Stjarnan - 01.12.1949, Qupperneq 1

STJARNAN
DESEMBER, 1949 LUNDAR, MANITOBA
Trú mannsins; viðtökurnar hjá guði
Þegar heilagur andi hefur vakið sam-
vizku þína, þá hefur þú séð nokkuð af
illsku þeirri, sem fólgin er í syndinni, vald
hennar, saknæmi og eymd, og þér býður
við, er þú lítur til hennar. Þú finnur,
að syndin hefur skilið þig frá guði og að
þú ert í þrælkun hjá valdi hins illa. Því
meir sem þú herðir að þér til þess að kom-
ast undan, því betur sér þú vanmætti þitt.
Hvatir þínar eru óhreinar, hjartað illt. Þú
sérð, að líferni þitt hefur verið fullt sjálfs-
elsku og synda. Þú þráir að fá fyrirgefn-
ingu, að verða þveginn og frelsaður. Hvað
átt þú að gjöra, til þess að komast í sam-
ræmi við guð og líkjast honum?
Þú þarfnast friðar — fyrirgefningar í
himninum, friðar og kærleika í sálu þína.
Eigi fæst hann keyptur fyrir fé, skynsem-
in getur ekki gefið hann, vísindin ekki afl-
að hans. Þú getur ekki gjört þér von um
að öðlast hann nokkurn tíma fyrir kapp-
kostun sjálfs þín. En guð býður þér hann
að gjöf, „án silfurs og ókeypis“. Þú eignast
hann, ef þú aðeins villt rétta út hendina
til þess að handsama hann. Drottinn seg-
ir: „Þó yðar syndir væru sem purpuri, þá
skyldu þær verða hvítar sem snjór, og þótt
þær væru rauðar sem skarlat, þá skyldu
þær verða sem ull“. „Og ég vil gefa yður
nýtt hjarta og koma nýjum anda í yðar
brjóst“.
Þú hefur játað syndir þínar af öllu
hjarta og lagt þær niður. Þú hefur ásett
þér að gefa guði sjálfan þig. Far þú nú til
hans og bið þú hann að þvo burt syndir
þínar og gefa þér nýtt hjarta. Trúðu svo,
að hann gjöri það, af því að hann hefir
lofað því. Jesús kenndi, þegar hann var
hér á jörðunni, að sú gjöf, sem guð heitir
oss, verði vor eign, þegar er vér trúum því
að oss hlotnist hún. Jesús læknaði sjúk-
leika manna, þegar þeir treystu mætti
hans. Hann hjálpaði þeim í þeim efnum,
er þeir gátu séð og skilið, og vakti þannig
hjá þeim traust til sín að því er snerti það,
er þeir gátu ekki séð. Þannig leiddi hann
þá til þess að trúa því að hann gæti fyrir-
gefið syndirnar. Þetta sagði hann með ber-
um orðum, þegar hann læknaði limafalls-
sjúka manninn: „En til þess að þér skuluð
vita að mannins sonur hefur vald til að
fyrirgefa syndir á jörðunni, þá segir hann
til hins limafallssjúka: statt upp, tak
sæng þína og gakk heim til þín“. Jóhann-
es guðspjallamaður segir og, er hann talar
um kraftaverk Krists: „En þetta er skrif-
að, svo að þér tryðuð að Jesús er Kristur,
sonur guðs, og svo að þér, sem trúið, hafið
lífið í hans nafni“.
Vér getum lært af hinni einföldu frá-
sögn ritningarinnar um lækningar Jesú,
hvernig vér eigum að trúa á hann til þess
að öðlast fyrirgefningu syndanna. Við
skulum lesa frásöguna um sjúka manninn
við Bethesda. Vesalings sjúklingurinn gat
enga björg sér veitt. Limi sína hafði hann
eigi getað notað í 38 ár. En Jesús bauð
honum: „Satt upp, tak sæng þína og
gakk“. Nú hefði sjúklingurinn getað sagt:
„Herra, ef þú vilt lækna mig, skal ég
hlýða orðum þínum“. En það sagði hann
ekki, því að hann trúði orðum Krists.
Hann trúði, að hann væri heill orðinn og
hlýddi boði hans þegar í stað. Hann ásetti
sér að ganga og hann gekk. Hann gjörði
það í trausti til orða Krists og guð gaf
honum þrek. Hann varð heill.
Þú ert að sínu leyti eins sjúkur af synd-
inni. Þú getur ekki breytt hjarta þínu og
helgað sjálfan þig. En guð lofar að gjöra
þetta allt fyrir þig fyrir milligöngu Krists.
Þú treystir þessu loforði, þú játar syndir
þínar og felur sjálfan þig guði. Þú ásetur
þér að þjóna honum. Svo framarlega sem