Víkurfréttir - 30.08.2018, Blaðsíða 59
59f immtudagur 30. ágúst 2018 // 33. tbl. // 39. árg. LJÓSANÆTURBLAÐ VÍKURFRÉTTA
Sterkari saman
Suðurnesjamenn þurfa aukna fjármuni frá ríkinu til
að bæta opinbera þjónustu á svæðinu, ekki síst til
að styrkja rekstur Heilbrigðisstofnunar Suðurnesja.
Það er mikilvægt að ríkið taki fordæmalausa fjölgun
íbúa með í reikninginn, sérstaka íbúasamsetningu
og fjölda ferðamanna þegar fjárlög eru sett. Við
sem höfum aðkomu að stjórnsýslunni þurfum að
vera samtaka um að breyta því og missa okkur
ekki í pissukeppni. Við erum alltaf sterkari saman.
HVAÐ FENGU SUÐURNESIN 2018?
Í fjárlögum fyrir árið 2018 sáum
við viðbætur til svæðisins. Til
dæmis voru 200 m.kr. sérmerktar
framkvæmdum á Grindavíkur-
vegi. Öðrum samgönguverkefnum
á svæðinu fylgjum við svo eftir við
gerð samgönguáætlunar, sem nú
stendur yfir. Í fjárlögum var ákveðið
að 400 m.kr. færu til reksturs heil-
brigðisstofnana á landsbyggðinni,
auk 200 m.kr. til tækjakaupa hjá
sömu stofnunum. HSS fékk 54
m.kr. úr þeim potti og svo 28 m.kr.
til tækjakaupa. Við fengum einnig
sjö langþráð dagdvalarrými í Reykja-
nesbæ. Þar af eru þrjú almenn dagd-
valarrými og fjögur fyrir fólk með
heilabilun.
SÉRSTAKAR AÐSTÆÐUR
Auðvitað hefði ég viljað sjá fleiri
krónur fara til stofnana á Suður-
nesjum. Þó að skilningur hafi aukist
innan embættismannakerfisins á
aðstæðum hér suður með sjó, þá er
hann enn ekki nægur. Við stöndum
ekki bara frammi fyrir mestu fólks-
fjölgun sem sögur fara af, heldur
erum við einnig með sérstaka íbúa-
samsetningu, þar sem fjórðungur
íbúa er af erlendu bergi brotinn.
Einnig er ekki horft nægilega til þess
hversu margir fara um flugstöðina á
hverjum sólarhring sem hefur t.a.m.
stóraukið álag á löggæslu og sjúkra-
f l u t n i n g a .
Þessi staða kallar á að við sem hér
búum stöndum enn þéttar saman
og höfum hátt.
Árangur
Stundum finnst manni baráttan
fyrir hagsmunum svæðisins okkar
ganga allt of hægt. En þá má maður
ekki gleyma að horfa á litlu sigrana.
Eitt skref í rétta átt var að koma
inn í texta fyrir fimm ára fjármála-
áætlun (sem er ramminn fyrir mála-
svið ráðuneyta í fjárlögum ár hvert)
um taka skyldi tillit til aðstæðna á
svæðum. En textinn er á þessa leið:
“Fordæmalaus fjölgun íbúa á Suður-
nesjum og fjölgun ferðamanna um
land allt kallar á skoðun á því hvort
fjárveitingar geti í ríkari mæli færst
á milli svæða. Meiri hlutinn beinir
því til heilbrigðisráðherra að gera
endurskoðun fjárveitinga gagnsærri
en verið hefur og upplýsa um þá
þætti sem ráða úthlutun fjármuna.
Þar þarf sérstaklega að horfa til
íbúaþróunar á Suðurnesjum þar
sem heilbrigðisframlög á íbúa eru
lægri en annars staðar á landinu.”
Baráttan heldur áfram. Ég vona
að þið hafið öll notið sumarsins.
Sjáumst á Ljósanótt!
Silja Dögg Gunnarsdóttir,
alþingismaður
UMRÆÐAN Á SUÐURNESJUM
LJÓSANÆTUR-
DANSLEIKUR
Félags eldri borgara á Suðurnesjum 2018
verður haldinn föstudaginn 31. ágúst nk.
að Nesvöllum kl. 20:00. Miðaverð 1000 kr.
StjórninSMÁAUGLÝSINGAR
TIL SÖLU
Til sölu iðnaðarbil/geymsluhúsnæði
41,7 fm með millilofti í Hvalvík 2.
Upplýsingar gefur Björn í síma 616
2716 eða sendið línu á btk@keilir.net
Nýr kaupfélagsstjóri, aldurslagasjóður, 550 manns misstu vinnuna
og Svartbakurinn heimtar sitt voru meðal fyrirsagna á fyrstu forsíðu
Víkurfrétta sem kom út 14. ágúst 1980. Víkurfréttir fagna um þessar
mundir 38 ára samfelldri útgáfu blaðs.
Fyrsti útgefendi blaðsins var Prent-
smiðjan Grágás en einmitt á sömu
forsíðu þessa fyrsta tölublaðs er sagt
frá því að útgáfa Suðurnesjatíðinda,
forvera Víkurfrétta, hafi legið niðri
og ekki tekist að koma út blaði þrátt
fyrir tilraunir. Það kom síðan á daginn
að Víkurfréttir tóku við keflinu og
eru hugsanlega fyrsta fréttablaðið á
Íslandi sem er dreift frítt en því var
dreift í verslanir, stofnanir, bensín-
stöðvar og á fleiri stöðvar þar sem
fólk gat gripið eintak með sér en þó
fyrst um sinn eingöngu í Keflavík
og Njarðvík.
Í ársbyrjun 1983 urðu tímamót í út-
gáfunni þegar nýir eigendur tóku
við útgáfu blaðsins. Páll Ketilsson,
núverandi eigandi VF og Emil Páll
Jónsson keyptu blaðið af Grágás og
stofnuðu Víkurfréttir eh. Fyrstu tvö,
þrjú árin hafði blaðið komið út um
það bil hálfsmánaðarlega og treysti á
auglýsingasölu en Suðurnesjatíðindi
höfðu verið sölu- og áskriftarblað.
Páll og Emil breyttu útgáfutíðninni
strax í vikulega og dreifðu því áfram
frítt á sama hátt en bættu öðrum
byggðarlögum á Suðurnesjum við
í hópinn.
Nokkru seinna var farið að
dreifa blaðinu inn á heimili
á Suðurnesjum eins og það
er gert í dag. Árið 1986 var
þó hugur í mönnum og þá
var í nokkra mánuði blaðið
gefið út tvisvar í viku. Árið
1993 fór Emil Páll út úr fyrir-
tækinu og Páll Ketilsson og
fjölskylda eignaðist það og
rekur fjölmiðilinn sem VF
er orðið í dag, vikublað,
vefirnir vf.is og kylfingur.
is og Sjónvarp VF.
Laus störf við hreinsun í flugskýlinu í Keflavík
Viðhaldsstöð okkar í Keflavík leitar að starfsfólki í hreinsunarstörf. Um er að ræða störf við þrif inní flugvélum og á húsnæði.
Um er að ræða vaktavinnu þar sem unnið er aðra vikuna frá 7:45 til 15:40 mán-fös og hina vikuna frá 16:00 til 1:00 mán-fim.
HÆFNISKRÖFUR:
| Sjálfstæð vinnubrögð
| Aldurstakmark 18 ár
Umsóknir óskast fylltar út á www.icelandair.is/umsokn fyrir 10. september nk.
Nánari upplýsingar veitir:
Sveina Berglind Jónsdóttir, mannauðsstjóri | sveinaj@icelandair.is
38 ÁR FRÁ FYRSTA TÖLUBLAÐI VÍKURFRÉTTA
– Atvinnuleysi, nýr kaupfélagsstjóri og svangur Svartbakur
Forsíða fyrsta tölublaðs Víkurfrétta.