Morgunblaðið - 27.10.2018, Qupperneq 14

14 FRÉTTIRInnlent
MORGUNBLAÐIÐ LAUGARDAGUR 27. OKTÓBER 2018
Morgunblaðið/Sigurður Bogi
Bæjarstjóri Jón Páll Hreinsson stýrir rekstri Bolungarvíkurkaupstaðar.
Helgi Bjarnason
helgi@mbl.is
Bæjarráð Bolungarvíkur skorar á
stjórnvöld að beita sér fyrir breyt-
ingu á úthlutun línuívilnunar og
tryggja að hún haldi áfram að styðja
við störf í sjávarbyggðum. Jafnframt
hefur bæjarráð falið bæjarstjóra að
vinna að aðgerðaáætlun um nýsköp-
unarátak til að fjölga störfum í bæj-
arfélaginu.
Útgerðum sem ráða fólk til að
handbeita línu er ívilnað með heimild
til að landa meiri afla. Kvóti þeirra
nýtist því betur. Hefur línuívilnun í
mörg ár verið ein af forsendum fjölda
starfa í mörgum sjávarútvegssveitar-
félögum.
Breyttar forsendur og ytri aðstæð-
ur í umhverfi útgerða í krókaafla-
markskerfinu hafa leitt til fækkunar
útgerða sem gera út á handbeitta línu
og á móti hefur bátum með beitninga-
vélar fjölgað en þeir síðarnefndu
njóta ekki ívilnunar.
Gæti fækkað um 100 manns
Útgerðir í Bolungarvík voru frum-
kvöðlar í þessari útgerð. Jón Páll
Hreinsson bæjarstjóri segir að
reynst hafi óhagkvæmara en áður að
handbeita og erfitt að manna þessi
störf.
Jón Páll telur að um 30 störf hafi
verið við beitningu í Bolungarvík,
þegar mest var, og ef hún leggst al-
veg af gæti það orsakað að bæjarbú-
um fækkaði um 100. Í bókum bæj-
arráðs kemur fram að þörfin fyrir
þessa ívilnun sé enn fyrir hendi og
það sé löng og bitur reynsla sjávarút-
vegssveitarfélaga að þegar störfin
hverfa, þá hverfi fólkið með.
Bæjarráð samþykkti bókun á síð-
asta fundi sínum þar sem skorað er á
stjórnvöld að beita sér fyrir breyt-
ingu á úthlutun línuívilnunar og
tryggja að hún haldi áfram að styðja
við störf í sjávarbyggðum. Jón Páll
segist sjá fyrir sér að skapað verði
svigrúm til að búa til önnur störf í
stað þeirra sem hverfa. Bendir á að
línuívilnun sé í eðli sínu byggðakvóti.
Á þessum aðlögunartíma mætti út-
hluta kvótanum beint til sveitarfélaga
og þeim þannig gert kleift að afla sér
tekna til að búa til ný störf með því að
leigja kvótann út.
Í framhaldi af þessari umræðu var
samþykkt að undirbúa átak í nýsköp-
un í Bolungarvík. Það á að miða að
því að fjölga störfum og íbúum á
vinnufærum aldri.
Í samþykkt bæjarráðs er vitnað til
skýrslu Byggðastofnunar um mann-
fjöldaþróun á Vestfjörðum og nýlega
greiningu ráðgjafarfyrirtækisins
Analytica um að Bolungarvík sé eitt
af þeim byggðarlögum sem ekki verði
sjálfbært til lengri tíma litið, vegna
skorts á íbúum á vinnufærum aldri.
Fiskeldi og frumkvöðlar
Bolvíkingar hafa barist fyrir því að
laxeldi verði hafið í Ísafjarðardjúpi
og hefur Arnarlax þegar komið sér
upp starfsstöð í bænum. Jón Páll seg-
ir að þótt undirbúningur hafi tekið
langan tíma sé hann trúaður á að fisk-
eldið komi. Ekki þýði að bíða enda-
laust og því þurfi jafnframt að huga
að öðrum tækifærum.
„Ég er bjartsýnn á að við fáum
áhugaverð frumkvöðlafyrirtæki til
Bolungarvíkur. Hér eru dæmi um
hvað hægt er að gera þegar frum-
kvöðlar fara af stað með áhugaverð
verkefni. Mjólkurvinnslan Arna er
dæmi um það og Dropi sem framleið-
ir lýsi og flytur á erlenda markaði.
Það eru engar forsendur til annars en
að við getum búið til störf. Þá vitum
við að ekki verða vandræði með að fá
fólk til að flytja til Bolungarvíkur,“
segir Jón Páll.
Nýsköpun í stað
línubeitningar
 Bolvíkingar reyna að fjölga störfum
Kristján H. Johannessen
khj@mbl.is
„Ísland hefur verið miðpunktur
hernaðarlegs mikilvægis á Norður-
Atlantshafi allt frá orrustunni um
Atlantshafið, til
leiðtogafundarins
í Reykjavík og
fram til dagsins í
dag. Ísland er
traustur og gam-
all bandamaður
og framúrskar-
andi stofnríki
NATO.“
Þetta segir
James G. Foggo
III, aðmíráll í
bandaríska sjóhernum og stjórnandi
Trident Juncture, umfangsmestu
heræfingar Atlantshafsbandalags-
ins frá lokum kalda stríðsins, í grein
sem birt er á vefsvæði bandaríska
sjóhersins.
Foggo kom nýverið hingað til
lands í tengslum við Trident Junct-
ure, en foræfing var haldin hér þegar
hópur landgönguliða æfði á Reykja-
nesi og í Þjórsárdal. Þá átti Foggo
einnig fund með utanríkisráðherra.
Hafsvæðið skiptir öllu máli
„Án Atlantshafsins er ekkert Atl-
antshafsbandalag. Sterk viðvera á
þessu lykilsvæði tryggir sameigin-
legar varnir bandalagsins og þar er
Ísland miðjan,“ segir Foggo aðmíráll
og heldur áfram: „Raunveruleikinn
er sá að komi til átaka getur hver sá
sem ræður þessu svæði verndað eða
ógnað öllum norðurhluta Atlants-
hafsbandalagsins. Að halda uppi
vörnum á Norður-Atlantshafi jafn-
gildir þannig fullveldi og öryggi
bandalagsins.“
Þá kom Foggo einnig að minning-
arathöfn sem haldin var um borð í
varðskipinu Þór um þá sem létust í
orrustunni um Atlantshafið í síðari
heimsstyrjöld. Sagði hann þetta hafa
verið lengstu orrustu styrjaldar-
innar „Yfir 2.775 kaupskipum var
sökkt á 68 mánuðum, alls 14,5 millj-
ón tonn – þetta eru yfir 40 skip á
mánuði. Orrustunni lauk loks þegar
Dönitz flotaforingi skipaði kafbátum
sínum að láta af öllum aðgerðum og
halda til hafnar þann 4. maí 1945,“
segir hann.
Foggo segir minningarathöfnina
og æfingu landgönguliða hér hafa
endurspeglað mikilvægi Íslands sem
bandamanns. Þakkar hann íslensku
þjóðinni fyrir mikla gestrisni í garð
hermanna NATO. „Þetta var stór-
kostleg heimsókn og mikilvæg til að
sýna fram á að við erum sterkari
saman,“ segir Foggo.
Ísland er miðpunktur
hernaðarlegs mikilvægis
 Bandarískur aðmíráll segir Ísland traustan bandamann
James G.
Foggo
Á Þjóðarspegli, ráðstefnu félagsvís-
indasviðs Háskóla Íslands í gær,
kynntu Laufey Axelsdóttir, Þorgerð-
ur Einarsdóttir og Guðbjörg Linda
Rafnsdóttir niðurstöður rannsókna
sinna þar sem m.a. stuðningur stjórn-
enda á Íslandi við kynjakvóta er
kannaður.
Í samtali við Morgunblaðið segir
Laufey að viðhorf stjórnenda til
kynjakvóta og kynjajafnvægis hafi
verið könnuð með spurningalista.
„Við vorum að fjalla um hvaða rök
hefðu verið notuð í jafnréttisbarátt-
unni og hvernig það endurspeglaðist í
umræðunni um kynjakvóta,“ bætir
hún við.
Rannsóknin er hluti af doktors-
rannsókn Laufeyjar, sem er hluti af
stærra verkefni. Í
kynningunni var
farið yfir orðræð-
ugreiningu sem
sneri að fjölmiðla-
umfjöllun og um-
ræðum á Alþingi í
kringum laga-
setningu um
kynjakvóta fyrir
stjórnir fyrir-
tækja sem var
sett 2010. Laufey segir að á þeim
tíma sem lögin voru til umfjöllunar
hafi ekki verið bundnar miklar vonir
við hin nýju lög. „Fólk hafði kannski
ekki miklar væntingar til þeirra og
það var ákveðin mótstaða úr atvinnu-
lífinu.
Eftir að lögin taka gildi 2013 kem-
ur fram mjög breytt viðhorf í sam-
félaginu til kynjakvóta. Við sjáum að
margir, sem voru mjög mótfallnir
kynjakvóta, skipta um skoðun.“
Ísland í 50. sæti
Hún segir að þrátt fyrir að hlutfall
kvenna í stjórnum hafi aukist þá sé
hlutfallið enn lágt þegar kemur að
æðstu stjórnendum fyrirtækja og er
Ísland í 50. sæti í þeim flokki. Staðan í
atvinnulífinu er hugsanlega ekki eins
góð og mætti halda, að sögn Lauf-
eyjar. „Við sjáum að í fyrirtækjum
með 250 starfsmenn eða fleiri eru að-
eins 13% framkvæmdastjóra konur.
Þetta er sama hlutfall og þegar lögin
tóku gildi.,“ segir hún. gso@mbl.is
Viðhorf hefur breyst
 Viðhorf til kynjakvóta í stjórnum fyrirtækja jákvæðara
eftir lagasetningu  Konur aðeins 13% æðstu stjórnenda
Laufey
Axelsdóttir
á samkeppnishæfu verði!
Kletthálsi 2, 110 Reykjavík s.562-1717 bilalif.is
Við seljum líka nýja bíla
Range Rover Evoque
Ný sending af mjög vel útbúnum
i
20% af hreinsun á sófaáklæðum
og gluggatjöldum til 16. nóvember.
STOFNAÐ 1953