Morgunblaðið - 05.09.2018, Page 11

FRÉTTIR 11Innlent
MORGUNBLAÐIÐ MIÐVIKUDAGUR 5. SEPTEMBER 2018
Álfheimum 74, 104 Rvk, sími 568 5170
Verið velkomin
• Bolir
• Túnikur
• Blússur
• Peysur
• Vesti
• Jakkar
• Buxur
1988 - 2018
Nýjar glæsilegar
haustvörur
Eigum alltaf vinsælu bómullar- og
velúrgallana í stærðum S-4XL
Helgi Bjarnason
helgi@mbl.is
„Við höfum áhyggjur af því að nem-
endur hverfi inn í sýndarveröldina
og lokist þar af. Verði ónothæfir í
raunveruleikanum. Okkur líst ekki á
það en það getur verið að við séum
svartsýn,“ segir Ólafur Arngríms-
son, skólastjóri Stórutjarnaskóla í
Ljósavatnsskarði. Umsjónarkennar-
ar fóru þess á leit við nemendur í
upphafi skólaárs að þeir kæmu ekki
með snjallsíma í skólann fyrsta
mánuðinn.
Ólafur segir að börnin hafi tekið
þessum tilmælum furðanlega vel.
Foreldrarnir séu mjög jákvæðir.
„Krakkarnir tóku ekki svo djúpt í
árinni en hafa látið þetta yfir sig
ganga. Þau viðurkenna að þau tali
meira saman í skólabílnum og í frí-
mínútum í skólanum,“ segir Ólafur.
Þá merkir hann breytt atferli. Nem-
endur séu ekki lengur gangandi á
eftir skjánum heldur eigi í samskipt-
um við fólkið í kringum sig.
Þyki sjálfsagt að halda áfram
Enginn hefur komið með síma í
skólann, það sem af er. Tekur Ólaf-
ur fram að Stórutjarnaskóli sé fá-
mennur, þar eru 40-50 börn, og auð-
veldara að fylgja þessu eftir en í
stærri skólum. Þótt snallsímatil-
mælin gildi í mánuð reiknar Ólafur
með að framhald verði á. „Við hót-
um engu en þegar mánuðurinn
verður liðinn vonumst við eindregið
til þess að menn átti sig á því að
þetta hefur marga jákvæða þætti í
för með sér og sjálfsagt þyki að
halda þessu áfram.“
Tilmælin um að skilja snjallsíma
eftir heima grundvallast á þeim rök-
um að ofnotkun þeirra getur haft
neikvæð áhrif á félagsleg tengsl,
virkni og líðan nemenda. Ólafur hef-
ur einnig áhyggjur af áhrifum notk-
unar þeirra á móðurmálið þar sem
umhverfið í símunum er mikið á
ensku.
Kennarar og nemendur í Stóru-
tjarnaskóla nota tölvur við námið og
það breytist ekki. Ólafur segir að
reynt sé að gera það á markvissan
hátt í verkefnum sem unnið er að.
„Að okkar mati er eðlilegra að nota
þessi tæki sem verkfæri en að láta
þau algerlega yfirtaka lífsmynstur
fólks. Komið hefur í ljós að mann-
skepnan er opin fyrir þessum nýj-
ungum og notkunin verður fíkn eins
og tóbak og brennivín. Það er ekki
hlutverk skóla að gera börn að fíkl-
um á neinn hátt,“ segir Ólafur.
Ljósmynd/Jónas Reynir Helgason
Stórutjarnaskóli Skólinn er fámennur sveitaskóli í Þingeyjarsveit.
Merkja breytt
atferli nemenda
 Snjallsímarnir heima í einn mánuð
Mark Avery, breskur dýravernd-
unarsinni, afhenti í gær Katrínu
Jakobsdóttur forsætisráðherra
lista með undirskriftum 1.350 ein-
staklinga sem hvetja ráðherrann til
að beita sér fyrir því að Ísland láti
af hvalveiðum.
Þeir sem rituðu undir áskorun-
ina eru frá 22 ríkjum, flestir frá
Bretlandi en einnig má á listanum
finna fólk frá Norðurlöndunum,
Bandaríkjunum, meginlandi Evr-
ópu, Ástralíu og Suður-Ameríku
svo fátt eitt sé nefnt. Undirskrift-
unum var safnað á hátíð fuglaskoð-
ara við vatnið Rutland á Englandi
dagana 17. til 19. ágúst síðastliðinn.
Í áskoruninni kemur m.a. fram
að Vinstri græn séu þekkt fyrir að
vera á móti hvalveiðum. „Við vitum
líka að þú vilt að látið verði af hval-
veiðum og við styðjum þig í þeirri
vinnu. Vinsamlegast gerðu allt sem
þarf svo binda megi enda á þessa
hræðilegu iðju sem skaðar svo mjög
ímynd þíns fallega lands,“ segir
þar. Þá segir Avery að Katrín hafi á
fundi þeirra lofað ítarlegri skoðun
á sjálfbærni hvalveiða við Íslands-
strendur þar sem m.a. yrðu könnuð
efnahagsleg og samfélagsleg áhrif
veiðanna.
Hvetja ráðherra til að beita sér
Hvalavinir Katrín Jakobsdóttir og
Mark Avery ræddu hvalveiðar.
Rúmeni hefur verið dæmdur í
þriggja ára fangelsi fyrir að nauðga
24 ára gamalli konu á síðasta ári. Í
ákæru var hann sakaður um að hafa
beitt konuna ofbeldi og ólögmætri
nauðung, er hann greip í hár hennar
og þvingaði hana til að hafa við sig
munnmök áður en hann reyndi svo
að hafa við hana samræði í enda-
þarm eða leggöng. Dómurinn var
kveðinn upp í Héraðsdómi Reykja-
ness 10. ágúst síðastliðinn og var
framburður konunnar trúverðugur
að mati dómara, en framburður
ákærða ekki standast skoðun.
Konan lýsti því fyrir dómi að eftir
nauðgunina hefði hún farið að nota
vímuefni til að sefa sársauka sinn.
Þá sagðist hún að mestu hafa dvalið
erlendis frá brotinu, til þess að eiga
ekki á hættu að hitta ákærða. Enn-
fremur lýsti hún því fyrir dómi að
fyrst hefði hún ekki verið mótfallin
því að veita manninum munnmök,
en svo hefði hann viljað ganga
lengra. Hún svo neitað og þá hefði
maðurinn firrst við og kom til
stimpinga milli þeirra.
Eftir þessi atvik hitti konan
ásamt systur sinni lögregluþjóna
vegna málsins. Annar þeirra bar
vitni fyrir dómi og sagði konuna
„nokkuð skýra og trúverðuga“, eins
og segir í dóminum. Lögregluþjónn-
inn sagðist hafa tilkynnt varðstjóra
um málið og að sá hefði tekið
ákvörðun um að fara ekki með
brotaþola á neyðarmóttöku vegna
kynferðisafbrota, þangað sem kon-
an fór svo næsta dag. – Konan hefur
átt við áfallastreituröskun stríða
eftir nauðgunina, að því er fram
kemur í vottorði sálfræðings.
Maðurinn, sem neitaði sök í mál-
inu, var dæmdur til þess að greiða
konunni 1,4 millj. kr. í miskabætur,
auk 2,7 millj. kr. í sakarkostnað.
Þriggja ára fang-
elsi fyrir nauðgun
 Ofbeldi og nauðung  Áfallastreita
Morgunblaðið/Ómar
Héraðsdómur Dómhúsið við Fjarð-
argötu í Hafnarfirði.