Morgunblaðið - Sunnudagur - 03.06.2018, Síða 4

4 MORGUNBLAÐIÐ SUNNUDAGUR 3.6. 2018
Þemað á 50 ára afmælisári Fimleika-sambands Íslands sem nú stendur yfirer „fimleikar fyrir alla“, nokkuð sem er
Sólveigu Jónsdóttur, framkvæmdastjóra sam-
bandsins, mjög hugleikið.
„Fimleikar fyrir alla er þessi hugmynd um
að allir geti verið með. Að það geti allir komið í
fimleika fyrir sjálfan sig, á sínum forsendum,
óháð getu,“ segir Sólveig sem er viss um að
það geti allir fundið sinn innri fimleikamann.
Fimleikafélög um allt land eru að innleiða
þessa stefnu hjá sér, segir Sólveig. „Undan-
farin tvö ár erum við búin að vera mjög mark-
visst að ræða um fimleika fyrir alla og hvetja
félögin til að setja upp námskeið hjá sér sem
snúa að þessum hluta fimleika. Hægt og rólega
er þetta alltaf að koma meira og meira inn.“
Parkour og þreknámskeið
Hluti af því er að efla parkour innan fimleika-
félaganna. „Stelpur hafa nýtt sér þjónustu fim-
leikafélaga meira en strákar þannig að við er-
um að reyna að auka framboðið á því sem við
sjáum að höfðar meira til þeirra. Parkour hef-
ur hingað til höfðað meira til stráka en að sjálf-
sögðu eru þar stelpur líka og parkour er nokk-
uð sem allir geta tekið þátt í,“ segir hún.
„Það eru svo mörg verkefni sem við getum
boðið upp á. Fimleikar eru góð grunníþrótt
fyrir svo margt. Við leggjum mikið upp úr
fræðslu þjálfara en hún er lykillinn að fram-
haldinu. Þegar þú færð aukna þekkingu á
íþróttinni ertu líklegri til að geta miðlað betur
til krakkanna, þá ertu öruggari í samskiptum
við krakkana og foreldrana. Það líður öllum
betur í öruggara umhverfi. Vaxtarbroddurinn
liggur í að mennta þjálfarana og þá erum við
tilbúnari til að mæta þörfum einstaklinganna í
salnum.“
Fullorðinsfimleikar og þreknámskeið eru
eitt af því sem mörg fimleikafélög bjóða upp á.
„Af hverju heldurðu að fimleikastelpurnar séu
svona góðar í crossfit? Af því að við erum svo
góð í að þjálfa grunnfærni í þreki og líkams-
stöðu. Þess vegna ættu allir að geta komið í
fimleika fyrir fullorðna og gert þrekæfingar,“
segir Sólveig.
„Þjálfararnir okkar eru góðir í að þjálfa alla
þessa þætti. Við búum yfir svo mikilli alhliða
þekkingu sem endurspeglast í því að
fræðsluprógrammið okkar hefur verið í stöð-
ugri þróun í tuttugu ár.“
Þetta er vaxtarbroddurinn
Sólveig segir að þetta sé vaxtarbroddurinn í
fimleikafélögunum. Hún vildi gjarnan fá gamla
fólkið inn í fimleikana til að gera teygjur og
styrktaræfingar til að viðhalda hreysti. „Þetta
er hinn raunverulegi lífeyrissparnaður þegar
til þess kemur!“
Hún segir að það hafi ekki allir krakkar
gaman af að keppa en þeir hafi samt gaman af
því að mæta og hreyfa sig. „Krakkarnir geta
til dæmis gert fimleikadansa og tekið þátt í
sýningarfimleikum. Hjá alþjóðlegu fimleika-
samböndunum eru sýningarhátíðir tvisvar á
ári. Þar taka til dæmis þátt eldri menn og
konur. Þarna er verið að sýna fimleika og
hvernig þú getur iðkað þína fimleika frá unga
aldri fram á efri ár,“ segir hún.
„Þetta snýst um að mæta tvisvar til þrisvar í
viku, koma blóðinu á hreyfingu, styrkja sig og
bæta sig persónulega þannig að þú finnir það
ekki síst í vellíðan og sért glaður og heil-
brigður,“ segir hún en það þarf ekki að vera af-
reksþjálfun til að koma blóðinu af stað og auka
heilbrigði.
„Ef við lítum til Evrópu, þá eru þessir fim-
leikar fyrir alla, sýningarfimleikarnir og al-
mennu fimleikarnir langstærsti pósturinn í öll-
um samböndunum. Þar er vaxtarbroddurinn
okkar og þar er okkar tækifæri til að þjónusta
og vera til staðar fyrir ungmenni landsins.“
Keppa ekki um áhaldaplássið
Plássleysi í fimleikasölum kemur stundum til
tals í almennri umræðu en það ætti samt að
vera pláss fyrir námskeið sem tengjast fim-
leikum fyrir alla. „Þetta eru hópar sem eru
ekki að berjast við hina um tíma uppi á áhöld-
unum.“
Hún segir að afrekslínan verði að sjálfsögðu
áfram til. „Við höfum náð tímamótaárangri í
bæði hópfimleikum og áhaldafimleikum. Við
stöndum okkur rosalega vel, erum stolt af
árangrinum og reiknum með að halda áfram
okkar vinnu þar óbreyttri. Þetta tekur ekkert
hvað frá öðru.“
„Fimleikar eru góð
grunníþrótt fyrir svo
margt,“ segir Sólveig.
Morgunblaðið/Arnþór Birkisson
Sólveig Jónsdóttir, framkvæmdastjóri Fimleika-
sambands Íslands, er viss um að allir geti fundið
sinn innri fimleikamann. Sambandið leggur
aukna áherslu á að allir geti verið með í fim-
leikum á sínum forsendum.
Fimleikar eru
víst fyrir alla
’
Mér finnst svo mikilvægt að fólk
upplifi þessa tilfinningu að tilheyra,
að vera hluti af einhverju.
Sólveig Jónsdóttir, framkvæmdastjóri
Fimleikasambands Íslands
INNLENT
INGA RÚN SIGURÐARDÓTTIR
ingarun@mbl.is
Sýningarhátíðin EuroGym verður haldin á
Íslandi árið 2020. „Við settum okkur þetta
markmið að styðja í auknum mæli við fim-
leika fyrir alla og sóttum um að halda
EuroGym á Íslandi 2020 og fengum hana,“
segir Sólveig en hátíðin er einhver sú
stærsta sem haldin er fyrir ungt fólk í fim-
leikum. Sólveig segir að þarna gefist tæki-
færi til að vekja athygli á málefninu. „Von-
andi fara allir í gang núna og þarna getum
við uppskorið á fimm þúsund manna sýn-
ingarhátíð sem verður úti um alla Reykja-
vík,“ segir hún, en hátíðin er fyrir börn og
unglinga á aldrinum 12-18 ára.
„Í fimleikunum erum við mest að þjón-
usta ungt fólk og því er frábært að geta
boðið upp á þessa sýningu á okkar heima-
velli. Foreldrar og aðstandendur geta allir
tekið þátt og séð hvað þetta er stórkost-
legt. Þarna geta allir komið og blómstrað
á sínum eigin forsendum.“
Á EuroGym er engin keppni heldur
snýst hátíðin um sýningar og vinnubúðir.
„Við bjóðum upp á 40-50 vinnubúðir
þessa viku. Það verða sirkusvinnubúðir,
ratleikir, hipphopp, parkour, þrek og ýmis-
legt fleira.“
EuroGym er haldin á tveggja ára fresti
en í sumar fara 160 manns frá Íslandi á há-
tíðina í Liège í Belgíu.
Fimm þúsund manna sýningarhátíð
Sólveig byrjaði í fimleikum
þegar hún var átta ára gömul.
Áður hafði hún verið í ballett,
sem henni fannst gaman, en
hana vantaði aðeins meira fjör.
„Þetta endaði á því að ég
skráði mig sjálf og lærði að
taka strætó. Ég var svolítið
sjálfstæð ung kona,“ segir hún
og hlær.
Sólveig fann sig algjörlega í
íþróttinni. „Þetta var það
skemmtilegasta sem ég hafði á
ævinni gert. Félagið varð svo mikill hluti af
mér. Mér finnst svo mikilvægt að fólk upp-
lifi þessa tilfinningu að tilheyra, að vera
partur af einhverju,“ segir Sólveig, en upp-
eldisfélagið hennar var Gerpla en síðar var
hún í Stjörnunni í tíu ár. „Ég keppti í fim-
leikum þangað til ég varð ólétt 27 ára.“
Sólveig keppti fyrst í áhaldafimleikum
og segist þar hafa lært ákveðna baráttu og
sjálfstæði. Hún fór í hópfimleika 17 ára og
segist hafa haft gott af því. „Þá lærði ég að
vera liðsmaður, sem var það besta sem ég
gat lært,“ segir hún, en því tilheyrði m.a.
að berjast fyrir sameiginlegum hags-
munum.
Hún byrjaði að þjálfa sem aðstoðarþjálf-
ari 14-15 ára og tók smám saman meira
að sér. Nú er hún alþjóðlegur dómari og
hefur verið framkvæmdastjóri Fimleika-
sambands Íslands frá sumrinu 2015. Á
undan því hafði hún verið með landsliðs-
mál karla, kvenna og hópfimleika á sinni
könnu. Síðasta haust var hún síðan kosin í
stjórn evrópska fimleikasambandsins.
Sólveig er lengst til vinstri í neðri röð. Hún er hér með sigur-
liði Stjörnunnar á Íslandsmótinu í hópfimleikum árið 2001.
Það allra skemmtilegasta