Mosfellingur - 17.05.2018, Page 4

www.lagafellskirkja.is
kirkjustarfið HelgiHald næstu vikna
20. maí - Hvítasunnudagur
Fermingarguðsþjónusta í Lágafellskirkju kl.
11:00. Sr. Arndís Linn og sr. Kristín Pálsdóttir
sunnudagur 27. maí
Guðsþjónusta í Mosfellskirkju kl. 14:00
Árleg kirkjureið hestamanna. Sr. Kristín.
sunnudagur 3. júní
Guðsþjónusta í Lágafellskirkju kl. 11:00
Sr. Arndís Linn
aðalsafnaðarfundur
lágafellssóknar
verður haldinn þriðjudaginn 22. maí
kl. 20:00 í safnaðarheimilinu.
kyrrðardagar að Mosfelli laugardagana
19. maí og 2. júní frá kl 09:00 til kl. 11:00.
Upplýsingar og skráning í síma 566 7113
og í gegnum netfangið lagafellskirkja@
lagafellskirkja.is
- Bæjarblaðið í Mosfellsbæ64
Árni Jón ráðinn nýr
byggingarfulltrúi
Bæjarráð Mosfellsbæjar samþykkti
á fundi sínum þann 3. maí að
ráða Árna Jón Sigfússon í starf
byggingarfulltrúa Mosfellsbæjar.
Árni Jón er með M.S. gráðu (Dipl.
Ing.) í arkitektúr
frá Universitat
í Stuttgart í Þýska-
landi. Hann hefur
starfað í hartnær
7 ár hjá Mann-
virkjastofnun
en áður starfaði
hann sem arkitekt
hjá Arkþing, Tark-arkitektum og
W.Wörner arkitektum í Þýskalandi.
Árni býr yfir mjög góðri þekkingu á
sviði byggingarmála og umfangs-
mikilli reynslu á sviði stjórnsýslu
byggingarmála. Hann hefur hlotið
löggildingu sem mannvirkjahönn-
uður auk þess að hafa starfsleyfi
byggingarstjóra. Nýr byggingarfull-
trúi hefur störf í lok maí og tekur við
af Ásbirni Þorvarðarsyni sem gegnt
hefur starfi byggingarfulltrúa frá því
í ágúst 1982 eða í rétt tæplega 36 ár.
Átta framboð til
bæjarstjórnar
Átta framboðslistar skiluðu gildu
framboði til sveitarstjórnarkosninga
í Mosfellsbæ. Listarnir eru eftir-
farandi: B-listi Framsóknarflokks,
C-listi Viðreisnar, D-listi Sjálfstæðis-
flokks, L-listi Vina Mosfellsbæjar,
M-listi Miðflokks, Í-listi Íbúahreyf-
ingarinnar og Pírata, S-listi Samfylk-
ingar, V-listi Vinstrihreyfingarinnar
græns framboðs.
Kosningarnar fara fram laugar-
daginn 26. maí og er kjörstaður í
Lágafellsskóla. Kjörfundur stendur
frá kl. 09-22.
nöfn fermingarbarna
20. maí kl. 11:00
Aldís Leoní Rebora
Andrea Dís Skúladóttir
Andri Eyfjörð Jóhannesson
Arnór Dagur Þóroddsson
Auður Jóney Þorbjörnsdóttir
Emilía Guðrún Hauksdóttir
Eyþór Bjarki Benediktsson
Guðrún Jane Gunnarsdóttir
Helena Kristel Þorsteinsdóttir
María Eir Guðjónsdóttir
Sigríður Birna Svavarsdóttir
Skúli Freyr Arnarsson
Hægt að sækja um
matjurtargarða
Búið er að opna
fyrir umsóknir
um matjurtagarða
í Mosfellsbæ.
Þeir verða
staðsettir austan
við Varmárskóla
þar sem gömlu
skólagarðarnir
hafa verið. Leiguverð fyrir matjurta-
garða er óbreytt, eða 2.500 kr. fyrir
50 fm garð. Tekið er við umsóknum
á netfangið tjonustustod@mos.is en
garðarnir verða tilbúnir á föstudag.
Bæjarráð ákvað á hátíðarfundi sínum í til-
efni þess að 30 ár voru liðin frá því að Mos-
fellsbær fékk kaupstaðarréttindi að efna til
hönnunarsamkeppni um aðkomutákn.
Aðkomutákninu er ætlað að vekja at-
hygli á Mosfellsbæ og marka það svæði
sem honum tilheyrir. Til stendur að vígja
aðkomutáknið á bæjarhátíðinni Í túninu
heima sem fram fer í lok ágúst. Alls bárust
34 tillögur að aðkomutákni og var keppnin
unnin í samvinnu við Hönnunarmiðstöð
Íslands.
sækja í rótgróið merki Mosfellsbæjar
Höfundar vinningstillögunnar eru þau
Anna Björg Sigurðardóttir arkitekt og Ari
Þorleifsson byggingafræðingur.
Tillaga þeirra var afhjúpuð í Hlégarði
þann 3. maí en í umsögn dómnefndar segir
m.a. um vinningstillöguna að hún sé:
„Stílhrein og falleg tillaga sem sækir á
óhlutbundinn hátt í náttúruna, ásamt því
að sækja í rótgróið merki Mosfellsbæjar
eftir Kristínu Þorkelsdóttur.
Áhugaverður skúlptúr sem vísar til
þriggja innkomuleiða Mosfellsbæjar, þá
þrjá staði sem fyrirhugað er að staðsetja
merkið á og gefur möguleika á fjölbreyti-
legum útfærslum.“
tillögurnar til sýnis í Bókasafninu
Næstu skref þessa verkefnis felast í vinnu
Mosfellsbæjar með vinningshöfum við
útfærslu hugmyndarinnar, eins og vinna
við teikningar, undirbúningur framleiðslu
aðkomutáknsins og finna aðkomutákninu
endanlega staðsetningu.
Þá veitti dómnefndin þremur tillögum
viðurkenningu en þær tillögur komu frá
eftirtöldum aðilum:
• Gunnari Kára Oddssyni og Oddi Þ.
Hermannssyni, landslagsarkitektum
• Elísabetu Hugrúnu Georgsdóttur,
arkitekt
• Kristjáni Frey Einarssyni, grafískum
hönnuði og Halldóru Eldjárn
Þær tillögur sem unnu til verðlauna eru
nú til sýnis í Bókasafninu, þar með talið lík-
an af vinnings-
tillögunni.
34 tillögur bárust að nýju aðkomutákni • Ein af 30 ára afmælisgjöfum Mosfellsbæjar
Vinningstillaga að aðkomu-
tákni vísar í náttúruperlur
Hið nýja aðkomutákn er hugsað þannig að þrjár
aðkomuleiðir Mosfellsbæjar megi tengja við þrjár
náttúruperlur. Að sunnanverðu tekur Úlfarsfell
á móti þér með grænum hlíðum sínum, að
norðanverðu er það Leirvogsá og á Þingvallavegi
er það Helgafell. Þessar þrjár náttúruperlur sem
umvefja bæjarmörk Mosfellsbæjar eru í raun
ákveðin tákn bæjarfélagsins og aðkomutákninu er
ætlað að upphefja það.
Merki Mosfellsbæjar hefur verið tákn bæjarins
frá árinu 1968. Merkið var hannað af Kristínu
Þorkelsdóttur og er tilvísun í silfurs Egils
Skallagrímssonar.
Höfundar vinningstillögunnar telja mikilvægt að
merki Mosfellsbæjar verði hluti af aðkomutákninu,
verði til þess að styrkja merkið og jafnvel gefa því
nýtt líf.
Þau Anna Björg og Ari fóru þá leið að velja þrjú
efni sem hvert um sig er lýsandi fyrir hvern
aðkomustað.
Helgafellið sýnir m.a.
grýtta fjallshlíð sem unnt
er að tákna með steypu.
Úlfarsfellið er skógi vaxið
og viðurinn táknmynd þess.
Loks er Leirvogsáin fljótandi
vatn sem er táknað með
gegnsæjum málmi.
Nýja aðkomutáknið verður
þannig skúlptúr sem
samanstendur af þessum
þremur efnum sem eru
lýsandi fyrir hvern aðkomustað.
Hugmyndin felur líka í sér að
hæð hvers efnis verði mismunandi eftir
staðsetningu aðkomutáknsins.
aðkomutáknið gæti litið svona út
við við Helgafell á þingvallavegi
þrjár aðkomuleiðir - þrjár náttúruperlur
Ari Þorleifsson og Anna Björg Sigurðardóttir
eru höfundar vinningstillögunnar um nýtt
aðkomutákn við þrjár aðkomuleiðir í Mosfellsbæ.