Stjarnan - 01.11.1936, Blaðsíða 8
96
STJÁRNAN
Smávegis
Kína hef ir 80,000 mílur af góÖum steinlögÖ.
um þjóðvegum. Síðan lokið var við að leggja
750 mílna járnbrautina frá Hankow til Canton,
þá er hægt að ferðast alla leið frá Hong Kong
eða Canton í Kína til París á Frakklandi með
járnbraut.
Eftir heztu skýrslum, sem fengist hafa dóu
140,771 úr krabbameini í heiminum árið sem
leið, en aðeins 75,000 manns úr tæringu.
ítalir segja að Etíópía hafi framleitt 75,000
dollara virði af gulli á mánuði síðan stríðinU
linti.
Eftir janúar 1937, verður ekkert kenslu-
gjald heimtað fyrir nemendur í barnaskólum
og miðskólum í Mexico. Þessi lagafyrirmæli
gjöra stórkostlega breytingu á fræðslumálum
landsins.
í meir en hálfa öld hefir þorpið Sherrapunji
á Khasi hæðunum í Assam fengið orð fyrir
að hafa meira regnfall heldur en nokkurt annað
pláss í heimi. Regnfallið þar á veðurstöðinni
hefir verið 428 þumlungar á ári.
1089 manns druknaði í Canada árið sem
leið samkvæmt skýrslum félagsins til hindrunar
slysum. f 10 undanfarin ár hefir talist svo til
að einn maður druknaði á degi hverjum i
Ontario.
Nebraska, Ohio, Florida og Wisconsin eru
hin einustu ríki í Bandaríkjunum sem eru skuld.
laus. Lög þessara ríkja hafa forðað þeim frá
ógæfu, sem skuldirnar hafa í för með sér.
Nebraska á 21 miljón dollara í ríkissjóði.
Eg legg umslag til Stjörnunnar innan í blað.
ið til þín, kæri vinur. Ef þú hefir ekki þegar
borgað blaðið fyrir yfirstandandi ár, þá gjörðu
svo vel að senda mér dollar innan í umslaginu
við fyrstu hentugleika. Með því léttir þú mér
svo mikið erfiði og áhyggjur. Minstu þess að
það er talsvert léttara fyrir hvern einstakling
að útvega einn dollar, heldur en fyrir mig að
leggja fram 1 til 200 dollara, sem eg alls ekki
hefi til. Hjartans þakklæti fyrir samvizkusemi
og góð skil.
STJARNAN kemur út einu sinni á mán-
uði. Verð: $1.00 á ári. Borgist fyrirfram.
Útgeferidur: The Canadian Union Con-
ference of S.D.A., 209 Birks Bldg. Wpeg.
Ritstjórn og afgreiðslu annast
MISS S. JOHNSON, Lundar, Man., Can.
Draumur skósmiðsins
Fátækur skósmiður sagði oft bæði við
sjálfan sig og aðra, að ef hann aðeins væri rík-
ur, þá skyldi hann sýna hve mikið gott hann
gæti gjört.
Svo dreymdi hann eina nótt að hann sá
stóran hlaða af skínandi nýjum silfurpening-
um. Og rödd ein sagði við hann: “Nú hefir
þú tækifærið. Nú ert þú orðinn ríkur, sýndu
nú gjafmildi þína.”
Hann stóð upp og gekk að silfurhlaðanum
í þeim tilgangi að nota þá til velgjörðasemi. En
hlaðinn var svo fallegur að hann gat ekki feng-
ið af sér að gjöra skarð í 'hann. Svo gekk hann
alt í kring um hlaðann, en fann hvergi pláss,
sem hann gæti tekið pening úr honum án þess
að skemma útlit hans, svo hann ásetti sér að
snerta hann ekki.
Svo vaknaði hann og hafði þá dálítið betri
þekkingu á sjálfum sér, heldur en hann hafði
haft áður en hann sofnaði. B. S.
Þeir, sem kunnugir eru málinu, segja að
flestir glæpir, sem framdir hafa verið síðast-
liðin tíu ár, hafi verið framdir af unglingum
innan 21 árs aldurs. Þetta er sorglegra en svo
að með orðum verði lýst. En getur nokkur
furðað sig á þessu, þegar maður athugar að
hið eina, sem lesið er, að heita má, á mörgum
heimilum eru dagblöðin, með allskonar glæpa-
sögum, og svo er rætt um slík mál í áheyrn
barnanna. Unglingar og börn fá leyfi til að
fara á íeikhús og horfa á leiki, sem spilla hug-
arfari og siðferði þeirra. Svo leika þau glæpa.
menn sín á milli, og sjá ekkert rangt við það.
“En það sem maðurinn sáir, það mun hann og
uppskera.” Hið sorglegasta er, að vanræksla
og kæruleysi vor fullorðna fólksins, verða til
þess að leiða afvega blessuð saklausu, óreyndu
börnin og unglingana. Það verður þungur
reikningsskapur að mæta frammi fyrir dómara
alls holds, biðjum hann auðmjúklega að fyrir-
gefa oss, og gjörum svo alt sem i voru valdi
stendur að leiða þá ungu til frelsarans.
5. /.
N. Johnson.