Stjarnan - 01.03.1936, Blaðsíða 7
23
STJARNAN
Á8ur en þau gengu til hvílu féllu foreldr-
arnir og litli drengurinn á kné, og lögöu þörf
sína fram fyrir föðurinn á himnum, og beiddu
hann aÖ senda sér hjálp á hvern hátt sem hann
sæi bezt. Svo fóru þau öll áð sofa.
Snemma næsta morgun þegar konan opnaði
bakdyrnar, stóð fullur mjölpoki rétt fyrir utan
hurðina; það' var ioo punda poki af hinu svo-
nefnda “Five Roses Flour.” Það hafði snjóaÖ
um nóttina svo engin för sáust og snjór var
einnig á pokanum.
Þótt þau hefuð beðiÖ Guð um mjöl, þá
datt þeim nú í hug aÖ pokinn hefði verið skilinn
þar eftir í misgripum. Mr. B— fór til verzl-
unarmanna í þorpinu, til að vita hvort þeir
hefðu sent mjölið, en enginn kannaðist við það.
“Jæja,” sagði hann þegar hann kom heim
aftur, “við skulum nota mjölið, ef við fréttum
seinna hver átti það þá skulum við borga fyrir
það.” Mjölið var notað og brauðið var gott á
bragðið.
Þau spurðu sig fyrir meðal allra nágranna
sinna, til að reyna að vita hver hefði sent mjöl-
iÖ. Það eru nú liðin mörg ár síðan, en ennþá
hafa þau ekki fundið neinn, sem vissi hvaðan
mjölið kom. En þó þau hafi ekki fundið af-
greiðslumanninn þá vita þau þó að Guð sendi
þeim mjölið sem svar upp á bæn þeirra.—Udv.
Livingátone og Ijónið
Gefstu aldrei upp. Hinn nafnkunni trúboði
og uppgötvari, David 'Livingstone, mætti einu
sinni manni, sem hafði liðið svo mikið hatur og
ofsóknir fyrir trú sína, að hann var nú freist-
aður til að gefast upp.
“Gefast upp,” sagði Livingstone, “enginn,
sem hefir Guð sín megin þarf nokkurn tíma að
hugsa slikt.” Svo sýndi hann manninum nokk_
ur ör á handlegg sínum og sagði honum eftir-
fylgjandi sögu:
“Negraþorp nokkurt var ásótt af ljóni einu
sem gjörði þar mikinn skaða. Eg ásetti mér
að hjálpa vesalings fólkinu og tók nokkra negra
með mér til að reka ljónið í burtu, svo skaut eg
á það, en því miður særði skotið en drap ekki
ljónið, svo það réðist á mig. Negrarnir flýðu.
Frá mannlegu sjónarmiði var úti um mig, ekk-
ert framundan nema kvalafullur dauði.
Rétt í þessu hreyfði einn negrinn sig eins
og hann ætlaði að skjóta á ljónið, svo það
hljóp á eftir honum og öðrum, sem varði sig
með spjóti, af þessari áreynslu varð ljónið svo
máttíaust af blóðmmissi, að það féll til jarðar
og dó, en eg var frelsaður. Eg veit að maður
getur legið rétt undir ljónskjaftinum án þess
að þurfa að farast. Guð getur frelsað mann
jafnvel undir þeim kringumstæðum.”
Einhversstaðar er talað um óvin, sem geng-
ur í kring eins og grenjandi ljón, leitandi
þeirra er hann geti gleypt. Elf þú ætlar að
mæta honum í þínum eigin krafti, þá getur þú
ekki staðist, þrátt fyrir þinn bezta vilja. En
Jesús hefir bæði vilja og mátt til að frelsa þig
frá valdi satans og syndarinnar, og fylla með
fögnuði og friði hjarta þitt, sem nú stynur
undir byrði syndanna. Jesús getur frelsað þig
frá hinum þyngstu freistingum, frá hinum
voldugustu óvinum. Spurningin er aðeins
hvort þú vilt leyfa honum að frelsa þig. Hann
vill hjálpa þér og gefa þér fögnuð og frelsi
Guðs barna, svo þú getir sigrað í öllum erfið-
leikum og stríði lífsins.
E. S.
Prédikun barnsins
Lítil stúlka 6 ára gömui var dáin og for-
eldarnir sátu grátandi hjá líki hennar. Stein-
smiður nokkur kom inn til þeirra og bað um
að mega sjá andlit litlu stúlkunnar. Foreldr-
arnir hikuðu við, en hann bað svo innilega að
þau leyfðu honum það. Tárin runnu niður
kinnar hans er hann horfði á barnið og hann
sagði við foreldrana: “Yður furðar að eg skulj
gráta, en Guð hefir snortið hjarta mitt gegn
um áhrif þessa blessaða barns. Einn dag þegar
eg kom niður háan stiga, þar sem hún stóð rétt
hjá spurði hún mig hvort eg væri ekki hræddur
við að fara svona hátt upp. En hún svaraði
strax sjálf og sagði: “Nú veit eg af hverju
þú ert ekki hræddur, þú hefir beðið til Guðs
að varðveita þig áður en þú fórst upp.” Eg
hafði ekki gjört það, en síðan hefi eg aldrei
vanrækt að byrja daginn með bæn til Guðs.”
“Gleðjið yður ávalt í Drotni og enn aftur
segi eg, gleðjið yður.” Hin æðsta liamingja
lífsins liggur í því að gjöra aðra hamingjusama.
Tækifærið til að öðlast þessa hamingju liggur
opið fýrir öllum eins vel fátækum eins og rík-
um. Reynið og sjáið hvort ekki er svo.