Morgunblaðið - 13.06.2018, Síða 30

MORGUNBLAÐIÐ MIÐVIKUDAGUR 13. JÚNÍ 2018
30
H-riðill PÓLLAND
H-riðill KÓLUMBÍA
Tomasz Wlodarczyk
Przeglad Sportowy
twitter.com/wlodar85
Pólland skoraði mikið af mörkum í
undankeppni heimsmeistaramótsins
en spilaði ekki góða vörn. Reyndar
er það svo að liðið fékk á sig flest
mörk allra þeirra þjóða sem unnu
sinn riðil í undankeppninni. Þetta er
ástæða þess að þjálfari liðsins, Adan
Nawalka, hefur einbeitt sér að varn-
arlínunni fyrir HM, rétt eins og hann
gerði fyrir EM 2016.
Pólland fékk bara á sig tvö mörk í
Frakklandi sem var það næst
minnsta í keppninni. Nawalka hefur
nýlega breytt kerfinu yfir í 3-4-3 úr
4-2-3-1 eða 4-4-2 sem hann notaði
mest áður. Hinn 60 ára gamli þjálfari
segir að bæði kerfin séu ennþá að-
alkerfi liðsins en það sé gott að hafa
sveigjanleika og að geta komið and-
stæðingnum á óvart. Hann hefur
notað nýja kerfið í fjórum síðustu
leikjunum og í heimsmeistarakeppn-
inni getur verið mjög hentugt að
geta skipt á milli leikkerfa.
„Við viljum prófa eitthvað nýtt og
hámarka eiginleika sumra leik-
manna,“ sagði Nawalka fyrir marka-
laust jafntefli við Úrúgvæ og 1:0 tap
fyrir Mexíkó í nóvember. „Við höfum
þegar notað þetta kerfi á æfingum
þannig að breytingin verður nátt-
úruleg. Hlutverkunum verður skipt
með þeim hætti að við getum skipt
frá því að hafa þrjá til baka yfir í
fjóra á meðan leiknum stendur.“
Hlutirnir fóru að ganga betur í mars
í 1:0 tapi fyrir Nígeríu og 3:2 sigri á
Suður Kóreu. Leikmennirnir voru
augljóslega öruggari, en það lítur
samt út fyrir að vinna þurfi meira í 3-
4-3.
Í markinu hefur Nawalko tvo góða
kosti í Wojciech Szczesny og Lukasz
Fabianski. Hvort sem hann spilar
með þriggja eða fjögurra manna
vörn eru þeir Kamil Glik og Michal
Pazdan góðir kostir í miðja vörnina.
Ef Pólland spilar með fjögurra
manna varnarlínu mun hægri bak-
varðarstaðan tilheyra Lukasz Piszc-
zek og Maciej Rybus mun spila
vinstra megin. Piszczek og Rybus
geta líka leyst kantbakvarðastöð-
urnar í 3-4-3 kerfinu.
Miðjan hefur verið ákveðinn haus-
verkur fyrir heimsmeistarakeppn-
ina. Í mörg ár hefur Pólland skort
leikmann sem getur búið til hluti á
miðsvæðinu og núna verður Piotr
Zielinski að sýna að hann geti veitt
samherjum sínum innblástur á
þessu stóra sviði. Zielinski getur
bæði spilað miðsvæðis með Grzegorz
Krychowiak, sem er í láni hjá WBA
frá París SG en hefur dalað eftir að
hafa staðið sig vel á EM 2016, eða
framar á vellinum sem einn af þrem-
ur sóknarmönnum fyrir aftan Ro-
bert Lewandowski.
Nýja kerfið hefur líka þurft að að-
lagast skorti á kantmönnum. Kamil
Grosicki er alltaf áreiðanlegur þegar
hann spilar fyrir landsliðið en annars
er úr litlu að moða. Jakub Blaszczy-
kowski er nýkominn til baka eftir
meiðsli og aðra skortir reynslu til að
vera í byrjunarliðinu í Rússlandi.
Við fyrstu sýn virðist árangur Pól-
lands liggja alfarið á herðum Lewon-
dowski, en lykillinn að velgengni á
HM gæti verið Arkadiusz Milik.
Framherjinn, sem spilar með Na-
poli, hefur komið sterkur til baka
eftir sín önnur krossbandsslit á ferl-
inum og ef hann spilar sinn besta
leik aukast möguleikar þeirra um-
talsvert. Pólverjar ættu einnig að
vera hættulegir í föstum leik-
atriðum: þeir skoruðu 12 mörk með
þeim hætti í 10 leikjum sem er mest
allra liða á HM. Þeir skoruðu einnig
fimm sinnum eftir skyndisóknir sem
er annar styrkleiki þeirra – aðeins
Spánn og Serbía gerðu betur á leið-
inni til Rússlands.
Líklegt byrjunarlið: Szczesny – Piszc-
zek, Glik, Pazdan, Rybus – Blaszczy-
kowski, Krychowiak, Zielinski,
Grosicki – Milik, Lewandowski.
Markverðir: 15 Kamil Glik Mónakó (Fra) ’88 16 Jakub Blaszczykowski Wolfsburg (Þýs) ’85
1 Wojciech Szczesny Juventus (Ít) ’90 18 Bartosz Bereszynski Sampdoria (Ít) ’92 17 Slawomir Peszko Lechia Gdansk ’85
12 Bartosz Bialkowski Ipswich (Eng) ’87 20 Lukasz Piszczek Dortmund (Þýs) ’85 19 Piotr Zielinski Napoli (Ít) ’94
22 Lukasz Fabianski Swansea (Wal) ’85 21 Rafal Kurzawa Gornik Zabrze ’93
Miðjumenn:
Varnarmenn: 6 Jacek Góralski Ludogorets (Búl) ’92 Sóknarmenn:
2 Michal Pazdan Legia Varsjá ’87 8 Karol Linetty Sampdoria (Ít) ’95 7 Arkadiusz Milik Napoli (Ít) ’94
3 Artur Jedrzejczyk Legia Varsjá ’87 10 Grzegorz Krychowiak WBA (Eng) ’90 9 Robert Lewandowski Bayern (Þýs) ’88
4 Thiago Cionek SPAL (Ít) ’86 11 Kamil Grosicki Hull (Eng) ’88 14 Lukasz Teodorczyk Anderlecht (Bel) ’91
5 Jan Bednarek Southampton (Eng) ’96 13 Maciej Rybus Lok.Moskva (Rús) ’89 23 Dawid Kownacki Sampdoria (Ít) ’97
Lið Póllands Þjálfari: Adam NawalkaSkora mikið
en verjast
ekki nógu vel
AFP
Pólland Robert Lewandowski er fyrirliði Pólverja og markahæsti
leikmaðurinn í sögu þeirra með 53 mörk í 94 landsleikjum.
 Nawalka þjálfari Pólverja einbeitir
sér að því að styrkja varnarlínuna
Camilo Manrique V
El Tiempo
twitter.com/camilomanriquev
Kólumbía breytti alfarið um leikkerfi
þegar Radamel Falcao meiddist árið
2014. José Pékerman, þjálfari liðsins
ákvað að stilla upp í 4-2-3-1 í Brasilíu
þar sem liðið fór alla leið í átta liða úr-
slit keppninnar.
Kólumbíumenn héldu sig áfram við
þetta kerfi í undankeppninni fyrir
HM í Rússlandi. Þeir hafa hins vegar
stundum stillt upp í 4-3-2-1 þar sem
þjálfarinn hefur notast við þrjá
sterka miðjumenn.
Treystir mikið á bakverðina
Liðið treystir mikið á að bakverð-
irnir komu boltanum á fremstu menn.
Sterkustu leikmenn liðsins, hægra
megin á vellinum eru þeir Santiago
Arias, bakvörður, og Juan Cuadrado.
Margir leikmenn hafa fengið tæki-
færi vinstra megin á vellinum en
þjálfarinn hefur treyst mest á bak-
vörðinn Frank Fabra og Edwin Car-
dona. Liðið hefur hins vegar verið í
ákveðnum vandræðum líka, sér-
staklega varnarlega.
Carlos Sánchez er algjör lyk-
ilmaður á miðjunni hjá Kólumbíu.
Eitt af hans helstu hlutverkum hefur
verið að taka sér stöðu á milli mið-
varðanna, þegar liðið er að sækja. Pé-
kerman hefur oftast stillt Abel Aguil-
ar upp á miðjunni með Sánchez, en
Aguilar er leikmaður sem getur bæði
sótt og varist. Mateus Uribe, Jeffer-
son Lerma og Wílmar Barrios koma
líka til greina á miðsvæðið með Sánc-
hez.
James Rodríguez
stjórnar sóknarleiknum
James Rodríguez er sá leikmaður
sem stýrir sóknarleik liðsins. Sókn-
arleikur liðsins fer í gegnum hann og
þá getur hann unnið leiki upp á sitt
eindæmi með einni sendingu eða
marki. Leikmaður Bayern München
er í frjálsu hlutverki fyrir aftan fram-
herjann þótt hann bakki vissulega
stundum og hjálpi til við varnarleik-
inn. Leikur liðsins snýst að mörgu
leyti um hann og ef hann á ekki góðan
dag eða verður of þreyttur, þá er lítil
ógn í sóknarleiknum.
Framherjastaðan hefur flakkað á
milli manna síðan árið 2014. Teófilo
Gutiérrez leysti stöðuna fyrst en í dag
muna fáir eftir honum. Carlos Bacca
hefur átt góða leiki og slæma. Falcao
hefur snúið aftur og hann er helsti
markaskorari liðsins. Ef liðið ætlar
sér stóra hluti í Rússlandi þarf Falcao
að skora mörkin og það veltur því
mikið á því, hvort framherjinn verði í
stuði í sumar.
Líklegt byrjunarlið: Ospina – Arias,
Dávinson Sánchez, Mina, Fabra –
Carlos Sánchez, Aguilar – Cuadrado,
Rodríguez, Uribe – Falcao.
Markverðir: 17 Johan Mojica Girona (Sp) ’92 15 Mateus Uribe América (Mex) ’91
1 David Ospina Arsenal (Eng) ’88 18 Frank Fabra Boca Juniors (Arg) ’91 16 Jefferson Lerma Levante (Sp) ’94
12 Camilo Vargas Deportivo Cali ’89 23 Davinson Sánchez Tottenham (Eng) ’96 20 Juan Quintero River Plate (Arg) ’93
22 José Cuadrado Once Caldas ’85
Miðjumenn: Sóknarmenn:
Varnarmenn: 5 Wílmar Barrios Boca Juniors (Arg) ’93 7 Carlos Bacca Villarreal (Sp) ’86
2 Cristián Zapata Milan (Ít) ’86 6 Carlos Sánchez Espanyol (Sp) ’86 9 Radamel Falcao, Mónakó (Fra) ’86
3 Óscar Murillo Pachuca (Mex) ’88 8 Abel Aguilar Deportivo Cali ’89 14 Luis Muriel Sevilla (Sp) ’91
4 Santiago Arias PSV (Holl) ’92 10 James Rodríguez Bayern (Þýs) ’91 19 Miguel Borja Palmeiras (Bra) ’93
13 Yerry Mina Barcelona (Sp) ’94 11 Juan Cuadrado Juventus (Ít) ’88 21 José Izquierdo Brighton (Eng) ’92
Lið Kólumbíu Þjálfari: José Pékerman ArgentínuFalcao og
James þurfa
að spila vel
AFP
Kólumbía James Rodríguez og Radamel Falcao ræða málin við José Pékerman þjálfara kólumbíska liðsins.
 Leikur Kólumbíumanna snýst að
miklu leyti í kringum James Rodríguez