Morgunblaðið - 27.06.2018, Qupperneq 20

20 UMRÆÐAN
MORGUNBLAÐIÐ MIÐVIKUDAGUR 27. JÚNÍ 2018
Mig langar að þakka Völu Garðars-
dóttur fornleifafræðingi fyrir grein
hennar í Morgunblaðinu 21. júní.
Greinin fjallar um vanþekkingu á og
jafnvel fordóma fyrir víkingum forn-
aldar.
Svala Magnúsdóttir.
Velvakandi Svarað í síma 569-
1100 frá kl. 10-12 velvakandi@mbl.is
Þakkir fyrir
góða grein
Á sjó Víkingar voru ekki alslæmir.
KrakkaRÚV var
sett á laggirnar í októ-
ber árið 2015. Síðan
þá höfum við fengið að
vinna með ungum
snillingum af landinu
öllu sem hafa fengið
okkur til að hlæja, tár-
ast, undrast, gleðjast
og allt þar á milli. Með
hnyttnum tilsvörum,
óvæntum hæfileikum,
hugmyndaauðgi, já-
kvæðni og gleði hafa krakkar sýnt
okkur að það er svo sannarlega
óhætt að horfa björtum augum til
framtíðar. Við höfum einnig átt í
frábæru samstarfi við fólk og stofn-
anir út um allt land og sjáum mikil
tækifæri í enn meiri samvinnu.
#krakkargeta
Frá upphafi hefur leiðarljós okk-
ar hjá KrakkaRÚV verið
#krakkargeta. Við vildum skapa
vettvang sem hvetur börn til að
veita fjölbreyttum hugmyndum sín-
um og snilligáfu athygli og að þau
öðlist skilning á því að innra með
þeim búa ótrúleg verðmæti sem
geta breytt heiminum. Það má vel
færa rök fyrir því að börnin séu
framtíðin, eins og Whitney söng, en
krakkar búa víst í nútíðinni, líkt og
við hin. Við viljum að þau blómstri í
dag. Það er kjarninn í starfi
KrakkaRÚV. Við erum þakklát fyr-
ir þær frábæru viðtökur sem við
höfum fengið og keppumst við það
á hverjum einasta degi að gera
þjónustuna enn betri.
Frábært starf um allt land
Það eru ekki eingöngu krakk-
arnir sem hafa veitt okkur inn-
blástur. Um allt land er unnið frá-
bært og fjölbreytt starf í þágu
barna. Maður fyllist miklum eld-
móði við að upplifa kraftinn, dugn-
aðinn og það hugsjónastarf sem fer
fram svo víða. Hver kannast ekki
við starfsmanninn á félagsmiðstöð-
inni sem vakir alla nóttina til þess
að söngvakeppnin verði sem flott-
ust fyrir krakkana? Hver kannast
ekki við kennarann sem eyðir allri
helginni í að undirbúa leikritið með
krökkunum? Hver kannast ekki við
starfsmanninn sem leggur alltaf að-
eins meira á sig en hann þarf, bara
vegna þess að hann vill það besta
fyrir krakkana?
Við hjá KrakkaRÚV könnumst
vel við þetta fólk. Það hefur verið
ómetanlegt fyrir okkur að fá tæki-
færi til að vinna með þessum snill-
ingum og læra af þeim.
Árangursrík samvinna
Í nýrri stefnu RÚV er mikil
áhersla lögð á samstarf og frá upp-
hafi hefur Krakka-
RÚV tekið fagnandi
öllum hugmyndum um
samvinnu og jafnvel
leitað uppi spennandi
samstarfstækifæri.
Gott dæmi um árang-
ursríkt samstarfsverk-
efni er Kóðinn, forrit-
unarkennsla fyrir
krakka. Verkefnið var
valið eitt af sprota-
verkefnum ársins hjá
EBU og vakti eftirtekt
um alla Evrópu. Það
vakti mikla eftirtekt
hve víðtækt samstarfið var, en að
verkefninu stóðu RÚV, mennta- og
menningarmálaráðuneytið, Mennta-
málastofnun, Samtök iðnaðarins,
ásamt fjölmörgum upplýsinga-
tæknifyrirtækjum.
Önnur gjöful samstarfsverkefni
sem nefna má eru Krakkakosn-
ingar í samstarfi við umboðsmann
barna, Ungir fréttamenn í sam-
starfi við Barnamenningarhátíð í
Reykjavík, Tíkallinn í samstarfi við
Stofnun um fjármálalæsi, Sögubolt-
inn í samstarfi við mennta- og
menningarmálaráðuneytið, Umferð-
arfræðsla í samstarfi við Sam-
göngustofu, Umhverfisfræðsla í
samstarfi við Umhverfisstofnun og
loks Sögur, verðlaunahátíð
barnanna. Það er því á hreinu að
samstarfsverkefnin hafa verið gjöf-
ul og hjálpað okkur að ná mark-
miðum okkar.
Sögur, verðlaunahátíð
barnanna
22. apríl síðastliðinn voru Sögur,
verðlaunahátíð barnanna, haldnar í
Eldborgarsal Hörpu. Á þessum
stórviðburði verðlaunuðu börn það
sem stóð upp úr í menningarlífinu
um leið og skapandi krakkar hlutu
viðurkenningar. Í tengslum við
verkefnið var framleidd sjónvarps-
þáttaröð um skapandi skrif, fjórar
ritsmíðasamkeppnir voru haldnar,
bókaormaráð KrakkaRÚV var
stofnað, átta stuttmyndir eftir
krakka voru framleiddar af fagfólki,
rafbók með smásögum var gefin út
af Menntamálastofnun og Borgar-
leikhúsið hyggst setja upp tvö leik-
verk eftir krakka á næsta leikári.
Skoðanir barna og sköpunarverk
þeirra voru sett í fyrsta sæti.
Hátíðin sló algjörlega í gegn en
hefði aldrei orðið að veruleika ef
ekki hefði verið fyrir þetta frábæra
samstarf ólíkra stofnana sem leyfðu
sér að setja markið hátt og ná í
leiðinni þremur sameiginlegum
markmiðum:
1) að auka lestur barna
2) að upphefja barnamenningu
3) að hvetja börn til skapandi
verka.
Nú þegar er hafin vinna við að
endurtaka leikinn á næsta ári og
við hlökkum mikið til að þróa verk-
efnið áfram.
Samstarfið um UngRÚV
Nú er í bígerð samstarfssamn-
ingur á milli RÚV og skóla- og frí-
stundasviðs Reykjavíkurborgar um
UngRÚV, vefsjónvarp fyrir ung-
linga. Þar fá dagskrárgerðarmenn
framtíðarinnar tækifæri til að láta
ljós sitt skína en hjá UngRÚV er
allt efni framleitt af unglingum í 8.,
9. og 10. bekk. Ungmennaráð sér
um að móta þjónustuna í samstarfi
við starfsfólk RÚV og fá tækni-
menn og dagskrárgerðarmenn
kennslu í framleiðslu vandaðs sjón-
varpsefnis. UngRÚV leggur
áherslu á fjölbreytileika, styður við
unglingalýðræði og er vettvangur
fyrir raddir unglinga í íslensku
samfélagi. Það er spennandi að
fylgjast með því hvað gerist þegar
ungmenni, sem hafa alist upp við að
deila myndbandsupptökum og hafa
náð ótrúlegri hæfni í myndmiðlun á
unga aldri, fá sinn eigin íslenska
miðil.
Náum við meiri
árangri saman?
Í nýlegri viðhorfskönnun á veg-
um RÚV kemur fram að mikil
ánægja er með störf KrakkaRÚV
og að meira en 80% heimila nýta
sér þjónustu þess. Eins og áður
sagði, þá erum við mjög þakklát
fyrir þessar móttökur, en við erum
einnig þakklát fyrir þetta gjöfula
samstarf sem við höfum átt við
stofnanir út um allt land. Við höfum
styrkt fjölmörg verkefni með þátt-
töku okkar og á sama tíma náð okk-
ar eigin markmiðum betur.
Og talandi um frábæra samvinnu.
Við getum lært ótal margt af ís-
lenska karlalandsliðinu í fótbolta.
Það hefur náð undraverðum ár-
angri sem þakka má skýrri framtíð-
arsýn og samhentu átaki út um allt
land. Þar var markmiðið skýrt: að
verða betri í fótbolta. Getum við
lært eitthvað af árangri landsliðsins
þegar kemur að menntun og barna-
menningu? Er liðsheildin kannski
sterkasta vopnið? Náum við meiri
árangri saman?
Gerum eitthvað einstakt
Í október efnum við til málþings í
Útvarpshúsinu og ræðum við fólk
sem vinnur að menntun og barna-
menningu hér á landi og fáum til
okkar frábæra erlenda gesti sem
munu miðla sinni reynslu. Við mun-
um einnig beina sjónum okkar að
hlutverki fjölmiðla gagnvart unga
fólkinu og hvernig miðlun til þeirra
er að þróast. Við vonumst til að
þessi vettvangur skapi ný tækifæri
til gjöfuls samstarfs á sviði barna-
menningar og menntunar. Tæki-
færin eru svo sannarlega til staðar.
Vonandi sjáum við ykkur sem
flest í október. Gerum eitthvað ein-
stakt!
Er liðsheildin sterkasta vopnið?
Eftir Sindra Berg-
mann Þórarinsson
» Á þessum stór-
viðburði verðlaun-
uðu börn það sem stóð
upp úr í menningarlífinu
um leið og skapandi
krakkar hlutu viður-
kenningar.
Sindri Bergmann
Þórarinsson
Höfundur er KrakkaRÚV-stjóri.
Um tíma hafa staðið
yfir tilraunir með
styttingu vinnutíma
hjá starfsmönnum
Reykjavíkurborgar.
Einnig stendur nú til
að skoða styttingu
vinnutíma hjá vakta-
vinnustöðum ríkisins –
tilrunaverkefni ríkis-
ins og BSRB.
Vaktavinnufólk spítalanna er ekki
hjá BSRB að undanskildum sjúkra-
liðum og er því ekki hluti af þessu
tilraunaverkefni. Sjúkraliðar vinna
flestir á heilbrigðisstofnunum eða á
hjúkrunarheimilum og lenda því ekki
heldur í þessu tilraunaverkefni.
Hvernig væri að skoða styttingu
vinnutíma hjá heilbrigðisstarfsfólki?
Heilbrigðisstarfsfólk vinnur oft ekki
aðeins mjög langan vinnudag heldur
líka helgar, kvöld, nætur og alla aðra
daga sem aðrir eiga frí. Þetta fólk er
kallað út í tíma og ótíma. Ekki nægir
að heilbrigðisstarfsmenn vinni
venjulegan átta tíma dag heldur er
mjög gjarnan bætt við einhvers kon-
ar stubb-vakt og er þá vaktin lengd
um fjóra til fimm tíma.
Heilbrigðisstarfsfólk er
einnig kallað út á vakt
úr fríi þegar ekki tekst
að manna vaktir. Það
virðast allir horfa fram
hjá því að líklega vinna
fáir eða engir hér á
landi neitt í líkingu við
heilbrigðisstarfsfólk en
samt er endalaust talað
um styttingu vinnutíma
annarra. Ég held að við
ættum fremur að reyna að stytta
vinnutíma þeirra sem vinna mest og
undir mesta álaginu. Gott dæmi er
til að mynda ljósmæður sem nú eiga
í kjarabaráttu.
Píratar tala jafnvel fyrir launum
fyrir alla – einhvers konar lág-
markslaunum án nokkurs vinnu-
framlags – og eru þeir þá ekki að
tala þar um atvinnulaust fólk. Ef við
höfum ekki efni á að borga heil-
brigðisstarfsfólki sem vinnur
myrkranna á milli held ég að við
höfum ekki efni á að borga fólki sem
ekki nennir að vinna.
Það er alveg óviðunandi að skoða
aðeins styttingu vinnuviku hjá fólki
sem vinnur venjulega vinnu og ekk-
ert í líkingu við til dæmis starfs-
fólkið á sjúkrahúsum landsins. Er
ég samt alls ekki að gera lítið úr
störfum fólks því auðvitað eru fleiri
störf nauðsynleg önnur en þess
fólks sem hér um ræðir. Ekki er
heldur komin lausn á því hvernig
manna á tvöfaldar vaktir leikskóla
og skóla ef starfsfólk þessara stofn-
ana styttir allt vinnutímann. Ein-
hvers staðar þurfa börn starfs-
manna sjúkrahúsanna að vera á
meðan pabbi og mamma eru í
vinnunni. Ömmur og afar eru gjarn-
an þau sem bjarga málunum hjá
heilbrigðisstarfsfólki. Ekki nema
heilbrigðisstarfsmenn fari bara allir
í hálfa vinnu. Hvað gera heilbrigðis-
stofnanir þá?
Ég hef í sjálfu sér ekkert á móti
því að fólk hér á landi minnki vinnu
og haldi launum en það væri þá
kannski best að hugsa málið alveg
til enda. Ekki ætlumst við til þess að
vinnutími styttist hjá öllum öðrum
en heilbrigðisstarfsmönnum því
hvar ætlum við að finna viðbótar-
starfsfólkið í þeirri stétt?
Kveðja til ykkar allra sem ekki
eruð mér sammála og til hinna líka.
Hverjir eiga skilið
styttri vinnuviku?
Eftir Þórdísi G.
Stephensen
Þórdís Stephensen
» Líklega vinna fáir
eða engir hér á landi
neitt í líkingu við heil-
brigðisstarfsfólk.
Höfundur er skrifstofumaður.
Allt um
sjávarútveg