Stjarnan - 01.04.1954, Side 5

STJARNAN
29
eitthvað betra en læknislyf fyrir taug-
arnar á þessum óvissu, erfiðu tímum, og
Guð hefir það, sem er miklu betra fyrir
oss. Bæn er bezta meðal sem til er fyrir
þá, sem taugaveiklaðir eru. Hún styrkir
bæði sál og líkama. Læknar jafnvel kann-
ast við gildi hennar, þegar engin önnur
meðul duga. Dr. Hyslop, nafnkunnur sér-
fræðingur í sinnisveiki, sagði frammi fyrir
fjölda lækna: „Bezta meðalið, sem ég hef
fundið í læknisreynslu minni, er bæn.
Bænaiðjan hjá þeim, sem æfa hana, er án
efa vissasta meðalið bæði fyrir taugarnar
og skaplyndi manna“.
Bæn bendir á skyldur vorar. Hún veitir
mönnum og konum þekking á skyldum
þeirra, ef þau einlæglega óska eftir að
gjöra Guðs vilja, hún minnir á hvers Guð
væntir af oss. Bænin leiðir oss út úr fang-
elsi sjálfselskunnar inn á veg sjálfsfórnar
og þjónustu í þarfir mannkynsins. Anna
Johnson Flint var undirbúin að verða
kenslukona, en þá veiktist hún í liðagift
í nær því öllum liðamótum líkamans. Hún
bað Guð að sýna sér, hvað hún ætti að
gjöra. Hún þjáðist mjög og fór að sknfa.
Koddum var hlaðið kringum hana í stóln-
um, og vinahendur stunduðu hana. Hún
sagði heiminum frá, hvernig friður fylti
sálu hennar. Þú hefir að líkindum lesið
ljóð hennar og heyrt sálmana, sem hún
orti. íbúar heimsins hafa notið blessunar
af því að Anna Johnson Flint bað til Guðs.
Bæn styrkir hið andlega líf mannsins.
Hún veitir honum von og hugrekki, hún
er fæða fyrir hið andlega líf, eins og
brauðið er fyrir líkamann. Jesús lifði
bænalífi þar sem hann ferðaðist manna á
milli á Gyðingalandi. Það er 17 sinnum
minst á bænalíf frelsarans í Guðspjöllun-
um. Bænin veitti honum nýjan kraft og
hugrekki. Vér munum öðlast sömu reynslu
ef vér fylgjum dæmi frelsarans.
Bæn göfgar hugarfarið. Sorg og erfið-
leikar eru almenn reynsla í þessum heimi.
Það er óhjákvæmilegt. Hvaða áhrif hafa
þau á oss? Gjöra þau oss kaldlynd, gröm
og öfundsjúk, eða tökum vér mótlætið
sem verkfæri í Guðs hendi til að um-
mynda, fegra og fullkomna innræti vort?
Það er hughreystandi að mæta manni eða
konu hverra líf hefir göfgast og styrkst
gegn um þjáningar og erfiðleika og bæn.
„Bæn breytir mörgu. Hún breytir þér“.
Þessi einfalda setning var prentuð á 500
auglýsingaspjöld í neðanjarðargöngum
New York borgar. Fleiri miljónir manna,
sem ferðuðust með lestunum gegn um
göngin, hafa hlotið að lesa hana þennan
mánuð, sem hún var fest þar upp. Bæn
veldur miklum breytingum, en mesta
breytingin á sér stað í lífi þess manns eða
konu, sem iðkar stöðuga bæn. Bænarandi
er það, sem vér þurfum að sækjast eftir
og hafa. „Hafið hugann á hinu himneska“.
Það sem vér þurfum í dag fremur öllu
öðru er að láta hugann og hjartað, þrá
vora og eftirsókn snúast að Guði, hans ríki
og réttlæti,- það mun veita oss sannan,
ævarandi frið og gleði.
—ERNEST LLOYD
■-----:---☆----------
Mig mun ekkert bresta
Mig mun ekki bresta fæðu. Jesús sagði:
„Ég er brauð lífsins. Þann mun ekki
hungra, sem til mín kemur“. Jóh. 6:35.
Mig mun ekki bresta drykk. „Ef nokk-
urn þyrstir, þá komi hann til mín og
drekki“. Jóh. 7:38.
Ég get haft nóga hvíld. „Komið til mín,
allir þér sem erfiðið og þunga eruð hlaðn-
ir og ég mun veita yður hvíld“. Matt. 11:28.
Ég hef öruggan leiðtoga. „Ég er vegur-
'inn“. „Fylgið mér“, segir Jesús.
Mig mun ekki bresta góðan félagsskap.
„Ég hef kallað yður vini“. „Sjá, ég er með
yður alla daga alt til veraldarinnar enda“.
iVIatt. 28:20.
Mig mun ekki bresta fögnuð. „Þetta
hef ég talað til yðar til þess fögnuður minn
sé hjá yður og fögnuður yðar fullkominn“.
Jóh. 15:11.
Heiður mun mig ekki bresta. „Þann
sem mér þjónar mun Faðirinn heiðra“.
Jóh. 12:26.
Mig mun ekki skorta huggun. „Hjörtu
yðar skelfist ekki“. „Hann mun senda
yður annan huggara, svo hann sé hjá yður
eilíflega“.
Ekkert gott mun mig bresta. „Hvers
þér biðjið föðurinn í mínu nafni það mun
ég veita“.
„Ekkert gott mun hann neita þeim um
sem framganga í ráðvendni“.