Morgunblaðið - 27.12.2018, Side 2

2 FRÉTTIRInnlent
MORGUNBLAÐIÐ FIMMTUDAGUR 27. DESEMBER 2018
595 1000
Gleðileg jól
Heimsferðir óskar þér og þínum
gleðilegra jóla og farsældar á
komandi ferðaári.
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Deiluaðilar koma saman á morgun
 Halda á fund ríkissáttasemjara  VR vill forðast hörð átök og vinna að lausn  Vísa til kosningalof-
orða stjórnarflokkanna  SA vildu hafa séð meira „sett á borðið“ af hálfu verkalýðsfélaganna þriggja
Jón Birgir Eiríksson
jbe@mbl.is
Eyjólfur Árni Rafnsson, formaður
Samtaka atvinnulífsins, segir að við-
ræður við Eflingu, VR og Verkalýðs-
félag Akraness hafi ekki verið komn-
ar á það stig að ástæða hafi verið að
vísa þeim til ríkissáttasemjara. „Við
getum orðað það þannig að við hefð-
um gjarnan viljað sjá meira sett á
borðið en verið hefur. Fyrst málið er
komið á þennan stað, þá ræðum við
það þar við borðið,“ segir hann.
Félögin þrjú afturkölluðu í síðustu
viku samningsumboð sitt frá Starfs-
greinasambandinu og verður fyrsti
fundur hjá ríkissáttasemjara haldinn
á morgun. Eyjólfur Árni segir að-
spurður að í raun liggi ekki fyrir hve
mikið beri á milli í deilunni.
„Það hefur eiginlega ekki reynt á
það yfir höfuð […], satt að segja. Það
liggur fyrir kröfugerð og það liggur
fyrir hvað við höfum sagt að rými sé
fyrir meðal atvinnulífsins almennt.
Það eru vinnuhópar að störfum og
það liggur engan veginn fyrir niður-
staða um það hvernig ber að meta hve
mikið ber í milli, það er bara ekki
vitað. Það hefur ekki mikið reynt á
samninga yfir höfuð, það er í raun og
veru þannig,“ segir hann.
Hörð átök engum til góðs
Spurður hvort menn hafi áhyggjur
af hörðum átökum og/eða verkfalls-
aðgerðum segir hann að sá möguleiki
sé vissulega fyrir hendi eðli máls sam-
kvæmt. „Ég á ekkert frekar von á því
en það getur gerst. Við sjáum hvernig
vinnst úr þessu en það verður engum
til góðs ef það gerist,“ segir hann.
Ragnar Þór Ingólfsson, formaður
VR, segir félögin þrjú hafa tekið
ákvörðunina með fullum hug til þess
að ná árangri í viðræðunum. „Síðast
þurfti að fara í verkfallsboðun til þess
að fá áheyrn og ekki fyrr en búið var
að samþykkja verkfallsaðgerðir hjá
VR að eitthvað fór að gerast. Ég vona
að við losnum við það núna,“ segir
hann. „Það er bara svo mikið undir að
ég er vongóður um að við náum ár-
angri. Það sem vegur þungt í þessu
eru ákveðnar kerfisbreytingar. Kosn-
ingaloforð stjórnarflokkanna lúta að
hluta af þeim og nú er t.d. komin í
gang mikil vinna í tengslum við hús-
næðismálin. Ef við náum árangri þar
er það stór áfangi fyrir okkur. Allt
skiptir þetta máli í kröfugerðinni
okkar,“ segir hann og nefnir að félög-
in geti ekki farið öðruvísi en bjartsýn
inn í viðræðurnar.
Spurður hvort von sé á að alvöru-
taktur komist á í viðræðunum á nýju
ári segir hann að félögin þrjú líti
þannig á verkefnið. „Við ætlum í þess-
ar viðræður af heilum hug. Ef SA
gera það líka og stjórnvöld eru tilbúin
að hlusta og reyna að koma að lausn-
inni, þá náum við saman á endanum.
Það er engin spurning um það, heldur
bara hvenær.“
Landsnet mun skipta út öllum þrem-
ur straumspennum í tengivirki Íra-
fossvirkjunar en eldur kom upp í
tengivirkinu á jólanótt. Eldurinn kom
upp í mælaspenni og varð sprenging í
einum af þremur straumspennum
tengivirkisins. Spennarnir eru frá
árinu 1959 en virkjunin var gangsett
árið 1953. Ákveðið var að skipta öllum
þremur út til að koma í veg fyrir elds-
voða eins og á jólanótt.
Áætlað er að viðgerðin klárist fyrir
helgi og í kjölfarið verður hægt að
setja Ljósafosslínu 1 inn aftur. „Þetta
er ekkert rosalega stórt verk þannig,
við þurfum bara gott veður,“ segir
Steinunn Þorsteinsdóttir, upplýs-
ingafulltrúi Landsnets. Ekki þarf að
kalla út auka mannskap vegna við-
gerðarinnar. Hún segir að það hafi
verið töluvert áfall að fá fregnir af
eldsvoðanum. „En þetta hefur gengið
mjög vel. Það kom í ljós á jólanótt að
það eru allir mjög vel æfðir. Þegar við
fórum að skoða þetta betur á jóladag
voru skemmdirnar ekki eins miklar
og þær litu út í fyrstu. En svo er sót á
tengivirkinu sem við þurfum að skoða
með hvaða hætti við þrífum.“ Þá segir
Steinunn að það jákvæða sem megi
taka út úr þessu öllu saman sé að eng-
inn hafi þurft að vera án rafmagns á
jóladag.
Skipta um
spenna eft-
ir eldsvoða
 Gert við tengivirki
Írafossvirkjunar
Yfir jólahátíðina fjölgar heimsóknum í kirkju-
garða mjög og heilu stórfjölskyldurnar heim-
sækja látna ástvini og votta þeim virðingu sína.
Svo rík er hefðin að sumir koma í kirkjugarðinn
á sama tíma á hverju einasta ári. Margir kveikja
á kerti við leiðin eða leggja þar kransa eða aðra
skrautmuni. Í ár var engin undantekning á þessu
og mikil umferð um garðana.
Flestir leggja leið sína í kirkjugarðana á að-
fangadag, en á þessu ári bar Þorláksmessu upp á
sunnudag og dreifðist umferðin því nokkuð á
þessa tvo daga. Þrátt fyrir þetta var umferðin
mest á aðfangadag og margmenni í kirkjugörð-
unum frá því snemma á aðfangadagsmorgun og
fram eftir degi.
Sumir koma á sama tíma á hverju ári
Morgunblaðið/Árni Sæberg
Heimsóknir í kirkjugarðana stór hluti af jólahefð Íslendinga
Sprenging varð í bílskúr í Holtagerði í Kópavogi um
klukkan 16 í gær. Samkvæmt upplýsingum frá slökkvilið-
inu á höfuðborgarsvæðinu var sprengingin kröftug og olli
miklum skemmdum á bílskúrnum sem og á íbúðarhúsinu.
Engin slys urðu á fólki.
„Bílskúrshurðin var í molum úti á plani,“ sagði Jóhann
Viggó Jónsson, varðstjóri hjá slökkviliðinu, í samtali við
mbl.is. Einn var í bílskúrnum og var hann að gera við
sportbíl. Að sögn Jóhanns hafði húsráðandi verið að
reyna að gangsetja bílinn og líklega ekki gert sér grein
fyrir því að loftið væri orðið bensínmettað þegar hann
setti bílinn í gang.
Tveir slökkviliðsbílar og þrír sjúkrabílar voru sendir á
staðinn þegar útkall barst en annar slökkviliðsbílanna og
tveir sjúkrabílar voru síðan afturkallaðir. Nágrannar
voru þá mættir á staðinn með slökkvitæki.
Talsverðar skemmdir urðu á íbúðarhúsnæðinu við
sprenginguna, rúður brotnuðu sem og milliveggur inn í
barnaherbergi. Starf slökkviliðs á vettvangi fólst aðal-
lega í því að tryggja að eldur leyndist ekki í rústunum.
Eigandi sportbílsins vildi ekki láta flytja sig á slysa-
deild en Jóhann segir að hann hafi verið með sviðið hár,
en annars brattur.
Sprenging í bílskúr við
Holtagerði í Kópavogi
 Skemmdir urðu einnig á íbúðarhúsi  Engin slys á fólki
Morgunblaðið/Eggert
Sprenging Talsverðar skemmdir urðu á bílskúr og
íbúðarhúsi í Kópavogi í gær en enginn slasaðist.