður sinn, Stefán Einarsson, smíðaverktaka en
hann hefur verið iðinn við að fara með fólkið
sitt í veiði. Geirlandsá er falleg sjóbirtingsá
austur í landi og þar hafa Keflvíkingar veitt í
mörg ár. Guðrún Mjöll Stefánsdóttir, unnusta
Sindra var með honum í veiðinni sem og fleiri
úr fjölskyldunni. Sindri segir að ákveðið hafi
verið að fara upp að Hagafossi og veiða á sex
veiðistöðum á þeirri leið. Fosshlur í Geirlandsá
er efsti staðurinn í ánni og einn af fallegri veiði-
stöðum landsins. Hylurinn er mjög djúpur og
landslagið í umhverfinu er stórfenglegt. Veiðin á
leiðinni gekk ekki vel en um klukkustund tekur
að fara upp að fossinum með stuttu stoppi á
veiðistöðunum.
„Þegar komið var að fossinum fékk hópurinn
sér nesti og naut umhverfisins. Svo var kastað út
í og ekki þótti veiðivonin mikil miðað við fyrri
veiðistaði. Nýr maðkur var þræddur á öngulinn
og þung sakka og viti menn, fiskurinn var á í
öðru kasti. Hann var ansi sprækur og barðist
töluvert áður en honum var náð þreyttum á
grynningarnar en enginn háfur var með í för
og grýttur bakkinn ekki álitlegur til löndunar.
Þegar fiskurinn var komin um hálfan metra frá
landi slitnaði girnið og fiskurinn laus. Ungur og
efnilegur veiðimaður, Tómas Elí, mágur minn,
var fljótur að bregast við og „vippaði“ honum í
land með báðum höndum. Ævintýraleg löndun
á ævintýralegum stað! Sjóbirtingurinn mældist
11 pund og 80 cm,“ segir Sindri þegar hann
rifjar upp atvikið.
Myndin hefur vakið athygli enda mjög skemmti-
leg. Hana tók unnusta Þrastar, Guðrún Mjöll
Stefánsdóttir og fangar hún veiðistaðinn,
landslagið og umhverfið allt í kring á skemmti-
legan hátt. Guðrún var með nýja og netta Sony
myndavél og smellti þessari flottu mynd af
kærastanum sem er rammaður inn í hana eins
og í stúdíói. Nú var stúdíóið náttúra Íslands í
sínum flottustu fötum.
Sindri með
svakalegan sjóbirting
í „stúdíói“ náttúrunnar
–fékk 11 punda fisk í hinum glæsilega Hagafossi Geirlandsár
„AÐ ALLIR HAFI ÁHUGA Á VEIÐI – ÞAÐ GERIR ÞETTA ENN SKEMMTILEGRA“
– segir Anna María Sveinsdóttir útibússtjóri TM í Reykjanesbæ
„Sumarið mitt er búið að vera frekar rólegt, þ.e. hvað varðar
ferðalög. En það sem stendur upp úr er æðisleg ferð til Ítalíu
með vinkonum og mökum þar dvöldum við í tíu daga í góðu
yfirlæti, borðuðum góðan mat og drukkum góð vín, skoðuðum
okkur um og lágum í leti. Betra frí var ekki hægt að hugsa
sér. Alveg sjúklega skemmtileg ferð, mikið hlegið og safnað
minningum með þessum mjög svo skemmtilega hópi,“ segir
Anna María Sveinsdóttir, útibússtjóri TM í Reykjanesbæ,
spurð út í sumarið 2018.
Anna María er mikil veiðikona og hefur gaman af
veiðiferðum:
„Nokkrar veiðiferðir hafa verið farnar, m.a. í Vatnsdalsá með
veiðihópnum GCD, Reykjadalsá í Borgarfirði og Víðidalsá á
Ströndum með fjölskyldunni. Það er geggjað að allir hafi áhuga
á veiði – það gerir þetta enn skemmtilegra“.
Anna María varð amma á síðasta ári „þannig að það hefur verið
mikið fjör að dekra við Daníel Hólm sem er algjör krúttsprengja,“
segir hún um barnabarnið.
Hvað með hefðir á Ljósanótt?
„Ljósanótt hefur hingað til byrjað á sushi-gerð og sölu með stelp-
unum í körfunni en það verður ekki í ár, þannig að fastur liður
er fimmtudagsrölt með vinkonunum, kíkja aðeins á sýningar
og í búðirnar og fá sér kannski einn kaldann einhversstaðar. Á
föstudagskvöldið eru heimatónleikarnir orðinn fastur liður hjá
mér og svo árgangagangan á laugardeginum. Annað ræðst bara
svona af veðri og stemmningu“.
HVERNIG VAR SUMARIÐ 2018?