Stjarnan - 01.12.1932, Qupperneq 16

Hversvegna kom Jesús í heiminn ?
Margir, sem efast um guðdóm Krists hafa beint að oss þessari spurningu, en
einungis Ritningin getur svaraÖ henni. Fyrst og frernst kom hann til að frelsa lýð
sinn frá synd. Matt. i :2i. Maðurinn hafði selt sjálfan sig og alt, sem Guð hafði
fengið honum í hendur og ekkert fengið í aðra hönd. Jes. 52 :3- Og þótt hann
gjarnan vildi það, var maðurinn ekki fær um að endurleysa sjálfan sig af eigin
rammleik og ekki heldur jörðina, sem hann hafði afhent sálnamorðingjanum mikla.
Einhver, sem var óvininum yfirsterkari varð að koma manninum til hjálpar. Jes.
49:24,25. Jesús frá Nazaret—ljónið af Júda ættkvísl—mætti þessum rammeflda
og kæna erki-óvini mannanna í einvígi á eyðimörkinni, þar sem myrkrahöf ðinginn,
eftir að hafa freistað Frelsarans í f jörutíu daga, beið smánarlegan ósigur.
Jesús mætti honum aftur í grasgarðinum, þar sem Frelsarinn í mannsmvnd
glímdi við þennan mikla hardaga-engil þangað til að sviti hans féll sem blóðdropar
á jörðina. í sálarangist sinni hrópaði Jesús til Föður síns: “Faðir minn, ef mögu-
legt er, þá fari þessi bikar framhjá mér; þó ekki sem eg vil, heldur sem þú vilt.”
Matt. 26:2g. Einu sinni enn varð óvinurinn að hopa á hæl, og engill birtist Jesú, til
þess að styrkja hann. Lúk. 22 :43- Og þótt þessi mikli uppreistar-engill fylkti öllu
liði sínu—hinum föllnu englum, Júdasi og þjónum prestanna, æðsta prestinum,
Pílatusi, Gyðinga skrílnum og rómverska herliðinu—þá gekk Jesús samt sem áður
sigrihrósandi frá þeirri viðureign. Hvort sem menn skilja það eða ekki, þá var það
hið mesta stríð, sem nokkurntíma hefir verið háð á þessari jörðu, því að aldrei
hefir verið teflt um eins mikið og þá.
Með þessum sigri útvegaði Jesús oss tækifæri til að öðlast sonarrétt hjá Guði,
ef vér aðeins veitum Jesú viðtöku sem persónulegum Frelsara frá synd. Aldrei
hefir kall hans hljómað eins hátt og vitt í heiminum og einmitt nú. Vinur, Jesús'
kom í heiminn til að leita að hinum týndu sonum og dætrum Adams og Evu. Þú
og eg, kæri lesari, vorum týndir. Við höfum villst svo langt í burtu frá föðurhús-
unum að okkur var ókleift að rata heim aftur; en nú hljómar í kærleiksrómi kall
hans: “Komið til mín allir þér, sem erfiðið og þunga eruð hlaðnir, og eg mun
veita yður hvíld. Takið á yður mitt ok og lærið af mér, því að eg er hógvær og af
hjarta lítillátur, og þá skuluð þér finna sálum yðar hvíld; því að mitt ok er inn-
dælt og mín byrði létt.” Matt. 11:28-30.
Lífið er orðið mörgum býsna þungt og erfitt á. þessum alvarlegu tímum.
Hversvegna ekki koma til Frelsarans, til þess að hann létti byrðina á herðum okkar.
Honum er gefið alt vald á himni og jörðu, svo að hann er nógu öflugur til að bera
hvaða andlega og líkamlega byrði, sem kynni að kúga okkur niður í vonleysi og ör-
væntingu. Hlustið á hinn örvandi boðskap Frelsarans: “Þetta hefi eg talað til
yðar, til þess. að þér hafið frið í mér. í heiminum hafið þér þrenging, en verið
hughraustir, eg hefi sigrað heiminn.” Jóh. 16:33. Eigum við ekki á þessari hátíð,
sem nú fer í hönd, að vígja líf okkar og krafta honum, til þess að hann geti veitt
okkur sannan frið og örugga von um eilíft líf.—D. G.