Mosfellingur - 17.05.2018, Qupperneq 52

Vinnufrí
Ég var norður á Ströndum í síðustu viku að hjálpa til að
standsetja hús sem stórfjölskyldan
á þar. Þetta var fjögurra daga ferð.
Lífið var mjög einfalt. Við vöknuðum
snemma. Unnum fram á kvöld.
Tókum nokkrar matarpásur. Fórum
í sund eða heitan pott eftir vinnu.
Sofnuðum snemma.
Það var ekkert sjónvarp í húsinu. Slökkt á útvarpinu. Ég ákvað að
taka netfrí þessa daga og vissi því
lítið hvað var að gerast í hinum stóra
heimi utan Bjarnarfjarðar. Þetta
var akkúrat það sem ég þurfti á að
halda. Hausinn fékk frí á meðan
líkaminn vann. Góður félagskapur
og vinnufélagar. Vinnan gekk vel en
það var ekkert stress eða læti. Veðrið
var notalegt. Það er mikil gróðursæld
í firðinum og urmull af fuglum af
ýmsu tagi að vinna í vorverkunum
rétt fyrir utan húsið.
Ég mæli virkilega með nokkra daga frívinnuferðum þar sem
maður skiptir alveg um umhverfi
og hvílir sig á því sem maður fæst
við dags daglega. Það er gott fyrir
líkamlega og andlega líðan og maður
skilur eitthvað eftir sig í leiðinni.
Það var líka gott að koma til baka.
Sultuslakur og hlaðinn orku. Klár
í að halda áfram með lífið heima
og hlakka til alls þess sem á eftir að
gerast í sumar.
Þetta verður viðburðarríkt og skemmtilegt sumar. Á mörgum
sviðum. Eitt sem ég hlakka mikið
til er að fara á Guns N‘ Roses
tónleikana á Laugardalsvelli í júlí.
Mér finnst ég eiga tónleikana
skilið eftir að hafa ferðast um Evrópu
fyrir nokkrum árum með góðum
félögum, haldandi á sístækkandi
bunka af Guns N‘ Roses tólftommum
(vínyllinn tekur vel í).
Þeir hefðu alveg mátt
koma fyrr blessaðir
en betra er seint
en aldrei og ég
bíð spenntur eftir
þeim. Er með hina
hráu G N‘ R Lies
plötu í eyrunum á
meðan ég skrifa
þessar pælingar.
Stillt hátt!
Heilsumolar Gaua
Guðjón
Svansson
gudjon@kettlebells.is
- Heilsa og ferðalög52
Helgina 27-30. apríl fóru 19 hressar konur á vegum Kvennadeildar SVFR í laxveiði-
ferð í River Dee í Skotlandi en áin er ein frægasta laxveiðiá Evrópu.
Í þessum hópi voru 4 núverandi og fyrrverandi Mosfellingar, þær Anna Reynis
sem er formaður Kvennadeildarinnar, Hjördís Bartmars, Anna Sigurveig (Veiga)
Magnúsdóttir og Guðrún Z. Jónsdóttir.
Laxveiðin byrjar í febrúar í Skotlandi en í júní á Íslandi og því var tilvalið að
lengja veiðitímabilið enda margir laxveiðimenn orðnir spenntir fyrir veiðisumrinu.
AnnA Sigurveig, HjördíS,
guðrún og AnnA reyniS
Laxveiðiferð til Skotlands