Stjarnan - 01.12.1949, Side 2

90
STJARNAN
þú gjörir það, mun guð efna heit sitt við
þig. Ef þú trúir fyrirheitinu, trúir því að
þér sé fyrirgefið og þú hreinn gjör, þá
lætur guð þetta rætast. Þú fær lækningu,
eins og Jesús veitti hinum limafallssjúka
manni kraft til að ganga, þegar hann trúði
því að hann væri heill orðinn. Þetta er svo
í raun og veru, ef þú trúir að það sé .
Bíddu ekki þangað til þú finnur að þér
sé batnað, heldur segðu: „Ég trúi því, það
er svo; ég trúi því ekki af því að ég finni
það, heldur af því að guð hefur lofað því“.
Jesús segir: „Um hvað helzt þér biðjið
guð, þá trúið, að þér munið það öðlast, og
þá munuð þér fá það“. Þetta loforð er einu
skilyrði bundið, nefnilega því, að vér biðj-
um um það, sem er samkvæmt guðs vilja.
En það er guðs vilji að gjöra oss, sem erum
saurgaðir af syndinni, hreiná, gjöra oss að
sínum börnum og gjöra oss færa um að
lifa heilögu líferni. Vér verðum þannig að
biðja um þessa blessun, trúa því að vér
öðlumst hana og þakka guði fyrir að vér
höfum þegar þegið hana. Vér höfum rétt
til þess að koma til Jesú, verða hreinir
gjörðir og vera lausir við blygðun og sam-
vizkubit gagnvart lögmálinu. „Svo er nú
engin fyrirdæming yfir þeim, sem eru í
Kristi Jesú, sem ekki ganga eftir holdinu,
heldur eftir andanum".
Framvegis eigið þér yður ekki sjálfir.
„Fyrir verð eruð þér keyptir“. „Þér eruð
eigi endurleystir, með forgengilegu silfri
eða gulli . . . heldur með dýrmætu blóði
þess óflekkaða og lýtalausa lambsins,
Krists“. Heilagur andi hefir vakið nýtt líf
í hjarta þínu, með þeirri einni framkvæmd
að koma þér til þess að trúa á guð. Þú ert
eins og barn, sem fætt er í guðs ætt, og
hann elskar þig eins og hann elskar sinn
son.
Þegar þú hefur gefið Jesú Kristi sjálfan
þig, þá drag þig ekki í hlé. Farðu ekki frá
honum, heldur segðu á hverjum degi: „Eg
er Krists eign, ég hefi gefið honum sjáífan
mig“. Bið þú guð að gefa þér sinn anda
og varðveita þig í náð sinni. Eins og þú
gjörðist barn guðs er þú fólst þig honum
á vald og fórst að trúa á hann, þannig átt
þú og að lifa í honum. Postulinn segir
„Breytið því samkvæmt lærdómi drottins
vors Jesú Krists, eins og þér hafið hann
numið“.
Svo virðist sem sumir ætli að þeir
verði að standast reynslu nokkra og færa
sönnur á betrun sína gagnvart drottni, áð-
ur en þeir geti krafizt blessunar hans. En
þeir geta þegið blessun guðs þegar í stað.
Þeir verða að hafa náð guðs og anda Krists
sér til styrktar í veikleik sínum; að öðrum
kosti fá þeir eigi reist rönd við hinu illa.
Jesús gleðst yfir því að vér komum til
hans eins og vér erum, syndugir vanmegn-
ugir og þurfandi hjálpar hans. Vér verð-
um að koma með allan vorn veikleika,
alla vora heimsku og allar vorar syndir
og falla honum til fóta með iðrandi sál.
Honum er það dýrð að vefja oss kærleiks-
faðmi sínum, binda um sár vor og þvo af
oss allan óhreinleika.
Margar þúsundir manna hafa farið vilt
í þessu efni. Þeir trúa því ekki að Kristur
muni fyrirgefa þeim persónulega. Þeir
treysta því ekki, að guð sé haldinorður.
Allir þeir, sem uppfylla skilyrðið, standa
í því efni öðrum betur að vígi, að þeir geta
vitað með sjálfum sér að guð hefur af náð
sinni að öllu fyrirgefið þeim hverja ein-
ustu synd. Rektu þá ætlun burt úr huga
þínum að fyrir heit guðs séu ekki stíluð
til þín. Þau eru stíluð til sérhvers iðrandi
syndara. Oss er gefið þrek og náð fyrir
Krist, og þjónustusamir englar flytja þau
sérhverri trúandi sál. Enginn er svo synd-
ugur að hann geti ekki fengið þrek, hrein-
leik og réttlætingu hjá Jesú, sem dó fyrir
hann. Hann þráir að mega færa þá úr fat-
inu, er syndin hefur saurgað, og klæða þá
í hinn hvíta skrúða réttlætis síns. Hann
býður þeim að lifa og deyja ekki.
Guð breytir ekki við oss svo sem dauð-
legir menn breyta hver við annan. Hugs-
anir hans eru fullar miskunsemi, kærleika
og viðkvæmrar meðaumkunar. Hann seg-
ir: „Hinn óguðlegi láti af sinni breytni og
illvirkinn af sinni hugsun og snúi sér til
drottins, þá mun hann miskuna honum,
og til vors guðs, því hann er fús á að fyrir-
gefa“. Ég lét þínar misgjörðir burtu hverfa
sem þoku, og þínar syndir sem ský“.
„Eg hef enga vild á því að nokkur mað-
ur devi; bætið því ráð yðar og lifið“. Satan
bíður búinn til að ræna oss hinni dýrmætu
fullvissu frá Guði. Hann leggur á það allan
hug að svipta sálina sérhverjum ljósgeisla
og allri von. En þú mátt ekki leyfa honum