Breiðfirðingur - 01.04.1990, Page 35

SKARÐVERJAR
33
Barnalán Narfa var líka einstakt, svo að fáar eða engar hlið-
stæður eru í landssögunni. Þrír synir hans urðu lögmenn sem
þá var æðsta veraldlega embættið á íslandi. Tveir þessara
lögmanna bjuggu á Skarði. Nokkur grein er gerð fyrir þeim
bræðrum í Árna sögu biskups.16
Pórður Narfason var í Fagradal hjá Sturlu lögmanni Pórð-
arsyni veturinn 1271 til 1272.17 Þórður bjó á Skarði um 1280.
Hann var lögmaður 1296-1297 og 1300 og dó samkvæmt
ártíðaskrám 12. maí 1308.18 Ekki er kunnugt um kvonfang
hans eða afkomendur.
Á dögum Þórðar Narfasonar á Skarði var þar sett saman
samsteypuritið Sturlunga, en því er skeytt saman úr mörgum
eldri sögum með úrfellingum og viðaukum. Einn merkasti
viðaukinn er þáttur af Geirmundi heljarskinn fremst í Sturl-
ungu og í litlum tengslum við annað efni hennar. í þættinum
er sagt frá Geirmundi landnámsmanni á Geirmundarstöðum
og þar er sögnin um Ijós yfir reynilundi, þar sem kirkjan á
Skarði var reist. Stærsta sagan í Sturlungu er íslendinga saga
Sturlu Þórðarsonar, en hann setti einnig saman Sturlubók
Landnámu. Mig hefur lengi undrað, hve miklu minna er gert
úr veldi Geirmundar í þættinum af honum en gert er í
Sturlubók Landnámu, og kann ég engar skýringar á því.
Snorri Narfason bróðir Þórðar virðist hafa flutt að Skarði
eftir lát bróður síns. Áður hafði hann verið austur í Árnes-
sýslu, og var ástæðan sú að hann hafði kvongast suður um
heiði. Snorri var lögmaður 1316-1319 og 1320-1330. Snorri
andaðist 9. mars 1331 eða 1332.19 Um 1327 vígir Jón Hall-
dórsson biskup í Skálholti kirkju á Skarði og leggja þau
Snorri lögmaður og Þóra húsfreyja kirkjunni til 10 hundruð
í sæmilegum gripum.20
Ormur Snorrason var sonur Snorra lögmanns. Hann var
einnig lögmaður nokkur ár upp úr 1360 og aftur 1374-75.
Ormur var hirðstjóri 1366-1368, en hirðstjórar báru ábyrgð
á stjórn landsins, innheimtu konungstekna og höfðu eftirlit
með sýslumönnum og verslun. Ormur var í Grundarbardaga
1361 eða 1362. Hann var í því liði sem fór norður í Eyjafjörð