Morgunblaðið - Sunnudagur - 03.06.2018, Síða 8

TILÞRIFAMIKILL Óhætt er að segja
að Michael Curry hafi stolið senunni í
brúðkaupinu. Bæði var predikun hans
óhefðbundin fyrir konunglegt breskt
brúðkaup og flutningurinn langt frá því
að vera það sem breski aðallinn á að
venjast.
Með iPadinn fyrir framan sig fór Curry
mikinn og upplestur hans var tilþrifamikill.
Í predikuninni, sem tók tæpar 14 mínútur,
vitnaði Curry m.a. í Martin Luther King
og bað áheyrendur að ímynda sér heim-
inn ef ástin fengi að ráða ferðinni. Bros-
andi sveiflaði hann hempunni og ruggaði
sér fram og aftur með svo miklum til-
þrifum að minnstu munaði að hann
næði að slökkva á kertunum sem stóðu
við hliðina á honum í predikunar-
stólnum.
AFP
Stal senunni
Curry fór mikinn
í ræðupúltinu.
Í PRÓFÍL
8 MORGUNBLAÐIÐ SUNNUDAGUR 3.6. 2018
MICHAEL BRUCE CURRY fæddist 13. mars 1953 í Chicago í Banda-
ríkjunum en ólst upp í Buffalo, New York. Hann er æðstur í ensku bisk-
upakirkjunni í Bandaríkjunum en segja má að hann hafi orðið heims-
þekktur þegar hann talaði í hinu konunglega brúðkaupi í Windsor á
dögunum þegar Harry prins og Meghan Markle voru gefin saman.
Foreldrar Currys voru afkomendur afrískra þræla sem voru fluttir til
Norður-Ameríku. Þau voru bæði heittrúuð en faðir hans var sókn-
arprestur við Episcopal-kirkjuna. Móðir Currys lést þegar hann og syst-
ir hans voru ung að aldri og ólust þau upp hjá föður sínum og ömmu
sem veittu systkinunum trúarlegt uppeldi. Faðir hans var ekki aðeins
guðrækinn og talsmaður trúarinnar heldur var hann einnig félagslegur
baráttumaður sem vildi bæta heiminn.
Curry var góður námsmaður og lauk meistaragráðu í guðfræði árið
1978. Hann hefur verið duglegur að bæta við menntun sína og hefur
hlotið margs konar viðurkenningar, bæði fyrir nám og störf.
Hann vígðist til djákna árið 1978 og til prests seinna sama ár. Hann
hefur starfað sem prestur víða um Bandaríkin en
var kjörinn yfirbiskup ensku biskupakirkjunnar í
nóvember árið 2015. Það voru merk tímamót í
sögu kirkjunnar þar sem Curry varð þar með
fyrsti blökkumaðurinn til að gegna því embætti.
Curry þykir mikill og magnaður ræðumaður og
er fullur eldmóðs en þó afslappaður og gam-
ansamur. Predikanir hans eru iðulega tilfinninga-
þrungnar, en hann kryddar þær gjarnan með smá
gríni og hversdagslegum sögum. Hann er virkur
þegar kemur að umræðu um félagslegt réttlæti
og málefni innflytjenda og er fylgjandi hjóna-
böndum samkynhneigðra. Auk þess hefur Curry
komið að ýmsum málum er snerta þá sem minna
mega sín og kom til að mynda að söfnun þar sem
margar milljónir dollara söfnuðust til styrktar fjölskyldum í fátækra-
hverfum.
Curry hefur gefið út þrjár bækur. Sú fyrsta kom út 2013 og ber nafn-
ið Crazy Christians: A Call to Follow Jesus. Árið 2015 gaf hann út
sjálfsævisöguna Songs My Grandma Sang og árið 2017 gaf hann út bók-
ina Following the Way of Jesus: Church’s Teachings in a Changing
World. Eiginkona hans, Sharon Curry, er organisti og kórstjóri og þau
eiga tvær dætur.
gudruno@mbl.is
Predikarinn
og bálið
Breski aðallinn átti líklega ekki von á eldræðu hins bandaríska biskups.
AFP
*
*DROP**’Curry,**DROP**þekkti brúð-hjónin ekki neitt fyrir
fram, lét Harry og Meg-
han hafa afrit af ræð-
unni viku fyrir stóra dag-
inn, en hann segist þó
AFP
EFTIRMINNILEG Predikun
Michaels Currys fékk flest tíst
á Twitter meðan á konunglega
brúðkaupinu stóð. Varð mörg-
um á orði að hún hefði staðið
upp úr í athöfninni og þáttar
Currys í brúðkaupinu yrði
minnst um ókomin ár.
Curry er sjálfur töluvert
virkur á samfélagsmiðlunum.
Hann er með tæplega 26 þús-
und fylgjendur á Instagram og
rúmlega 37 þúsund manns líkar
við síðuna hans á Facebook þar
sem m.a. hægt er að skoða
myndbönd með predikunum
hans.
Fékk flest
tístin
Ræða Currys fékk jafnvel meiri athygli en brúðarkjóllinn sjálfur.
AFP
SAMEINING Harry Bretaprins og Meghan
Markle báðu Curry að predika við brúðkaup sitt
19. maí síðastliðinn eftir að hafa ráðfært sig við
erkibiskupinn í Canterbury og prófastinn í St.
George-kapellunni. Sjálfur segist Curry ekki
hafa trúað því þegar haft var samband við hann;
hann hafi haldið að þetta væri gabb. Svo var þó
ekki.
Curry segir að predikun hans hafi verið inn-
blásin af þeirri tæru ást sem greinilega ríkir
milli þeirra Harrys og Meghan. Hann sagði
meðal annars að ást þeirra hefði verið svo kraft-
mikil að ekki einungis hefði fólk mætt á staðinn,
heldur hefði hún sameinað alla þessa mismun-
andi heima; m.a. ólík þjóðerni, mismunandi
trúarhefðir og fólk af öllum gerðum með fjöl-
breyttar stjórnmálaskoðanir. Curry, sem þekkti
brúðhjónin ekki neitt fyrirfram, lét Harry og
Meghan hafa afrit af ræðunni viku fyrir stóra
daginn, en hann segist þó hafa farið aðeins út
fyrir handritið. Öðruvísi sé ekki hægt að pre-
dika .
Engum dylst ástin á milli þeirra Meghan og Harrys.
Ástin var
innblásturinn
AFP
SÍGILDIR SUNNUDAGAR
Fyrsta flokks
kammertónlist
Sígildir sunnudagar eru klassísk
tónleikaröð þar sem boðið er upp
á fjölbreytt úrval kammertónleika.
Sunnudaga
kl. 17:00 í Hörpu